ព័ត៌មានជាតិ

សហគ្រាសធុនតូចនិងមធ្យមក្នុងខេត្តបាត់ដំបង ទទួល បានការគាំទ្រការស្តារសហគ្រាសក្នុងវិស័យកសិ-អាហារនិងវិស័យទេសចរណ៍

បានផុស

៥ years មុន

នៅ

ថ្ងៃអង្គារ ២៦ តុលា ២០២១

ដោយ

ក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍និងអង្គការសហប្រជាជាតិដើម្បីអភិវឌ្ឍន៍ឧស្សាហកម្មនៅកម្ពុជា (UNIDO) បានរៀបចំសិក្ខាសាលានេះឡើងដើម្បី ផ្សព្វផ្សាយគម្រោងការស្តារសហគ្រាសក្នុងវិស័យកសិ-អាហារនិងវិស័យទេសចរណ៍ ក្នុងបវិបត្តិនៃជំងឺកូវីដ១៩ ដល់ សហគ្រិន សហករ និង ផលិតករ ក្នុងសហគ្រាសធុនតូច និងមធ្យមក្នុងខេត្តបាត់ដំបងនាថ្ងៃទី២៦ ខែតុលា ឆ្នាំ២០២១នេះនៅសាលាខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក យឹម សៀប អភិបាលរងខេត្តបាត់ដំបងបានបញ្ជាក់ឲ្យដឹងថា សហគ្រាសធុនតូច-មធ្យមនិងសិប្បកម្មក្នុងខេត្តបាត់ដំបងមានចំនួនប្រមាណជាង៨០០មូលដ្ឋានប៉ុន្តែសហ គ្រាសធុនតូច-មធ្យមនិងសិប្បកម្មកែច្នៃកសិផលមានចំនួនតិចតួចនៅឡើយហើយបច្ចុប្បន្នខេត្តបាត់ដំបងមានសហគ្រាសធុនមធ្យមសម្ងួតផ្លែឈើរបស់ក្រុមហ៊ុនមីសូតានិងសហគ្រាសធុនតូចណាវីតាដែលបាននឹងកំពុងកែច្នៃផ្លែឈើដូចជាស្វាយ ម្នាស់ ផ្លែស្រកានាគ ប៉េងប៉ោះ ឆែរី ផ្លែតាង៉ែនហើយថ្មីៗនេះផងដែរក្រុមហ៊ុនណាវីតាបានផលិតមៀនកែវដែល បានទទួលការគាំទ្រនិងចាប់អារម្មណ៍យ៉ាងខ្លាំងពីអ្នកបរិភោគហើយគ្រោងនិងផលិតនូវផលិតផលថ្មីៗបន្ថែមទៀតដោយសហគ្រាសបានចុះអនុស្សរណៈជាមួយសហគមន៍កសិករនៅស្រុកភ្នំព្រឹកផងដែរ,ចំណែករោងចក្រធុនធំវិញមានចំនួនត្រឹមតែ ១៧ រោងចក្រតែប៉ុណ្ណោះហើយពុំមានរោងចក្រកែច្នៃអាហារឡើយ។

លោក យឹម សៀប បានលើកឡើងថា សហគ្រាសធុនតូចមធ្យមនិងសិប្បកម្មគឺជាផ្នែកមួយយ៉ាងសំខាន់ក្នុងការលើកកម្ពស់សេដ្ឋកិច្ចជាតិនិងសេដ្ឋកិច្ចប្រជាពលរដ្ឋតាមរយៈការ ផ្តល់ការងារបង្កើនប្រាក់ចំណូលក្នុងគ្រួសាររបស់គាត់អ្វីដែលសំខាន់សូមឲ្យមានការជួយគាំទ្រដល់ម្ចាស់សហគ្រាសធុនតូចមធ្យមនិងសិប្បកម្មដើម្បីជួយលើកកម្ពស់វិស័យ SME ក្នុងខេត្តបាត់ដំបងកាន់តែមានការរីកចម្រើន៕

ដោយ ៖ ណារី

Related Topics:សហគ្រាស

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា