ព័ត៌មានជាតិ
អាជ្ញាធរក្រុងខេមរភូមិន្ទ កំពុងពង្រឹងការរៀបចំ សណ្តាប់ធ្នាប់នៅក្នុង និងក្រៅផ្សារដងទង់
(កោះកុង)៖ ក្រោយការអនុញ្ញាត ឲ្យបើកដំណើរការអាជីវកម្មផ្សារដងទង់ឡើងវិញ ក្រុមអាជ្ញាធរសមត្ថកិច្ចក្រុងខេមរភូមិន្ទ បាននឹងកំពុងផ្តោត ការយកចិត្តទុកដាក់ពង្រឹងវិធានការ រៀបចំបញ្ហាសន្តិសុខសណ្តាប់ធ្នាប់ សោភ័ណ្ឌភាពអនាម័យបរិស្ថានក្នុង និងក្រៅផ្សារឲ្យល្អប្រសើរ។
សកម្មភាព នៃការលក់ដូរអាជីវកម្ម និងការចតយានយន្ត លើចិញ្ចើមថ្នល់យ៉ាងអនាធិបតេយ្យ ជុំវិញផ្សារដងទង់កើតមានឡើងជាច្រើនឆ្នាំណាស់មកហើយ ទោះអប់រំណែនាំ ឬព្រមានជាវិធានការផាកពិន័យយ៉ាងណាក៏ដោយ ក៏ពិបាកដោះស្រាយដូចការវែងចក។
តែទោះយ៉ាងណា លោក ឈឹម ចិន អភិបាលរងក្រុងខេមរភូមិន្ទ និងសមត្ថកិច្ចនគរបាល អះអាងនៅថ្ងៃទី២៤ សីហានេះថា រូបលោក និងអាជ្ញាធរពាក់ព័ន្ធ នឹងខិតខំកែសម្រួល បញ្ហាសណ្តាប់ធ្នាប់សោភ័ណ្ឌភាព ឲ្យបានល្អប្រសើរ តាមរយៈមានជាចំណត មានជាតូបលក់ដូរបានសមរម្យ ទៅតាមគោលការណ៍ច្បាប់ ករណីតូបក្នុងផ្សារដងទង់ គឺតូបនៅផ្សារកោះកុងថ្មី ត្រៀមទទួលអាជីករ ទៅលក់ដូរនៅទីនោះ។
បើតាមលោកអភិបាលរង ក្រុងខេមរភូមិន្ទ ប្រសិនបើអាជ្ញាធរចុះអប់រំណែនាំ ហើយអប់រំទៀត នៅតែមិនស្តាប់តាមទេនោះ ច្បាស់ជានឹងមានវិធានការ ផាកពិន័យជាក់ជាពុំខាន ដោយគ្មានការយោគយល់ទៀតទេ ក្នុងបរិបទទប់ស្កាត់រលកទី២កូវីដនេះ។ ក្រោយណែនាំពីវិធានការសុខាភិបាល និងរកទៅលក់ដូរទីតាំងថ្មី គិតមកទល់ម៉ោងនេះ អាជ្ញាធរក្រុងខេមរភូមិន សង្កេតឃើញមានអាជីវករមួយចំនួន បានចូលរួមយល់ព្រមទៅលក់ដូរ នៅផ្សារកោះកុងថ្មីជាបណ្តើរៗ តាមការអំពាវនាវ។
លោកស្រី មិថុនា ភូថង អភិបាលខេត្តកោះកុង កាលពីថ្ងៃទី២១ ខែសីហាថ្មីៗនេះ បានចេញលិខិតសម្រេចអនុញ្ញាតឲ្យបើកដំណើរការឡើងវិញ នូវផ្សារដងទង់ ដែលនៅចំកណ្តាលទីរួមខេត្តកោះកុង ដើម្បីឲ្យប្រជាពលរដ្ឋអាជីវករ អាចស្តារសេដ្ឋកិច្ចគ្រួសារឡើងវិញ ក្រោមកិច្ចអនុវត្តវិធានការសុខាភិបាល ៣កុំ ៣ការពារ ឲ្យបានខ្ជាប់ខ្ជួនបំផុត។ ប្រសិនបុគ្គលណាមិនអនុវត្តតាមទេ នឹងរងការពិន័យអន្តរការណ៍ ឬទោសទណ្ឌតែម្តង។
ដើម្បីធានាសុវត្ថិភាពអាជីករ និងអ្នកទិញទំនិញ ក្រុមគ្រូពេទ្យ បានធ្វើតេស្តរហ័ស ទៅលើអាជីវករប្រមាណ ៨១៥នាក់ ស្រ្តី៦២៣នាក់ ហើយជាលទ្ធផលតេស្ត គឺរកឃើញអ្នកវិជ្ជមានកូវីដចំនួន២នាក់ ដោយបញ្ចូនទៅមណ្ឌលព្យាបាល នៅវិទ្យាល័យកោះកុងរួចរាល់ហើយដែរ។
តាមរយៈលួចខ្សឹបប្រាប់អ្នកសារព័ត៌មាន របស់ក្រុមអាជីវករ ដែលលក់ដូរតាមចិញ្ចើមថ្នល់ ឲ្យដឹងថា មូលហេតុដែលពួកគេមិនចង់ទៅលក់ដូរ នៅផ្សារកោះកុងថ្មី ក៏ព្រោះតែលក់មិនដាច់ គ្មានអតិថិជនទៅទិញច្រើន ដូចនៅផ្សារដងទង់ទេ។ ដូច្នេះទើបសុខចិត្ត ឆក់កន្តៀតលក់ដូរបែបនេះទៅ ទោះតម្រូវឲ្យបង់ភាស៊ីថ្លៃបន្តិចក៏ធ្វើដែរ។ ត្បិតជាហេតុផលរបស់អាជីករដូច្នេះក៏ដោយ ក៏អាជ្ញាធរនៅតែប្រកាន់ជំហរ រៀបចំសណ្តាប់ធ្នាប់ផ្សារដងទង់ ឲ្យបានស្អាតល្អ មិនបង្កឲ្យបញ្ហា នៅតែកើតដដែលទៀតឡើយ៕ (ដោយ)៖ សិរីវឌ្ឍនៈ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៦ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ