ព័ត៌មានជាតិ
លោកឧត្តមសេនីយ៍ត្រីសិទ្ធិឡោះ បន្តចែកអំណោយជូនពលរដ្ឋរងគ្រោះដោយទឹកជំនន់៤០គ្រួសារ
បន្ទាយមានជ័យ ៖ នេះជាការទទួលខុសត្រូវក្នុងការដោះស្រាយសម្រាលទុក្ខលំបាករបស់ប្រជាពលរដ្ឋរងគ្រោះដោយទឹកជំនន់កន្លងមក លោកឧត្តមសេនីយ៍ត្រី សិទ្ធិ ឡោះ ស្នងការនគរបាលខេត្តបន្ទាយមានជ័យនៅបន្តចែកអំណោយជូនដល់ប្រជាពលរដ្ឋរងគ្រោះដោយទឹកជំនន់៤០គ្រួសារនៅភូមិចក់ពួក ឃុំស្លក្រាម ស្រុកស្វាយចេក ខេត្តបន្ទាយមានជ័យ នៅព្រឹកថ្ងៃទី១៨ ខែវិច្ឆិកា ឆ្នាំ២០២០ អំណោយជាស្បៀងអាហាររបស់លោកឧបនាយករដ្ឋមន្ត្រីកែ គឹមយ៉ានប្រធានអាជ្ញាធរជាតិប្រយុទ្ធប្រឆាំងគ្រឿងញៀន ជាប្រធានក្រុមការងារថ្នាក់ជាតិចុះជួយ ខេត្តបន្ទាយមានជ័យ និងលោកជំទាវ តាមរយៈលោកឧត្តមសេនីយ៍ត្រីសិទ្ធិ ឡោះ ស្នងការនគរបាលខេត្តបន្ទាយមានជ័យ។
ក្នុងពិធីចែកអំណោយនោះ លោកឧត្តមសេនីយ៍ត្រីសិទ្ធិ ឡោះ បានមានប្រសាសន៍ថា ដើម្បីសម្រាលនូវទុក្ខលំបាករបស់ពុកម៉ែបងប្អូន ដែល ជីវភាពក្រីក្រនិងរងគ្រោះដោយសារទឹកជំនន់នាពេលកន្លងមកនេះលោកឧបនាយក រដ្ឋមន្ត្រីកែ គឹមយ៉ាន និងលោកជំទាវ ម៉ៅ ម៉ាល័យ កែ គឹមយ៉ាន បានឧបត្ថម្ភអំណោយជាស្បៀងអាហារ ដែលផ្តល់តាមរយៈលោកជូនដល់ពុកម៉ែបងប្អូនដែលរងគ្រោះដោយទឹកជំនន់ ទាំង៤០គ្រួសារនៅភូមិចក់ពួកនេះ ដោយក្នុងមួយគ្រួសារទទួលបាន អង្ករ ២៥គីឡូក្រាម ទឹកត្រី១យួរ ទឹកស៊ីអ៊ីវ១យួរ បីចេង ១ថង់តូច ទឹកសុទ្ធ ២យួរ ថវិការ ២ម៉ឺនរៀល។
ក្នុងនោះដែរ លោកសិទ្ធិ ឡោះ បាននិយាយបន្តថា បើទោះបីជាអំណោយទាំងនេះមានចំនួនតិចតួចមិនតាមតម្រូវការរបស់ពុកម៉ែបងប្អូនក៏ពិតមែន ប៉ុន្តែវាអាចជួយសម្រាលទុក្ខលំបាក ផ្នែកជីវភាពរបស់ពុកម៉ែបងប្អូនបានមួយគ្រាផងដែរ។ ជាមួយគ្នានោះ ដើម្បីបង្កើននូវជីវភាពកាន់តែប្រសើរឡើងនោះ សូមឲ្យពុកម៉ែបងប្អូននាពេលទឹកស្រកចុះនោះ ត្រូវបង្កើនការដាំដុះដំណាំបង្ការផ្សេងនិងចិញ្ចឹម សត្វ ក្នុងនោះផងដែរ គឺសូមឲ្យពុកម៉ែបងប្អូននៅក្នុងសហគមន៍ ត្រូវមានអនាម័យខ្ពស់ និងបន្តអនុវត្តតាមការណែនាំរបស់ក្រសួងសុខាភិបាលក្នុងការទប់ស្កាត់នូវជំងឺកូវីដ១៩ កុំឲ្យឆ្លងរាលដាលចូលដល់ក្នុងសហគមន៍ ដោយពាក់ម៉ាស់ជាប្រចាំពេលធ្វើដំណើរ និងត្រូវសម្អាតដៃដោយលាងនឹងទឹកសាប៊ូឬជែល និងរក្សាគម្លាតសុវត្ថិភាពជាដើម៕
ដោយ ៖ វ៉ាន់ ណាង
-
ព័ត៌មានជាតិ១ សប្តាហ៍ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
ព័ត៌មានអន្ដរជាតិ៦ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
សន្តិសុខសង្គម៦ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន
-
ព័ត៌មានជាតិ១ សប្តាហ៍ agoគម្រោងស្តារផ្លូវជាតិលេខ ៤ ប្រវែងជិត ២០០ គីឡូម៉ែត្រ ចាយថវិកាជាង ១០០ លានដុល្លារ សម្រេចបញ្ចប់ ១០០%
-
កីឡា១ ថ្ងៃ agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានជាតិ៦ ថ្ងៃ agoតើរោងចក្រសហគ្រាសបែបណា តម្រូវបំពាក់ប្រព័ន្ធប្រព្រឹត្តកម្មទឹកកខ្វក់ការពារបរិស្ថាន?
-
កីឡា៥ ថ្ងៃ agoស្មាត់ឆ្នើម វឿន វាសនា បន្តកុងត្រាថ្មីជាមួយក្លិប Win Streak ត្រូវអ្នកគាំទ្រ តៃវ៉ាន់ សាទរខ្លាំង
-
ព័ត៌មានជាតិ៣ ថ្ងៃ agoអភិបាលស្រុកសំរោង ចុះពិនិត្យស្ពាន «កាប់នឹម» បាក់ស្រុតធ្ងន់ សិក្សាលទ្ធភាពជួសជុលឡើងវិញ ដើម្បីធានាសុវត្ថិភាពពលរដ្ឋ