Connect with us

ព័ត៌មានជាតិ

អាជ្ញាធរចុះពិនិត្យ និងរកដំណោះស្រាយ ជូនពលរដ្ឋដែលរស់នៅ ជុំវិញត្រពាំងហែផ្កា

បានផុស

នៅ

អាជ្ញាធរមូលដ្ឋាន នៃក្រុងសៀមរាប និងអាជ្ញាធរជាតិអប្សរា នៅថ្ងៃទី ១៧ ខែវិច្ឆិកា ឆ្នាំ ២០២១ម្សិលមិញនេះ បានចុះទៅពិនិត្យ និងរកដំណោះស្រាយ ជូនពលរដ្ឋដែលរស់នៅអាស្រ័យផល នៅជុំវិញត្រពាំងហែផ្កា ក្នុងភូមិបុស្សក្រឡាញ់ សង្កាត់ជ្រាវ ក្រុងសៀមរាប។

ប្រជាពលរដ្ឋ រស់នៅភូមិបុស្សក្រឡាញ់ មានឈ្មោះ ហៃ យ៉ៃ,យឿម នួន, និងជា ឆែប បានលើកឡើងស្រដៀងគ្នាថា ពួកគាត់បានមកជួបជាមួយអាជ្ញាធរនេះ គឺស្នើសុំឲ្យអាជ្ញាធរជួយសម្រួលចំនួន ៤ ចំណុច ទី១​​. សុំឲ្យអាជ្ញាធរ ជួយរកទីតាំងដល់ពលរដ្ឋចំនួន ៦គ្រួសារ ដែលកំពុងរស់នៅក្នុងត្រពាំង។ ទី២. រក្សាដីទួលនៅដដែល។ ទី៣.ស្តារត្រពាំងឲ្យមានស្តង់ដារ។ ទី៤. ពេលស្តារត្រពាំង សូមអជ្ញាធរជួយធ្វើផ្លូវឲ្យបានល្អផង។

ប្រជាពលរដ្ឋ បាននិយាយបន្តថា ពួកគាត់ពិតជាមានការត្រេកអរយ៉ាងខ្លាំង ដែលថ្នាក់ដឹកនាំចុះមកសួរសុខទុក្ខ និងរកដំណោះស្រាយ ជូនពួកគាត់ដោយផ្ទាល់ ព្រោះកន្លងទៅ ពួកគាត់តែងតែភ័យខ្លាចជាប្រចាំ។

អ្នកជំនាញនៃអាជ្ញាធរជាតិអប្សរា បានប្រាប់ថា ក្រុមការងារ បានចុះមកណែនាំឲ្យខាងគ្រឿងចក្រ ជីកស្តារត្រពាំងបុរាណនេះ ទៅតាមច្បាប់កំណត់ និងកុំឲ្យខុសច្បាប់។

ជុំវិញករណីនេះដែរលោក នួន ពុទ្ធារ៉ា​ អភិបាលក្រុងសៀមរាប បានមានប្រសាសន៍ថា អាជ្ញាធរបាក់ព័ន្ធបានចុះមកសូរសុខទុក្ខ និងពន្យល់ដល់ពលរដ្ឋ ដែលរស់នៅជុំវិញត្រពាំងហែផ្កា។ លោកបន្តថា ការចុះមកដោះស្រាយនោះគឺទី១. ចុះសម្របសម្រួលឲ្យក្រុមហ៊ុន បានដំណើរការជីកស្តារទៅតាមអាជ្ញាប័ណ្ណ។ ទី២. ចុះពិនិត្យផលប៉ះពាល់ជាក់ស្តែង នៃការរស់នៅរបស់ពលរដ្ឋ ដែលរស់នៅលើមាត់ត្រពាំង។ ទី៣. បន្ទាប់ពីជីកស្តាររួច គឺមិនមានប្រគល់ឲ្យក្រុមហ៊ុនណាមួយ ចុះមកអភិវឌ្ឍន៍នោះទេ គឺអាជ្ញាធរប្រគល់ជូនសហគមន៍ភូមិនេះ មករកចំណូលមកអភិវឌ្ឍន៍ ដោយខ្លួនឯងផ្ទាល់។

លោកបន្តថា រាល់សំណូមពររបស់ពលរដ្ឋ លោកនឹងយកទៅជំរាបជូនអភិបាលខេត្តពិនិត្យ និងសម្រេច ហើយពេលបានលទ្ធផល លោកព្រមទាំងក្រុមការងារ នឹងមកជម្រាបដល់ពលរដ្ឋឲ្យបានជ្រាប។ ជាចុងក្រោយលោកបានសំណូមពរឲ្យពលរដ្ឋ កុំមានការព្រួយបារម្មណ៍ ចំពោះរឿងស្តារត្រពាំងនេះ ព្រោះអាជ្ញាធរតែងតែយកចិត្តទុកដាក់ នឹងគិតគូរពីការលំបាករបស់ពលរដ្ឋជានិច្ច។ លោករពឹងទុកថា បន្ទាប់ពីស្តារត្រពាំងនេះរួច អាចនឹងមានភ្ញៀវទេសចរណ៍មកកម្សាន្តច្រើន ហើយពលរដ្ឋក្នុងភូមិនេះ នឹងមានជីវភាពកាន់តែប្រសើរឡើង។

សូមរំលឹកថា កន្លងទៅពលរដ្ឋ ដែលរស់នៅមាត់ត្រពាំងហែផ្កា បាននាំគ្នាតវ៉ា និងផ្តិតមេដៃ សុំឲ្យថ្នាក់ដឹកនាំមេត្តាជួយរកដំណោះស្រាយដល់ពួកកាត់ផង ព្រោះគ្រានោះមានការលើកឡើងថា ក្រុមឈ្មួញបានជីកកាយដីត្រពាំងយកទៅលក់ ដីខ្នងត្រាំង ក៏ត្រូវបានឈ្មួញលក់ដែរ។ ក្រោយពីទទួលបានព័ត៌មាននេះ អាជ្ញាធរបានចុះមកពន្យល់ប្រាប់ពីគោលបំណងរបស់អាជ្ញាធរ ជូនពលរដ្ឋស្តាប់។ អាជ្ញាធរ និងពលរដ្ឋបានឯកភាពគ្នា ក្នុងការចូលរួមអភិវឌ្ឍន៍ក្នុងមូលដ្ឋាន ឲ្យមានការរីកចំរើន៕

អត្ថបទ៖ កុសល

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ៥ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ៨ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៩ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៩ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

Sokha Hotels

ព័ត៌មានពេញនិយម