ព័ត៌មានជាតិ

ច្របាច់ក និងខ្ទប់មាត់ប្រពន្ធសម្លាប់ចោល នៅបន្ទប់ជួល ដោយភ្លើងប្រចណ្ឌ

បានផុស

៥ years មុន

នៅ

ថ្ងៃសុក្រ ៩ កក្កដា ២០២១

ដោយ

កាលពីថ្ងៃទី០៨ ខែកក្តដា ឆ្នាំ២០២១ វេលាម៉ោង១២និង៣០នាទីយប់ នៅចំណុចផ្ទះជួលមួយកន្លែងស្ថិតនៅភូមិ៤ សង្កាត់កំពង់លាវ ក្រុងព្រៃវែង មានករណីឃាតកម្មមួយបានកើតឡើងដោយបុរសជាប្តី ច្របាច់ក នឹងខ្ទប់មាត់ប្រពន្ធ បណ្ដាលឱ្យស្លាប់នៅនឹងកន្លែងកើតហេតុនៅបន្ទប់ជួល ដោយសង្ស័យភ្លើងប្រចណ្ឌ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមការឲ្យដឹងពីអធិការដ្ឋាននគរបាលក្រុងព្រៃវែងថា ជនរងគ្រោះមានឈ្មោះ អី សះ ភេទស្រី អាយុ៣៩ឆ្នាំ ខ្មែរអីស្លាម មុខរបរលក់អីវ៉ាន់តាមរថយន្ត ដែលមានទីលំនៅភូមិចាមលើ ឃុំព្រែកថ្មី ស្រុកកោះធំ ខេត្តកណ្ដាល ពីរនាក់ប្ដីប្រពន្ធនេះ ជាអ្នកលក់អីវ៉ាន់តាមរថយន្តម៉ាក់ camry។ ចំណែកជនសង្ស័យជាប្ដីឈ្មោះ យ៉ា ហ្វា ភេទប្រុស អាយុ៤១ឆ្នាំ ខ្មែរអីស្លាម មុខរបរលក់អីវ៉ាន់តាមឡាន មានទីលំនៅភូមិជយោ ឃុំជយោ ស្រុកចំការលើ ខេត្តកំពង់ចាម។

តាមការបំភ្លឺពីម្ចាស់ផ្ទះនិងកូនបង្កើតរបស់ជនរងគ្រោះ បានឲ្យដឹងថា ដោយមានការសង្ស័យឮសំឡេង កូនក៏នាំគ្នាគាស់កញ្ចក់បង្អួច មើលឃើញជនសង្ស័យកំពុងប្រព្រឹត្ត ដោយច្របាច់កនឹងខ្ទប់មាត់ជនរងគ្រោះ ហើយនាំគ្នាគាស់ទ្វារទៅជួយ តែជនរងគ្រោះត្រូវបានបាត់បង់ជីវិត ទៅហើយ បានរាយការណ៍មកសមត្ថកិច្ចជួយអន្តរាគមន៍។

បច្ចុប្បន្នជនសង្ស័យ ត្រូវបានឃាត់ខ្លួននៅអធិការដ្ឋាននគរបាលក្រុងព្រៃវែង ដើម្បីកសាងសំណុំរឿងតាមនីតិវិធី។ ដោយផ្អែកទៅលើការពិនិត្យវិភាគ និងធ្វើកោសល្យវិច័យទៅលើសាកសព គឺពិតជាស្លាប់ដោយការច្របាច់កនឹងខ្ទប់មាត់ពិតប្រាកដមែន មូលហេតុមានការប្រចណ្ឌទៅលើជនរងគ្រោះ៕

អត្ថបទ៖ សៅគ្រី

Related Topics:ករណីឃាតកម្ម ខេត្តព្រៃវែង ការប្រចណ្ឌ

ព័ត៌មានអន្ដរជាតិ២៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា