ព័ត៌មានជាតិ

មិនថមថយទេ! ខេត្តព្រៃវែងបន្តរកឃើញអ្នកឆ្លងកូវីដ ជាង១៥០នាក់ទៀត ក្នុងចំណោមក្រុង ស្រុកចំនួន១២

បានផុស

៥ years មុន

នៅ

ថ្ងៃចន្ទ ១៩ កក្កដា ២០២១

ដោយ

ខេត្តព្រៃវែង គឺជាខេត្តមួយដែលកំពុងផ្ទុះឆ្លងរីករាលដាលខ្លាំងនៃជំងឺកូវីដ-១៩ ស្ទើរតែគ្រប់ក្រុង ស្រុកនៃខេត្តទៅហើយ ដែលមានប្រជាពលរដ្ឋជាប់ពាក់ព័ន្ធនិងឆ្លងជំងឺដ៏កាចសាហាវនេះ ហើយបើគិតត្រឹមថ្ងៃទី១៨ ខែកក្កដា នេះ ខេត្តព្រៃវែងមានអ្នកឆ្លងសរុបកើនឡើងជាង៣,០០០នាក់។

នៅថ្ងៃទី១៨ ខែកក្កដា ឆ្នាំ២០២១ នេះ រដ្ឋបាលខេត្តព្រៃវែង បានប្រកាសរកឃើញករណីឆ្លងជំងឺកូវីដ-១៩ថ្មី ចំនួន១៥៥នាក់ បន្ថែមទៀត ក្នុងចំណោមក្រុង ស្រុកចំនួន១២ និងមកពីរាជធានីភ្នំពេញ១នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុង ស្រុកដែលរកឃើញអ្នកឆ្លងជំងឺកូវីដ-១៩ ទាំងនេះរួមមាន៖ ១- ក្រុងព្រៃវែង ចំនួន១៣នាក់។ ២- ស្រុកកំចាយមារ ចំនួន៥៤នាក់។ ៣-ស្រុកព្រះសេ្ដច ចំនួន៤១នាក់។ ៤- ស្រុកពាមរក៍ ចំនួន១៣នាក់។ ៥- ស្រុកកញ្ច្រៀច ចំនួន៨នាក់។ ៦- ស្រុកមេសាង ចំនួន៦នាក់។ ៧- ស្រុកពាមជរ ចំនួន៥នាក់។ ៨- ស្រុកស្វាយអន្ទរ ចំនួន៤នាក់។ ៩- ស្រុកកំពង់ត្របែក ចំនួន៣នាក់។ ១០-ស្រុកពារាំង ចំនួន៣នាក់។ ១១-ស្រុកពោធិ៍រៀង ចំនួន២នាក់។ ១២-ស្រុកស៊ីធរកណ្ដាល ចំនួន២នាក់។ ១៣-មកពីរាជធានីភ្នំពេញ ចំនួន១នាក់។

អ្នកវិជ្ជមានជំងឺកូវីដ-១៩ ទាំង១៥៥នាក់ ខាងលើ កំពុងសម្រាកព្យាបាលនៅមន្ទីរពេទ្យបង្អែកខេត្ត និងតាមមន្ទីរពេទ្យបង្អែកស្រុកនីមួយៗ។

គិតត្រឹមថ្ងៃទី១៨ ខែកក្កដា ឆ្នាំ២០២១ ខេត្តព្រៃវែង មានអ្នកជំងឺកូវីដ-១៩ សរុបចំនួន៣,១៧៧នាក់ ជាសះស្បើយចំនួន១,៧៨១នាក់ កំពុងសម្រាកព្យាបាលចំនួន១,៣៤៥នាក់ និងស្លាប់៥១នាក់៕

អត្ថបទ ៖ សុខុម