ព័ត៌មានជាតិ

មន្ត្រីជំនាញ ចុះចែកវ៉ាក់សាំង ជូនដល់កសិករចិញ្ចឹមសត្វគោក្របី សម្រាប់បន្តការព្យាបាល ក្នុងស្រុកសំឡូត

បានផុស

៥ years មុន

នៅ

ថ្ងៃសៅរ៍ ៤ កញ្ញា ២០២១

ដោយ

ការរីករាលនៃជំងឺដុំពកលើសត្វគោ-ក្របី ក្នុងខេត្តបាត់ដំបង បានកើតឡើងស្ទើរទូទាំងស្រុក ខណៈបច្ចុប្បន្នមន្ត្រីនៃមន្ទីរជំនាញ កំពុងខិតខំបំពេញភារកិច្ចចុះព្យាបាល ដើម្បីជួយដល់កសិករចិញ្ចឹមសត្វគោក្របីគ្របបណ្តាស្រុក ដែលកំពុងប្រឈមជាសេសក្នុងស្រុកសំឡូត ដែលកំពុងផ្ទុះ ក្នុងការឆ្លងរីករាលដាលលើសត្វគោក្របីច្រើនជាង បណ្តាស្រុកក្នុងខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឈឹម វិច្ឆរ៉ា ប្រធានមន្ទីរកសិកម្មរុក្ខាប្រមាញ់ និងនេសាទខេត្តបានឱ្យដឹងថា ករណីជំងឺដុំពកលើសត្វគោក្របី ដែលកំពុងរាតត្បាតនេះ នៅថ្ងៃទី៣ ខែកញ្ញា ឆ្នាំ២០២១ លោកបានដឹកនាំមន្ត្រីការិយាល័យជំនាញផលិតកម្ម និងបសុព្យាបាល ដោយមានកិច្ចសហការជាមួយរដ្ឋបាលស្រុកសំឡូតការិយាល័យកសិកម្មធនធានធម្មជាតិ និងបរិស្ថានស្រុកពេទ្យសត្វភូមិ ក្នុងស្រុកសំឡូត បានបើកយុទ្ធនាការចាក់វ៉ាក់សាំងការពារជំងឺដុំពកលើស្បែកគោ.ក្របី និងធ្វើការបែងចែកសម្ភារៈបរិក្ខារបសុពេទ្យថ្នាំព្យាបាលវ៉ាក់សាំង ជូនដល់បងប្អូនកសិករចិញ្ចឹមគោក្របី សម្រាប់យកទៅចាក់និងព្យាបាលក្នុងស្រុកផងដែរ។

លោកបានបញ្ជាក់ឱ្យដឹងបន្តថា ចាប់ពីចុងខែឧសភាឆ្នាំ២០២១ ខេត្តបាត់ដំបង មានការផ្ទុះជំងឺដុំពកលើស្បែកគោ.ក្របី ចេញពីតំបន់ក្នុងស្រុកមួយចំនួនជាប់ព្រំដែនកម្ពុជាថៃ ទើបបង្កឱ្យមានការឆ្លងរីករាលដាលស្ទើទូទាំងស្រុកតែម្តង។ លោកបន្តថា បច្ចុប្បន្នសត្វគោក្របី ដែលបានព្យាបាលជាសះស្បើយសរុបចំនួន៣,៣៦២ក្បាល និងងាប់ចំនួន២៨ក្បាល(កូនគោ)។ បើយោងតាមស្ថិតិរបស់មន្ទីរកសិកម្មរុក្ខាប្រមាញ់ និងនេសាទខេត្តបានបង្ហាញថា គោក្របីគិតត្រឹមឆមាសទី១ ឆ្នាំ២០២១ខេត្តបាត់ដំបង មានគោ.ក្របីសរុបជាង១៨ម៉ឺនក្បាល៕

អត្ថបទ៖ សៅ សារិទ្ធ

Related Topics:ខេត្តបាត់ដំបង គោ/ក្របី

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា