ព័ត៌មានជាតិ
ឧតុនិយមៈ កម្ពុជានឹងមានភ្លៀងធ្លាក់ អាចបង្កជាជំនន់ទឹកភ្លៀង នៅភូមិសាស្ត្រ ច្រើនខេត្តក្រុង
យោងតាមសេចក្តីជូនដំណឹង របស់ក្រសួងធនធានទឹក និងឧតុនិយម ចេញផ្សាយនៅថ្ងៃទី ២១ ខែកញ្ញានេះ បានឱ្យដឹងថា កម្ពុជានឹងទទួលរងឥទ្ធិពលប្រព័ន្ធសម្ពាទាប និងខ្យល់មូសុងនិរតី ធ្វើឱ្យមានភ្លៀងធ្លាក់ពីមធ្យមទៅច្រើនច្រើន ក្នុងសប្តាហ៍នេះ។
ប្រព័ន្ធសម្ពាទាប (ITCZ) ដែលអូសបន្លាយកាត់លើតំបន់ជួរភ្នំដងរ៉ែក និងខ្ពង់រាបភាគឥសាន ជាមួយ នឹងខ្យល់មូសុងនិរតី បក់នៅក្នុងល្បឿនមធ្យមទៅបង្គួរ ដែលធ្វើឱ្យមានភ្លៀងធ្លាក់ នឹងអាចបង្កជាជំនន់ទឹកភ្លៀង នៅក្នុងភូមិសាស្ត្រ រាជធានីភ្នំពេញ ខេត្តកណ្ដាល ខេត្តកំពង់ស្ពឺ ខេត្តពោធិ៍សាត់ ខេត្តបាត់ដំបង ខេត្តប៉ៃលិន ខេត្តសៀមរាប និងខេត្តបន្ទាយមានជ័យ។
ចំណែកឯបណ្ដាខេត្តជាប់ជួរភ្នំដងរ៉ែក និងខ្ពង់រាបឥសាន អាចនឹងមានភ្លៀងធ្លាក់ ដែលនឹងបង្កជាជំនន់ទឹកភ្លៀង នៅតាមបណ្ដាខេត្តជាប់ជួរភ្នំដងរ៉ែក ភាគឥសានជាប់ប្រទេសវៀតណាម ព្រះវិហារ និងឧត្តរមានជ័យ។
ដោយឡែកខេត្តជាប់មាត់សមុទ្រ មានព្រះសីហនុ និងកោះកុង ក៏អាចនឹងមានភ្លៀងធ្លាក់ហើយបង្កជាជំនន់ទឹកភ្លៀងផងដែរ ខណៈនៅលើផ្ទៃសមុទ្រមានភ្លៀងខ្យល់ និងរលកសមុទ្រមធ្យម។
ជាមួយគ្នានេះ ក្រសួងធនធានទឹក និងឧតុនិយម ក៏អំពាវនាវឱ្យប្រជាពលរដ្ឋមានការប្រុងប្រយ័ត្ន ដើម្បីចៀសវាងគ្រោះថ្នាក់ផ្សេងៗ ដែលអាចកើតឡើងជាយថាហេតុ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ