ព័ត៌មានជាតិ

ប្លែកភ្នែកជិះធ្វើដំណើរតាមផ្លូវជាតិលេខ ៦ ពីថ្នល់កែងដល់រាជធានីភ្នំពេញ

បានផុស

៥ years មុន

នៅ

ថ្ងៃចន្ទ ២២ វិច្ឆិកា ២០២១

ដោយ

អាជ្ញាធរខេត្តកណ្តាលបានដាំបង្គោលភ្លើងបំភ្លឺសាធារណៈថ្មីរាប់សិបដើម និងបានតភ្ជាប់ប្រព័ន្ធភ្លើងតាមបង្គោលភ្លើងរួចជាស្រេច បង្កើតបរិយាកាសថ្មីសម្រាប់អ្នកដំណើរតាមផ្លូវជាតិលេខ ៦ ពីថ្នល់កែងមករាជធានីភ្នំពេញ។

ជាក់ស្តែងក្រុមការងារកម្ពុជាថ្មីបានធ្វើដំណើរនៅលើកំណាត់ផ្លូវលេខ ៦ កាលពីម្សិលមិញនេះឃើញថាចាប់ពីថ្នល់កែងព្រំប្រទល់រវាងខេត្តកណ្តាលនិងកំពង់ចាមចូលរាជធានីភ្នំពេញ មានភាពភ្លឺស្រលះជាមួយការរៀបចំភ្លើងបំភ្លឺសាធារណៈដែលផ្តល់សុវត្ថិភាពសម្រាប់ការធ្វើដំណើរ ខណៈអាជីវកម្មលក់ដូរយប់ៗតាមដងផ្លូវជាតិដ៏មមាញឹកនេះក៏មានការរីកដុះដាលប្លែកច្រើនដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមមន្រ្តីអាជ្ញាធរខេត្តកណ្តាលបានប្រាប់សារព័ត៌មានកម្ពុជាថ្មីថា គម្រោងនៃការរៀបចំដាំបង្គោលភ្លើងបំភ្លឺផ្លូវសាធារណៈតាមផ្លូវជាតិលេខ ៦ ចាប់តាំងពីព្រំប្រទល់រាជធានីភ្នំពេញក្នុងខេត្តកណ្តាលដល់រកាកោង បន្តរហូតដល់ថ្នល់កែងព្រំប្រទល់ខេត្តកំពង់ចាមចម្ងាយជិត ៣០ គីឡូម៉ែត្រ។

បើតាមគ្រោងការរបស់អាជ្ញាធរខេត្ត គ្រប់ដងផ្លូវជាតិនិងទីប្រជុំជនក្នុងខេត្តកណ្តាល ត្រូវរៀបចំឲ្យមានភ្លើងបំភ្លឺគ្រប់ផ្លូវសាធារណៈទាំងអស់។ ការរៀបចំភ្លើងបំភ្លឺជាសាធារណៈតាមផ្លូវជាតិធំៗ មិនត្រឹមតែដើម្បីលើកសោភ័ណភាព តែក៏កាត់បន្ថយបញ្ហាចោរកម្ម និងកាត់បន្ថយគ្រោះថ្នាក់ចរាចរណ៍ផងដែរ។

បើតាមប្រភពពីអាជ្ញាធរខេត្តកណ្តាល ក៏នឹងមានការបំពាក់កាមេរ៉ាសុវត្ថិភាព ដើម្បីងាយស្រួលគ្រប់គ្រងបទល្មើសនានា ជាការចូលរួមអនុវត្តគោលនយោបាយភូមិឃុំ មានសុវត្ថិភាពរបស់រដ្ឋាភិបាល៕

អត្ថបទ៖ ប៊ុណ្ណារ៉ា

Related Topics: