ចុងខែតុលានេះ ភាគខាងជើងប្រទេសថៃ នឹងចុះត្រជាក់ដល់​ ៥​អង្សា​សេ

យោងតាម គំរូអាកាសធាតុ Windy.com បានធ្វើការព្យាករណ៍ថា ចាប់ពីថ្ងៃទី១៨ ខែតុលា នេះតទៅ ម៉ាស់ខ្យល់ត្រជាក់ថ្មីពីប្រទេសចិន នឹងចាប់ផ្តើមសាយភាយចុះមកខ្លាំង ដែលធ្វើឲ្យសីតុណ្ហភាពនៅភាគខាងជើងប្រទេសថៃធ្លាក់ចុះយ៉ាងខ្លាំង ដោយសីតុណ្ហភាពរំពឹងថា នឹងធ្លាក់ចុះពី ៣-៥ អង្សាសេ។ ទន្ទឹមនឹងនោះ ខ្យល់មូសុងឦសាន នឹងបក់បោកខ្លាំង ដែលនាំឲ្យមានភ្លៀងធ្លាក់ខ្លាំង មកលើភាគខាងត្បូងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការព្យាករណ៍ដដែលនោះ បានបញ្ចាក់ទៀតថា នៅថ្ងៃច័ន្ទទី ២០ ខែតុលា នៅពេលដែលម៉ាស់ខ្យល់ត្រជាក់ខ្លាំងនឹងសាយភាយកាន់តែជ្រៅ ដែលគ្របដណ្តប់តំបន់ភាគខាងជើង ឦសាន កណ្តាល និងខាងកើតទាំងមូល។ នេះនឹងបណ្តាលឲ្យសីតុណ្ហភាពនៅក្នុងតំបន់រងផលប៉ះពាល់ធ្លាក់ចុះ ៣-៥ អង្សាសេ។ ប្រជាជនដែលស្ថិតក្នុងតំបន់ នឹងជួបប្រទះនូវភាពត្រជាក់នៅពេលព្រឹក ជាពិសេសនៅតំបន់ភាគខាងជើង និងឦសាន ដែលសីតុណ្ហភាពអាចធ្លាក់ចុះក្រោម ២២ អង្សាសេនៅតំបន់ខ្លះ។ នេះគឺជាសញ្ញាច្បាស់លាស់នៃការចាប់ផ្តើមនៃរដូវរងាកាន់តែកៀកមកដល់។

ម៉្យាងវិញទៀត អាកាសធាតុត្រជាក់ខ្លាំងនឹងប៉ះពាល់ដោយផ្ទាល់ដល់អាកាសធាតុនៅភាគខាងត្បូង។ ខ្យល់មូសុងឦសានដែលបោកបក់លើឈូងសមុទ្រថៃនឹងពង្រឹង ដោយបន្តនាំសំណើមពីសមុទ្រឆ្ពោះទៅឆ្នេរសមុទ្រភាគខាងត្បូង។ ចាប់ពីខេត្ត Chumphon ចុះរហូតដល់ខេត្ត Narathiwat នឹងមានភ្លៀងធ្លាក់ច្រើន ដោយមានភ្លៀងធ្លាក់ពីច្រើនទៅច្រើនសន្ធឹក នេះអាចនាំឲ្យមានទឹកជំនន់ភ្លាមៗ និងការរអិលបាក់ដីនៅតាមតបន់មួយចំនួនដែរ។

នាយកដ្ឋានឧតុនិយមថៃ ក៏បានជូនដំណឹងដល់ប្រជាជននៅភាគខាងជើង ឲ្យរៀបចំសម្លៀកបំពាក់ក្រាស់ៗ និងថែរក្សាសុខភាពរបស់ពួកគេ ដោយសារតែអាកាសធាតុប្រែប្រួល។ ជាពិសេសតាមឈូងសមុទ្រថៃ គួរតែប្រុងប្រយ័ត្នចំពោះគ្រោះថ្នាក់នៃភ្លៀងធ្លាក់ខ្លាំង និងខ្យល់បក់បោកខ្លាំងក្នុងអំឡុងពេលនេះ ហើយតាមដានយ៉ាងយកចិត្តទុកដាក់នូវសេចក្តីជូនដំណឹងរបស់នាយកដ្ឋាន៕

អត្ថបទ៖ សាង ស្រីល័ក្ខ

ចុចអាន៖ពលរដ្ឋថៃជាង៥០នាក់ ត្រូវ​បញ្ជូន​ទៅសង្រ្គោះបន្ទាន់ភ្លាមៗ ដោយសារ បាយខ​ជើង​ជ្រូក