Connect with us

ព័ត៌មានជាតិ

កំពត​សាងសង់​ទីលានចាក់សំរាមថ្មី​តម្លៃ ២ លានដុល្លារ

បានផុស

នៅ

កំពត៖ ខេត្តកំពតចាប់ផ្តើមសាងសង់ទីលានចាក់សំរាម ដែលមានលក្ខណៈស្តង់ដារលើផ្ទៃដីទំហំជាង​១០​ហិកតា ដោយប្រើរយៈពេល ១២ខែនិងចំណាយថវិកាប្រមាណ ២លានដុល្លារ។ ទីលានចាក់សំរាមក្រុងកំពតជាផ្នែក​មួយនៃគម្រោងអភិវឌ្ឍន៍ក្រុងរបៀង ២ របស់រាជរដ្ឋាភិបាលក្រោមកម្ចីពីធនាគាអភិវឌ្ឍន៍អាស៊ី(ADB) ។

លោក ជាវ តាយ អភិបាលខេត្តកំពតនិងមន្ត្រីជំនាញ បានចុះពិនិត្យកន្លែងចាក់សំរាមដែលមានទីតាំងក្នុងភូមិសាស្ត្រ​ឃុំថ្មី ស្រុកទឹកឈូ ខេត្តកំពត នាព្រឹកថ្ងៃទី២៧ ខែកក្កដា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជាវ តាយ បានមានប្រសាសន៍ថា​ កំពតជាខេត្តគោលដៅទេសចរណ៍មួយ ដែលមានភាពទាក់ទាញ និង បានអភិវឌ្ឍយ៉ាងឆាប់រហ័សបំផុត។ មុនពេលផ្ទុះវិបត្តិកូវីដ១៩ ភ្ញៀវមកទស្សនាខេត្តកំពតមានប្រមាណជិត​ ២ លាននាក់ក្នុងមួយឆ្នាំ។

លោក ជាវ តាយ បានបន្តថា ដើម្បីថែរក្សាសុខុមាលភាព ប្រជាជននិងទេសចរក៏ដូចជាចូលរួមថែរក្សាបរិស្ថានបៃតងអនាម័យស្អាត បរិយាកាសល្អព្រមទាំងជួយបង្កើនសោភ័ណភាពក្រុង រដ្ឋបាលខេត្តត្រូវតែមានទីលាន​កប់សំរាមជាចាំបាច់ ទើបអាជ្ញាធរខេត្តកំពតបានស្នើសុំដល់ក្រសួងសាធារណៈការ ជួយដោះស្រាយរហូតទទួលបានគម្រោងនេះ។

លោក ជាវ តាយ បានលើកបញ្ជាក់ថា បញ្ហាអនាម័យបរិដ្ឋាន ក៏ដូចជាទីលានកន្លែងទុកដាក់និងចាក់សំរាមគឺជាបញ្ហាសំខាន់ ដែល​ត្រូវ​យកចិត្តទុកដាក់ជាប្រចាំក្នុងការរួមចំណែកធ្វើឲ្យបរិស្ថាន បានកាន់តែល្អប្រសើរឡើង ។ ដោយឡែកសម្រាប់ទីក្រុងកំពតវិញ បញ្ហាសំរាមបានកើនឡើងពីមួយថ្ងៃទៅមួយថ្ងៃ ទាមទារឲ្យរដ្ឋបាលខេត្ត ត្រូវតែយកចិត្តទុកដាក់ពីទីកន្លែង សម្រាប់ទុកដាក់សំរាមឲ្យបានកាន់តែប្រសើរទៅថ្ងៃអនាគត។

លោក ហេង សម្បិត្ត តំណាងក្រុមហ៊ុនម៉ៅការសាងសង់បានបញ្ជាក់ថា ទីលានចាក់សំរាមមានពីរថតដោយមានស្រះសម្អាតទឹកកខ្វក់ចេញពីសំរាមចំនួន២ ។ ក្នុងនោះ មានទីលានត្រងទឹកកខ្វក់និងរំហួតទឹក អគាររដ្ឋបាល ប៉ុស្តិ៍យាម និង អណ្តូងទឹកសម្រាប់ត្រួតពិនិត្យគុណភាព។ តំណាងក្រុមហ៊ុនបានបន្តថា ក្រុមហ៊ុន​ក៏​នឹង​ជួយជួសជុលផ្លូវចូលទីលានកប់សំរាមកន្លែងថ្លឹងរថយន្ត កន្លែងស្តុកនិងញែកសំរាម ព្រមទាំងធ្វើរបងព័ទ្ធជុំវិញ។ ការងារសាងសង់នេះនឹងបញ្ចប់រួចរាល់មុនខែកក្កដា ឆ្នាំ២០២២ខាងមុខ។

គួរបញ្ជាក់ថា បច្ចុប្បន្នការប្រមូលសំរាមក្នុងក្រុងកំពតមានបរិមាណពី ៧០ តោនទៅ៩០តោនក្នុងមួយថ្ងៃ៕

អត្ថបទ៖ណារី

Helistar Cambodia - Helicopter Charter Services
Sokimex Investment Group
ព័ត៌មានជាតិ៧ ម៉ោង មុន

លោក នេត្រ ភក្ត្រា រៀបចំពិធីចម្រើនបុណ្យបារមីរូបបដិមា និងដំឡើងឆ័ត្ររួត ៩ជាន់ ថ្វាយ​ព្រះបរមរូប​ព្រះបាទជ័យ​វរ្ម័នទី៧ នៅសួនច្បារជ័យមង្គល​ព័ត៌មាន

ព័ត៌មានជាតិ៨ ម៉ោង មុន

គណៈកម្មការ​ចំពោះកិច្ច​ប្រយុទ្ធប្រឆាំងការ​ឆបោក​តាមប្រព័ន្ធបច្ចេកវិទ្យា បង្ហាញ​លទ្ធផល​ នៅ​ទូទាំង​ព្រះរាជាណាចក្រកម្ពុជា

ព័ត៌មានជាតិ៨ ម៉ោង មុន

២១ថ្ងៃ សមត្ថកិច្ចឃាត់ខ្លួនជនសង្ស័យជិត២៣០០នាក់ ពាក់ព័ន្ធបទល្មើសឆបោកតាមប្រព័ន្ធបច្ចេកវិទ្យា

កីឡា៩ ម៉ោង មុន

​កាន់ ស្រីរ័ត្ន​ អំពាវនាវ​មហាជន​ឲ្យ​​ជួយ​គាំទ្រ​ស្ត្រី​រត់​ប្រណាំង​ចម្ងាយ​ឆ្ងាយ​ ២១​ Km​ មិន​សូវ​មាន​អ្នក​លេង​ឡើយ​

សន្តិសុខសង្គម៩ ម៉ោង មុន

កម្លាំង​ចម្រុះ​នៃរដ្ឋបាលរាជធានីភ្នំពេញ ចុះបង្រ្កាប​ទីតាំង​លួច​លាក់​បង្កប់​បទ​ល្មើសអនឡាញ ២ទីតាំង នៅក្នុងខណ្ឌសែនសុខ

ព័ត៌មានអន្ដរជាតិ១៦ ម៉ោង មុន

ថៃ បញ្ជូនក្រុមដោះគ្រាប់បែកមកតំបន់មុំ៣ ដើម្បីប្រមូលព័ស្តុតាងថា ជាមីនថ្មីឬសល់ពីសម័យខ្មែរក្រហម

ព័ត៌មានអន្ដរជាតិ២៣ ម៉ោង មុន

ថៃ នៅតែអះអាងថា ទាហានជាន់មីនលើដីខ្លួនឯង ចុះហេតុអ្វីមកចោទកម្ពុជា?

ព័ត៌មានអន្ដរជាតិ១៥ ម៉ោង មុន

ថៃ ស្នើឲ្យកម្ពុជាដោះមីនចាស់ៗ, ចុះហេតុអ្វីថា ទាហានជាន់មីនក្នុងដីថៃ?

សន្តិសុខសង្គម១៧ ម៉ោង មុន

នគរបាលប្រឆាំងបទល្មើសសេដ្ឋកិច្ចចុះបង្ក្រាប​ហាងលក់សម្លៀកបំពាក់ H Collection  ៣ទីតាំងពាក់ព័ន្ធករណីក្លែងបន្លំម៉ាកយីហោ

ព័ត៌មានអន្ដរជាតិ២២ ម៉ោង មុន

រុស្ស៊ី ព្រមានលោកខាងលិចថា ខ្លួននឹងបើកការវាយប្រហារមុន បើចាំបាច់

Sokha Hotels

ព័ត៌មានពេញនិយម