Connect with us

ព័ត៌មានជាតិ

បើ​វេរ​លុយ​ខុស​​កុង​អាច​ដោះស្រាយ​បែប​ណា ហើយ​ប៉ុន្មាន​ថ្ងៃ​អាច​ទទួល​លុយមក​វិញ?

បានផុស

នៅ

ករណី​អតិថិជន​វេរ​លុយ​ខុស​កុង​ដោយ​ការ​ច្រឡំ​ កើត​មាន​ជា​ហូរហែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើ​តាម​ប្រភព​ពី​បុគ្គលិក​ទំនាក់ទំនង​ព័ត៌មាន​អតិថិជន​របស់​ធនាគារ ABA បាន​ឲ្យ​ដឹង​ថា បើ​កើត​មាន​ករណី​វេរ​លុយ​ខុស​កុង ភាគី​អ្នក​ផ្ញើ​​ត្រូវ​មក​សាខា​ធនាគារ​ដើម្បី​ដាក់​វិវាទ។ អ្វី​ត្រូវ​ធ្វើ​ឲ្យ​បាន​លឿន​បំផុត​ត្រូវ​ផ្តល់​ព័ត៌មាន​ឲ្យ​បាន​ឆាប់ ដើម្បី​ខាង​ធនាគារ​ធ្វើការ​បង្កក់​ប្រាក់​ជា​មុន។

ជា​គោលការណ៍ ធនាគារ​ក៏​នឹង​គិត​ថ្លៃ​សេវា​ពី​អតិថិជន​ដែល​បាន​ផ្ទេរ​ខុស​ដើម្បី​ទទួល​បាន​ទឹកប្រាក់​ត្រឡប់​ទៅ​វិញ។

យ៉ាងណា​បើ​តាម​ប្រភព​ពី​បុគ្គលិក​ដដែល​ក៏​មិន​អាច​បញ្ជាក់​បាន​​ថា ​តើ​អតិថិជន​នឹង​ទទួល​បាន​ទឹកប្រាក់​នោះ​ដែរ​ឬ​ទេ ប៉ុន្តែ​ខាង​ធនាគារ​នឹង​ព្យាយាម​ដោះស្រាយ​ជូន​តាម​ដែល​អាច​ធ្វើ​បាន ហើយ​សម្រាប់​រយះ​ពេល​នៃ​ការ​ដោះស្រាយ​គឺ​ខាង​ធនាគារ​ក៏​មិន​អាច​ជម្រាប​ពេលវេលា​ជាក់លាក់​នោះ​ទេ ប៉ុន្តែ​ខាង​ធនាគារ​នឹង​ផ្ដល់​ព័ត៌មាន​ជូន​ក្នុង​រយះពេល១ខែ។

ដោយ​ឡែក​មន្រ្តី​ផ្នែក​ទំនាក់ទំនង​របស់​ធនាគារ​អេស៊ីលីដា ក៏​លើក​ឡើង​ពី​ករណី​នេះ​ដែរ ដោយ​ករណី​វេរ​លុយ​ខុស អាស្រ័យ​លើ​ភាគី​ទាំង​សង​ខាង​សម្របសម្រួល​គ្នា។

បើ​តាម​មន្រ្តី​នៅ​ធនាគារ អេស៊ីលីដា សម្រាប់​ករណី​នេះ​គឺ​អាស្រ័យ​លើ​ខាង​ភាគី​អ្នក​ផ្ញើ ប្រសិន​បើ​ចង់​ឲ្យ​ខាង​ធនាគារ​ជួយ​ដោះស្រាយ​ជូន។

បុគ្គលិក​រូប​នេះ​បន្ត​ថា ករណី​ត្រូវ​ដោះស្រាយ​ case by case ធនាគារ​អាច​បង្ខាំង​ទឹកប្រាក់​និង​លើក​យក​បញ្ហា​ទៅ​ពិនិត្យ។ ការ​ដោះស្រាយ​ភាគី​ទាំង​ពីរ ត្រូវ​មក​ធនាគារ​ដើម្បី​បន្ត​នីតិវិធី។ សំខាន់​អ្នក​ទទួល​និង​ផ្ទេរ​ យល់​ព្រម​ទៅ​វិញ​ទៅ​មក។

ទាក់ទង​រយៈពេល​ទទួល​ទឹកប្រាក់​ត្រឡប់​មក​វិញ ក៏​មិន​អាច​កំណត់​ថ្ងៃ​បាន​ដែរ សំខាន់​ភាគី​ទាំង​សង​ខាង​អាច​សម្របសម្រួល​កាន់តែ​ឆាប់ ក៏​នីតិវិធី​ផ្ទេរ​ទៅ​វិញ​ក៏​លឿន​តាម​ហ្នឹង អាច​មួយ​ថ្ងៃ​ឬ​ពីរ​ថ្ងៃ​តាម​ហ្នឹង។

ចំណែក​បុគ្គលិកទំនាក់ទំនងរបស់​ធនាគារ វីង ដែលកម្ពុជាថ្មី​បានទំនាក់ទំនង​តាម​ទូរសព្ទ​បាន​បញ្ជាក់​ដែរ​ថា ករណីនេះ​អតិថិជន​ត្រូវ​ផ្តល់​ព័ត៌មាន​រំសាយរង់ចាំការ​ត្រួតពិនិត្យ​មួយ​ថ្ងៃ​ឬ​ពីរថ្ងៃ មិន​រាប់​ថ្ងៃសៅឬ​ថ្ងៃ​អាទិត្យ ឬថ្ងៃ​បុណ្យ។

បុគ្គលិក​រូប​នេះ​បន្ត​ថា រយៈពេលត្រួត​ពិនិត្យ​​មួយ​ថ្ងៃ​ឬពីរថ្ងៃ​នេះ​ មិន​បាន​ន័យ​ថា​ដោះស្រាយ​ជោគជ័យ ឬ​បរាជ័យ​ដោយ​រង់ចាំ​ដំណោះស្រាយ​តាម​ភាពជាក់ស្តែង៕

អត្ថបទ៖ ប៊ុណ្ណារ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ នាទី មុន

ក្រុមហ៊ុន ហនុមាន ប៊ែ​វើ​រី​ជី​ស ឯ​.​ក​ ប្រគល់​រង្វាន់​ម៉ូតូ​កង់​បី ចំនួន​៩​គ្រឿង​ដល់ដៃ​គូរ​ចែកចាយ​បន្ត​របស់ខ្លួន

ព័ត៌មានជាតិ៣៥ នាទី មុន

ធនាគារជាតិ​និង​ក្រសួង​សេដ្ឋកិច្ច​សហការ​គ្នា​ត្រួតពិនិត្យ​អត្តសញ្ញាណ​អតិថិជន​ក្នុង​វិស័យ​ធនាគារ​និង​ហិរញ្ញវត្ថុ

ជីវិតកម្សាន្ដ៣៩ នាទី មុន

ក្រោយស្ងប់ស្ងាត់រឿងអាស្រូវ Seo Ye Ji ត្រឡប់មកវិញ កាន់តែកាចជាងមុន

ព័ត៌មានជាតិ៤១ នាទី មុន

កម្ពុជា​ប្រកាស​ដាក់ឱ្យ​ប្រើប្រាស់​ប្រព័ន្ធ KHQR​ថ្មី​សម្រាប់ធ្វើ​ការទូទាត់​ប្រាក់​ស្តង់ដារ​តែមួយ​

នយោបាយ១ ម៉ោង មុន

កោះហៅ សុន ឆ័យ ជាថ្មី ឲ្យ​ចូល​ឆ្លើយបំភ្លឺ​បណ្តឹង​គណបក្ស​ប្រជាជន និង គ​.​ជ​.​ប នៅ​ថ្ងៃទី​១២ និង​១៥ កក្កដា ខាងមុខ

Sokha Hotels

ព័ត៌មានពេញនិយម