ព័ត៌មានជាតិ
លោក ចៅ ភិរុណ៖ ទង្វើល្អ គឺធ្វើឲ្យប្រជាជនមិនភ្លេចគុណយើងទេ
សមាជិកាសមាជិការ និងក្រុមប្រឹក្សាគណបក្សប្រជាជនកម្ពុជាស្រុក គប្បីធ្វើអ្វីៗដែលជាទង្វើគំរូល្អយល់ពីភាពក្តៅត្រជាក់ជាមួយប្រជាជន នោះប្រជាជននឹងមិនភ្លេចគុណយើងនោះទេ។
នេះជាសារដែលចេញពីមាត់របស់លោក ចៅ ភិរុណ ប្រធានក្រុមការងារថ្នាក់កណ្តាលចុះជួយមូលដ្ឋានស្រុកបូទុមសាគរ ដែលបានលើកឡើងព្រឹកថ្ងៃទី៣០ ខែសីហា ឆ្នាំ២០២១ ក្នុងពិធីប្រកាសសម្រេចកែសម្រួលតួនាទី ភារកិច្ច រចនាសម្ព័ន្ធ និងតែងតាំងគណៈបញ្ជាការយុទ្ធនាការបោះឆ្នោតគណបក្សប្រជាជនកម្ពុជាស្រុក និងផ្សព្វផ្សាយបណ្តាឯកសារពាក់ព័ន្ធ និងយុទ្ធនាការរៀបចំការបោះឆ្នោតឃុំសង្កាត់ឆ្នាំ២០២២។
លោក ចៅ ភិរុណ បន្ថែមជំរុញដល់ប្រធានប្រឹក្សាស្រុកបូទុមសាគរ សមាជិកា និងសមាជិការ ទៀតថា ចាំបាច់រក្សានូវអាសន្នៈនៅតាមឃុំសង្កាត់ពុំឱ្យបាត់បង់ដាច់ខាន ពោលគឺដណ្តើមជ័យជម្នះក្នុងដំណើរការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ ឆ្នាំ២០២២ខាងមុខ ជាពិសេសប្រធានក្រុមប្រឹក្សា។ ដោយតម្រូវសមាជិកា សមាជិកតាំងចិត្តប្តេជ្ញាចិត្តទាំងអស់គ្នា។
បើតាមលោក ចៅ ភិរុណ អំពើល្អជាមួយប្រជាជន ស្គាល់ទុក្ខលំបាក សប្បាយរីករាយនានារបស់ពួកគាត់ ត្រូវផ្តោតការយកចិត្តទុកដាក់មិនអាចខ្វះចន្លោះបានគ្រប់នាទីណាទាំងអស់ ជៀសវាងធ្វេសប្រហែស។ ចំពោះការជ្រើសរើសបេក្ខភាពគណបក្សឈរឈ្មោះបោះឆ្នោត ជារឿងមួយពិចារណាខ្ពស់ផងដែរ មុននឹងសម្រេចដាក់បញ្ចូលទៅក្នុងបញ្ជីឈ្មោះបោះឆ្នោត។
ដើម្បីទទួលបានជ័យជម្នះលើដំណើរការបោះឆ្នោត អាណត្តិទី៥ ឆ្នាំ២០២២បាន ការក្តោបក្តាប់ព័ត៌មានសកម្មភាពបណ្តាបក្សនយោបាយក្នុងមូលដ្ឋានជារឿងគួរយកចិត្តទុកដាក់ ដែលមិនអាចមើលស្រាលបានឡើយ។ បន្តពង្រឹងគៀងគរគ្រប់គ្រងសមាជិកសមាជិកក្នុងជួរបក្ស និងបញ្ចូលសមាជិកថ្មីៗបន្ថែមក្រោមការរៀបចំគណៈបញ្ជាការយុទ្ធនាការបោះឆ្នោត បណ្តុះបណ្តាលធនធានមនុស្សទៅតាមកម្រិត ផ្ទៀងផ្ទាត់បញ្ជីឈ្មោះអ្នកត្រូវបោះឆ្នោត និងដោះស្រាយវិវាទផ្សេងៗក្នុងមូលដ្ឋានជាអតិបរិមាតបតាមគោលការណ៍ដែលបានដាក់ចេញអោយអនុវត្តរួមគ្នា៕
អត្ថបទ៖ សិរីវឌ្ឍនៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង