ព័ត៌មានជាតិ

សមត្ថកិច្ចខេត្តសៀមរាបឃាត់ខ្លួនមនុស្ស៧នាក់ ករណីល្មើសបម្រាមកូវីដ១៩និងប្រើប្រាស់សារធាតុញៀន

បានផុស

២ years មុន

នៅ

ថ្ងៃចន្ទ ២៧ កញ្ញា ២០២១

ដោយ

សៀមរាប ៖ សមត្ថកិច្ចបានឲ្យដឹងថា មនុស្សចំនួន៧នាក់ត្រូវបាន ឃាត់ខ្លួនករណីល្មើសវិធានការនឹងប្រើប្រាស់សារធាតុញៀន ក្នុងនោះមាន អាជីវករលក់ដីឡូតិ៍និង ម្នាក់ជាមន្ត្រីនគរបាល។

ប្រតិបត្តិការនេះ ធ្វើឡើងនៅវេលាម៉ោង២២និង៣០នាទី ថ្ងៃអាទិត្យ ទី២៦ ខែកញ្ញា ឆ្នាំ២០២១ ស្ថិតនៅចំណុចភូមិស្វាយដង្គំ សង្កាត់ស្វាយដង្គំ ក្រុងសៀមរាប ខេត្តសៀមរាប។ សមត្ថកិច្ចបន្តថា ករណីចុះអនុវត្តវិធានកូវីដ១៩ នេះដែរ ក្រោមការដឹកនាំដោយកម្លាំងអាវុធហត្ថខេត្តសៀមរាប ក្រោមការសម្របសម្រួលនីតិវិធីដោយព្រះរាជអាជ្ញាអមសាលាដំបូងខេត្តសៀមរាប។

របាយការណ៍សមត្ថកិច្ចបានឲ្យដឹងថា ការចុះបង្ក្រាបករណីល្មើសវិធានការរដ្ឋបាលនឹងប្រើប្រាស់នូវសារធាតុញៀននេះលទ្ធផលឃាត់ខ្លួនជនសង្ស័យបានចំនួន០៧នាក់ ១.ឈ្មោះ សេង រតនា ភេទប្រុស អាយុ៣៨ឆ្នាំ មុខរបរនគរបាល។ ២.ឈ្មោះ សន ធា ភេទប្រុស អាយុ៣៤ឆ្នាំ មុខរបរលក់ដីឡូត៍។

៣.ឈ្មោះ គង់ រតនា ភេទស្រី អាយុ២០ឆ្នាំ មុខរបរនៅផ្ទះ។ ៤.ឈ្មោះ ចាយ សុធា ភេទប្រុស អាយុ៣៨ឆ្នាំ មុខរបរលក់ដីឡូតិ៍ ៥.ឈ្មោះ លី លាងហួត ភេទប្រុស អាយុ៣១ឆ្នាំ មុខរបរអាជីវករ។ ៦.ឈ្មោះ ទី សីហា ភេទប្រុស អាយុ៣២ឆ្នាំមុខរបរនៅផ្ទះ។ ទី៧ មិនត្រូវបានបង្ហាញឈ្មោះនោះទេ។

ប្រតិបត្តិការនេះសមត្ថកិច្ចបានដកហូតវត្ថុតាងរួមមាន ១.ម្សៅពណ៌សថ្លាសារធាតុញៀនK ចំនួន១កញ្ចប់តូច/២.ថ្នាំប្រភេទគ្រាប់សញ្ញាលេខ៥ចំនួន០១គ្រាប់ពណ៌ផ្កាឈូក ៣.ថ្នាំគ្រាប់ក្រវីពណ៌ប្រផេះរូបខ្លាឃ្មុំចំនួនកន្លះគ្រាប់។ទូរស័ព្ទចំនួន១០គ្រឿង។

បច្ចុប្បន្នជនសង្ស័យ នឹង វត្ថុតាងបានបញ្ជូនទៅការិយាល័យជំនាញកងរាជអាវុធហត្ថខេត្តសៀមរាប ដើម្បីបន្តនីតិវិធី៕

ដោយ ៖ កុសល

Related Topics:គ្រឿងញៀន