ព័ត៌មានជាតិ
វ៉ាក់សាំងដូសទី៣ សម្រាប់ចាក់ជូនកម្លាំងជួរមុខ ត្រូវបានដឹកតាមឧទ្ធម្ភាគចក្រ ដល់ខេត្តបន្ទាយមានជ័យ
ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានត្រៀមរៀបចំរួចរាល់ហើយ ក្នុងការទទួលពលករនឹងត្រឡប់មកពីប្រទេសថៃ និងការចាក់វ៉ាក់សាំងការពារឆ្លងជំងឺកូវីដ១៩ ជូនដល់មន្ត្រីរាជការស៊ីវិល និងកងកម្លាំងជួរមុខ ។
ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានប្រាប់អោយដឹងនៅថ្ងៃទី៧ ខែសីហា ឆ្នាំ២០២១ថា សម្រាប់ខេត្តបន្ទាយមានជ័យ នៅព្រឹកមិញនេះ បានទទួលហើយនូវវ៉ាក់សាំងពីក្រសួងសុខាភិបាល ចំនួន១៣,០០០ដូស តាមឧទ្ធម្ភគចក្រ សម្រាប់ចាក់ជូនមន្ត្រីរាជការជុំវិញខេត្ត និងកងកម្លាំងនគរបាល ដូសទី៣ ហើយនឹងចាប់ផ្ដើមដំណើរការចាក់នៅព្រឹកថ្ងៃទី៨ ខែសីហាស្អែកនេះ ខណៈកម្លាំងកងទ័ព និងកម្លាំងកងរាជអាវុធហត្ថ នឹងមានការរៀបចំពីក្រសួងការពារជាតិ ។
ឯកឧត្តមបានបន្តថាសម្រាប់ការត្រៀមទទួលពលករមកពីប្រទេសថៃវិញ គឺខេត្តបានត្រៀមលក្ខណៈរួចរាល់ហើយ ទាំងការបញ្ជូនពួកគេទៅធ្វើចត្តាឡីស័ក និងបញ្ជូនទៅកន្លែងព្យាបាលជំងឺកូវីដ១៩ ក្នុងករណីមានវិជ្ជមាន ទៅតាមសេចក្តីណែនាំដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា ។
បច្ចុប្បន្នបន្ទាយមានជ័យ បានចាក់វ៉ាក់សាំងដល់ពលរដ្ឋបានជាង ២៧ម៉ឺននាក់ហើយ ខណៈកំពុងដំណើរ ការចាក់ជូនពលរដ្ឋ នៅក្នុងស្រុកចំនួន ២ទៀត មានស្រុកថ្មពួក និងស្រុកស្វាយចេក លើពលរដ្ឋជាង ៦ម៉ឺននាក់ ។ ចំពោះពលករនៅជាប់តាមព្រំដែនថៃ ជាប់ខេត្តបន្ទាយមានជ័យវិញ កំពុងមានការយកចិត្តទុកដាក់ពីអាជ្ញាធរខេត្ត និងអាជ្ញាធរ ថៃ ក្នុងការរៀបចំទីតាំងឲ្យពួកគាត់សម្រាក់ ផ្ដល់អាហារ៣ពេល រួមទាំងការពិនិត្យសុខាភាព និងការធ្វើសំណាកយកមេរោគកូវីដ១៩ បើមានវិជ្ជមាននឹងបញ្ជូនមកព្យាបាលនៅកម្ពុជា ។
បើតាមមន្ត្រីកងទ័ពនៃភូមិភាគទី៥ បានឲ្យដឹងថា វ៉ាក់សាំងសម្រាប់ចាក់ដូសទី៣ ជូនដល់កម្លាំងកងទ័ព និងកម្លាំងកងរាជអាវុធហត្ថ ឈរឃើញនៅក្នុងខេត្តបន្ទាយមានជ័យ ក៏បានដឹកទៅដល់ខេត្តហើយផងដែរ ។
គួរបញ្ជាក់ថា កាលពីថ្ងៃទី៦ ខែសីហា ឆ្នាំ២០២១ អាជ្ញាធរខេត្តបន្ទាយមានជ័យ បានរកឃើញអ្នកវិជ្ជមានកូវីដ១៩ ចំនួន១៨៥នាក់ តាមរយៈការធ្វើសំណាកដោយដោយឧបករណ៍តេស្តរហ័ស (Rapid Test) និងមន្ទីរពិសោធន៍ជាតិភ្នំពេញ និងជាសះស្បើយចំនួន ៣១៨នាក់ ៕
អត្ថបទ ៖ ពៅ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ