ព័ត៌មានជាតិ
ឆ្នាំ ២០២២ រដ្ឋាភិបាលគ្រោងស្នើកម្ចីបន្ថែម ជាងពីរពាន់លានដុល្លារ ពីដៃគូអភិវឌ្ឍ
សម្រាប់ឆ្នាំ២០២២ រដ្ឋាភិបាលបានដាក់ផែនការខ្ចីបំណុលបន្ថែមក្នុងកម្រិត ១ ៦០០លាន SDR (ប្រហែល ២ ២៥៦ លានលានដុល្លារ) ពីដៃគូអភិវឌ្ឍ ដើម្បីជំរុញកំណើនសេដ្ឋកិច្ចឡើងវិញ ក្រោយវិបត្តិកូវីដ១៩។
ក្នុងកិច្ចប្រជុំគណៈរដ្ឋមន្រ្តីដែលពិភាក្សាលើ “សេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២” នៅព្រឹកមិញនេះ រាជរដ្ឋាភិបាលគ្រោងចុះហត្ថលេខាខ្ចីប្រាក់ពីដៃគូអភិវឌ្ឍ សម្រាប់ហិរញ្ញប្បទានកម្មវិធី/គម្រោងវិនិយោគសាធារណៈចំនួន ៣៥ ដែលរួមមាន៖
-សាធារណរដ្ឋប្រជាមានិតចិន ចំនួន ៦ គម្រោង
-ព្រះរាជាណាចក្រថៃ ចំនួន ១ គម្រោង
-ប្រទេសជប៉ុនចំនួន ៣ គម្រោង
-សាធារណរដ្ឋកូរ៉េចំនួន ៥ គម្រោង
-សាធារណរដ្ឋបារាំងចំនួន ៥ គម្រោង
-ធនាគារអភិវឌ្ឍអាល្លឺម៉ង់ចំនួន ២ គម្រោង
-ធនាគារអភិវឌ្ឍអាស៊ីចំនួន ៩ គម្រោង
-ធនាគារពិភពលោកចំនួន ៣ គម្រោង
-ធនាគារវិនិយោគអឺរ៉ុបចំនួន ១ គម្រោង
-ធនាគារវិនិយោគហេដ្ឋារចនាសម្ព័ន្ធអាស៊ីចំនួន ១ គម្រោង។
កំណត់ទំហំនៃការខ្ចីប្រាក់ពីដៃគូអភិវឌ្ឍន៍ក្នុងកម្រិត ១ ៦០០លានSDR របស់រដ្ឋាភិបាលគឺកើនឡើង ១០០ លាន SDR ធៀបនឹងច្បាប់ថវិកាឆ្នាំ២០២១ ដោយឈរលើមូលដ្ឋាននៃការគិតគូរ និងផ្អែកលើទិដ្ឋភាពសំខាន់ៗ ដែលរួមមាន៖
១. តម្រូវការវិនិយោគសាធារណៈ ដែលមានទំហំកាន់តែធំ ដើម្បីស្តារនិងជំរុញកំណើនសេដ្ឋកិច្ចឡើងវិញ នៅក្រោយពេលការរីករាលដាលនៃជំងឺកូវីដ១៩ ស្រាកស្រាន្ត
២.គម្រោងអភិវឌ្ឍន៍ដែលនឹងចុះកិច្ចព្រមព្រៀងឥណទានសម្បទានក្នុងឆ្នាំ២០២១ ជាគម្រោងវិនិយោគសាធារណៈក្នុងវិស័យអាទិភាព ហើយដែលចេះតែរំកិលពីឆ្នាំមុនៗមក តែមានចរិតយុទ្ធសាស្ត្រ ក្នុងការទ្រទ្រង់ដល់ចីរភាព នៃកំណើនសេដ្ឋកិច្ចក្នុងរយៈពេលមធ្យម និង វែង
៣.ឥណទានមានកម្រិតសម្បទានខ្ពស់
៤.ស្ថានភាពបំណុលសធារណៈកម្ពុជាបច្ចុប្បន្ន និងក្នុងរយៈពេលមធ្យមនៅតែមាន ចីរភាព និងហានិភ័យកម្រិតទាប
៥.ការបន្តបង្កើនប្រសិទ្ធភាព ខ្ពស់ក្នុងការគ្រប់គ្រង និងអនុវត្តគម្រោង។
សេដ្ឋកិច្ចកម្ពុជាសម្រាប់ឆ្នាំ២០២២ ត្រូវបានព្យាករណ៍ថា នឹងសម្រេចបានក្នុងកំណើនអត្រា ៤,៨% ដែលធ្វើឱ្យ ផ.ស.ស ថ្លៃបច្ចុប្បន្នស្ថិតក្នុងរង្វង់ ១២៤ ១៦២ ប៊ីលានរៀល ឬសមមូលនឹងប្រមាណ ៣០ ៥៤៤ លានដុល្លារអាមេរិក។
កំណើននេះគាំទ្រដោយការបន្តកើនឡើងនៃវិស័យសេដ្ឋកិច្ចសំខាន់ៗទី១. វិស័យឧស្សាហកម្ម ទី២. វិស័យសេវាកម្ម និងទី៣. វិស័យកសិកម្ម។
អត្ថបទ៖ ប៊ុណ្ណារ៉ា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត