Connect with us

ព័ត៌មានជាតិ

ទុរេន​រសជាតិ​ផ្អែម​ឆ្ងាញ់​ខេត្ត​ត្បូងឃ្មុំ កសិករ​ចាប់​ប្រមូល​ផល​ហើយ

បានផុស

នៅ

ត្បូងឃ្មុំ ៖ ចំការ​ទុរេន​ប្រមាណ​ជិត​២០​ហិច​តា ស្ថិត​ក្នុងស្រុក​អូររាំងឪ ខេត្ត​ត្បូងឃ្មុំ កសិករ​ចាប់​ប្រមូល​ផល​ហើយ បន្ទាប់​វា​បានចេញ​ផ្កា​ផ្លែ​ក្នុង​រយៈ​ជិត​៧​ខែ​ហើយ​នោះ ។ ការប្រមូល​ផល​ក្នុង​ស្មារតី​សប្បាយរីករាយ ព្រោះ​វា​បាន​ញាំ​ង​ឲ្យ​ជីវភាព​កសិករ​យើង​កាន់តែ​ប្រសើរឡើង ថ្វី​ដ្បិត​ស្ថិត ក្នុង​កាលៈទេសៈ​មានការ​ឆ្លង​រីក​រាលដាល​ជំងឺឆ្លង​កូ​វីដ​.១៩ ជា​សកល​យ៉ាងណាក៏ដោយ ព្រឹត្តិការណ៍​នេះ មិនបាន​ធ្វើ​ឲ្យ​ប៉ះពាល់​ដល់ទី​ផ្សារ​ដំណាំ​កសិកម្ម​របស់​កសិករ​យើង​ឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជាម សីហា អាយុ​៤៩​ឆ្នាំ ជា​ម្ចាស់​ចំការ​បានបញ្ជាក់​ឲ្យ​ដឹងថា ចំការ​ទុរេន​របស់គាត់​មាន​ទំហំ​ប្រមាណ​២​ហិកតា ស្ថិតក្នុង​ភូមិ​ស្រែ​ស្ពៃ ឃុំ​ព្រះ​ធាតុ ស្រុក​អូររាំងឪ ខេត្ត​ត្បូងឃ្មុំ ។ គាត់​បាន​ដាំ រួមមានៈ ម្ឃុ​ត សាវម៉ាវ កំពីងរាជ និង​ទុរេន ក្នុង​ដំណាំ​៤​ប្រភេទ​នេះ ទុរេន​មាន​ច្រើនជាងគេ គឺ​រហូតដល់​៣០០​ដើម​ឯណោះ។

លោក​បាន​បញ្ជាក់​ទៀត​ថា ទុរេន​គាត់​មាន​អាយុ​២០​ឆ្នាំ ចំពោះ​ការថែទាំ គាត់​បាន​ប្រើ​ជីធម្មជាតិ​ដាក់​ជី​អាចម៍​ប្រជៀវ ការ​ស្រោច​ទឹក​ស្រោច​១​ថ្ងៃ ខាន​១​ថ្ងៃ ។ ហើយ​ការ​ប្រមូល​ផល​បើ​ប្រៀបធៀប​ឆ្នាំនេះ និង​ឆ្នាំទៅ ផល​វា​ឲ្យ​ប្រហាក់ប្រហែលគ្នា ជា​មធ្យម​មិន​ក្រោម​៨​តោន​នោះទេ។ ហើយ​ឆ្នាំ​នេះ​តម្លៃ​ទីផ្សារ​ល្អ​ជាង​ឆ្នាំទៅ ពោល​គឺ​ឆ្នាំទៅ​មិញ​១​គីឡូ​២៧០០០​រៀល ហើយ​ឆ្នាំនេះ តម្លៃ​២៨០០០​រៀល។

ចំពោះ​ទីផ្សារ​មិន​ពិបាក​លក់​ទេ ដោយ​បងប្អូន​មានការ​គាំទ្រ​ពី​គ្រប់​មជ្ឈដ្ឋាន មានដូច​ជា ក្នុង​ខេត្ត​ត្បូងឃ្មុំ កំពង់ចាម ក្រចេះ ព្រៃវែង កណ្តាល និង​ទីក្រុង​ភ្នំពេញ ។ ដោយសារ​ទុរេន​ពូជខ្មែរ​របស់​យើង​ដាំ​លើដី​ក្រហម គ្មាន​គីមី ផល​គួរ​ជាទី​មោទនភាព​ប្រកបដោយ​រសជាតិ​ផ្អែម​ឆ្ងាញ់ សាច់​ស្ងួត​ស្រួយ ស្ងួត គ្រាប់​តូច គុណភាព​មិន​ចាញ់​ទុរេន​បរទេស​ឡើយ។

លោក សីហា បាន​បញ្ជាក់​បន្ថែម​ទៀត​ថា ក្នុង​អំឡុង​អន្តរកាល​នេះ ទោះបី​ស្ថិត​ក្នុង​ដំណាក់​ការ​មាន​ការ​រីក​រាលដាល​ជំងឺឆ្លង​កូ​វីដ១៩ ដែល​ពលរដ្ឋ​កំពុង​អនុវត្តន៍​៣​កុំ និង​៣​ការ យ៉ាងណាក៏ដោយ វា​មិន​បាន​ធ្វើ​ឲ្យ​ប៉ះពាល់​ដល់​ផលដំណាំ​កសិកម្ម​របស់​កសិករ​យើង​ឡើយ មិន​ពិបាក​លក់​ដោយ​បងប្អូន​មក​ទិញ​ដល់​ចំការ​តែម្តង កុំ​ភ្លេច​ទុរេន​អូររាំងឪ ជិត​២០​ហិកតា មាន​រសជាតិ​ផ្អែម ឈ្ងុយឆ្ងាញ់ ហូប​ទៅធ្វើ​ឲ្យ​គ្រួសារ​មាន​ផាសុខភាព​ល្អ អរគុណ​សន្តិភាព៕

ដោយ ​៖ សាន វិ​ឡែ​ម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម