Connect with us

ព័ត៌មានជាតិ

ក្រសួងព័ត៌មាន កំពុងបង្កើតគណៈកម្មការមួយ ដើម្បីត្រួតពិនិត្យ វាយតំលៃក្រមសីលធម៌ នៃការផ្សាយព័ត៌​មាន

បានផុស

នៅ

មន្ត្រីជាន់ខ្ពស់ ក្រសួងព័ត៌មាន បានឲ្យដឹងថា ក្រសួង​ព័ត៌មាន បាននឹងកំពុងរៀបចំសេចក្ដីព្រាងមួយ ដើម្បីបង្កើត​គណៈកម្មការ​ពិនិត្យ និង​វាយតម្លៃ​លើ​ក្រមសីលធម៌ ​នៃ​ការផ្សព្វផ្សាយ​ព័ត៌មាន ​របស់​អង្គភាព​សារព័ត៌មាន និងអ្នកសារ​ព័ត៌​មាន​នៅកម្ពុជា​។ គណៈ​កម្មការនេះ ក៏នឹងមានការចូលរួមពីតំណាងសមាគម និងក្លិប ដែលធ្វើការងារទាក់​ទង​នឹ​ង​វិស័យព័​ត៌មាន​ផង​ដែរ។

លោក មាស សុភ័ណ្ឌ អនុរដ្ឋលេខាធិការ និង​ជា​អ្នកនាំពាក្យ​ក្រសួង​ព័ត៌មាន បានថ្លែងប្រាប់អ្នកសារព័ត៌មានកម្ពុជាថ្មី នៅថ្ងៃទី២៨ ខែកក្កដានេះថា គណៈកម្មការពិនិត្យ និងវាយតម្លៃលើក្រមសីលធម៌ នៃការផ្សព្វផ្សាយព័ត៌មាន​ គឺជា​គ​ណៈ​កម្មការមួយ ដែលជួយបំពេញការងារបន្ថែម ក្នុងការត្រួតពិនិត្យ និងតាមដានការអនុវត្តក្រមសីលធម៌ នៅក្នុង​ការប្រកបវិជ្ជាជីវៈសារព័ត៌មាននៅកម្ពុជា ដោយគណៈកម្មការនេះ នឹងពិនិត្យមើលការអនុវត្តតួនាទីភារកិច្ច របស់អ្នក​សារ​ព័ត៌មាន ក៏ដូចជាអង្គភាពសារព័ត៌មាន ថាតើការបំពេញតួនាទីភារកិច្ច របស់ពួកគាត់ត្រឹមត្រូវ ទៅតាមក្រមសីល​ធម៌ ដែលត្រូវបានកំណត់ដោយច្បាប់ និងលិខិតបទដ្ឋានគតិយុត្ត ដែលមានជាធរមានដែរឬទេ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្យ៉ាងទៀតគណៈកម្មការនេះ ក៏ជួយផ្ដល់នូវការតម្រង់ទិស ទៅដល់អ្នកសារព័ត៌មាន ដែលមិនទាន់បានអនុវត្ត​វិជ្ជាជី​វៈ​​សារព័ត៌មានត្រឹមត្រូវ ដោយធ្វើយ៉ាងណាឲ្យពួកគេ មកអនុវត្តឲ្យបានត្រឹមត្រូវ ទៅតាមក្រមសីលធម៌ និង​វិជ្ជា​ជីវៈ​ជាអ្នកសារព័ត៌មានវិញ។ លើសពីនេះទៀត គណៈកម្មការនេះ ក៏នឹងរួមចំណែកនៅក្នុងការការពារស្នាដៃ របស់​អ្នក​សារព័ត៌មាន ក៏ដូចជាអង្គ​ភាពសារ​ព័ត៌មាន ដែលបានផលិត ឬបានចេញផ្សាយ និងចៀស​វាងការលួច​ចម្លង​ស្នា​ដៃ​​រ​បស់​អ្នកផ្សេង ហើយបំបាត់​ចោលស្នាដៃ នៃប្រភពដើមរបស់អង្គភាព ឬអ្នកសារព័ត៌មាន ដែល​បាន​ខិត​ខំ​ផលិតថែម​ទៀត។

ត្រង់ចំណុចនេះលោក មាស សុភ័ណ្ឌ បានថ្លែងបញ្ជាក់ថា​ «ហ្នឹងហើយ បានជាយើងបង្កើតគណៈកម្មការហ្នឹង ដើម្បី​ពិនិត្យវាយតំលៃ ហើយតាមរយៈការបង្កើតឡើង នូវគណៈកម្មការនេះ យើងនឹងផ្ដល់នូវមូលវិចារណ៍​ ចំពោះអង្គភាព​សារព័ត៌មានមួយចំនួន ដែលគាត់ប្រព្រឹត្តមិនត្រឹមត្រូវ ដើម្បីដាក់ជូនថ្នាក់ដឹកនាំ ឬក៏ថា ដាក់ជូនឯកឧត្ដមរដ្ឋមន្ត្រី​ក្រសួងព័ត៌មានពិនិត្យ និងសម្រេច»។

នៅពេលសួរថាតើ គណៈកម្មការពិនិត្យ និងវាយតម្លៃលើក្រមសីលធម៌ នៃការផ្សព្វផ្សាយព័ត៌មាននេះ នឹងមានកា​រ​ផ្ដល់​ចំណាត់ថ្នាក់ ដល់អង្គភាពសារព័ត៌មាន ដែលគោរពក្រមសីលធម៌វិជ្ជាជីវៈ ឬមិនគោរពក្រមសីលធម៌វិជ្ជាជីវៈ​ដែរ​ឬទេ? អ្នកនាំពាក្យក្រសួងព័ត៌មានលោក មាស សុភ័ណ្ឌ បានថ្លែងបញ្ជាក់ថា «ឥឡូវនេះ ក្រុមការងារបច្ចេកទេស​ខាងក្រសួង កំពុងតែគិតទៅលើចំណុចនេះផងដែរ ហើយកំពុងស្ថិតនៅក្នុងការពិភាក្សា ជាមួយនឹងក្រុមការងារ​បច្ចេក​ទេស ហើយនឹងដាក់ស្នើសុំយោបល់ ទៅឯកឧត្ដមរដ្ឋមន្ត្រី ដើម្បីពិនិត្យ និងសម្រេចផងដែរ អញ្ចឹងហើយដូច​ខ្ញុំជម្រាបជូនខាងដើមហើយ ពេលនេះយើងកំពុងតែពិនិត្យ ពិភាក្សាទៅលើសមាសភាព សម្រាប់ចូលរួមទៅ​ក្នុង​គណៈកម្មការនេះ ដោយមានទាំងសមាគមអ្នកសារព័ត៌មាន អញ្ជើញចូលរួមក្នុងគណៈកម្មការនេះ ហើយទី២នោះ យើងកំពុងតែពិនិត្យ និងពិភាក្សាទៅលើតួនាទីភារកិច្ច របស់គណៈកម្មការនេះ ថាតើគណៈកម្មការ ត្រូវបំពេញ​តួនាទីភារកិច្ចបន្ថែមទៀតយ៉ាងដូចម្ដេច ដើម្បីជួយទៅដល់របស់រដ្ឋមន្ត្រីក្រសួងព័ត៌មាន ក្នុងការពិនិត្យតាមដានទៅ​លើការអនុវត្តក្រមសីលធម៌ វិជ្ជាជីវៈសារព័ត៌មាន នៅកម្ពុជារបស់យើងហ្នឹង»។

បើតាមលោក មាស សុភ័ណ្ឌ ក្រសួងព័ត៌មាន នឹងជំរុញឲ្យគណៈកម្មការពិនិត្យ និងវាយតម្លៃលើក្រមសីលធម៌ នៃកា​រ​ផ្សព្វផ្សាយព័ត៌មាន ចេញជារូបរាងនៅក្នុងពេលឆាប់​ៗខា​ង​មុខនេះ៕ (ដោយ)៖ ឃួន សុភ័ក្រ

 

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

ថៃកំពុងបង្ខិតប្រទេសរបស់ខ្លួនឱ្យស្របច្បាប់ចំពោះការស្រឡាញ់ភេទដូចគ្នា

សន្តិសុខសង្គម៣ ម៉ោង មុន

ស្លាប់​កម្មករ​ម្នាក់ របួសធ្ងន់​ស្រាល​៣​នាក់​ក្នុង​ករណី​បាក់​ជញ្ជាំង​អាង​ស្តុក​ទឹក នៅសង្កាត់​គោក​រកា

ព័ត៌មានជាតិ៤ ម៉ោង មុន

លោក​បណ្ឌិត លី ធុជ ដឹកនាំ​កិច្ចប្រជុំ​តាម​ប្រព័ន្ធ​អន​ឡាញ ដើម្បី​ជំរុញ​កិច្ចសហប្រតិបត្តិការ និង​ពង្រឹង​អនុលោមភាព​នៃ​អនុសញ្ញា​អូ​តា​វ៉ា​ក្នុងចំណោម​រដ្ឋ​ភាគី​

ព័ត៌មានជាតិ៤ ម៉ោង មុន

កុំ​ភ្លេច​ត្រៀម CV! ស្អែក​នេះ ឱកាស​ការងារ​ថ្មី​បន្ថែមទៀត​ជិត ៥០០ កន្លែង​ក្នុង​វេទិកា​ការងារ​របស់ NEA

ព័ត៌មានជាតិ៤ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​ស្តីពី​សុវត្ថិភាព​អគ្គិភ័យ​នៅតាម​សហគ្រាស គ្រឹះស្ថាន

ព័ត៌មានជាតិ៤ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ២ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ២ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

ជីវិតកម្សាន្ដ៦ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម