ក្រសួងដែនដី ជូនដំណឹងពីការបាត់សន្លឹកវិញ្ញាបនបត្រសម្គា​ល់ម្ចាស់អចលនវត្ថុចំនួន៣៩៩ សន្លឹក នៅខេត្តស្វាយរៀង

ក្រសួងរៀបចំដែនដី នគរូបនិយកម្ម និង សំណង់ នៅថ្ងៃទី ៦ ខែ មករា ឆ្នាំ ២០២២ បានជូនដំណឹងស្ដីពីការបាត់សន្លឹកវិញ្ញាបនបត្រសម្គាល់ម្ចាស់អចលនវត្ថុ(បណ្ណកម្មសិទ្ធិ)ចំនួន ៣៩៩ សន្លឹកនៃភូមិ ព្រៃទទឹង ឃុំសំបួរ ស្រុកស្វាយទាប ខេត្តស្វាយរៀង។

ក្រសួងរៀបចំដែនដី នគរូបនីយកម្ម និងសំណង់ បានជម្រាបជូនសាធារណជនជ្រាបថា កាលពីថ្ងៃទី២៦ ខែតុលា ឆ្នាំ២០២១មន្ទីររៀបចំដែន ដី នគរូបនីយកម្ម សំណង់ និងសុរិយោដីខេត្តស្វាយរៀងបានបាត់វិញ្ញាបន​បត្រសម្គាល់ម្ចាស់អចលនវត្ថុចំនួន ៣៩៩ សន្លឹក នៃភូមិព្រៃទទឹង ឃុំសំបួរ ស្រុកស្វាយទាប ខេត្តស្វាយរៀងដែលបណ្ណទាំងនោះបានបោះពុម្ពឈ្មោះកម្មសិទ្ធិករ(ផ្នែកខាងក្រោយ)រួចហើយប៉ុន្តែពុំទាន់បានបោះពុម្ពព័ត៌មានក្បាលដីនិងផែនទីក្បាលដី (ផ្នែកខាង មុខ)នៅឡើយ។

វិញ្ញាបនបត្រសម្គាល់ម្ចាស់អចលនវត្ថុដែលបាត់មានលេខរៀងសន្លឹកបណ្ណចាប់ពីលេខ No. 06598743 ដល់លេខ No.06598749, លេខ No.06598808 ដល់លេខ No.06598899 ,លេខ No.06598900,លេខ No.06611110 ដល់លេខNo. 06611123,លេខ No.06611201ដល់លេខNo.06611388, លេខNo.06611397ដល់ លេខ No.06611439, លេខ No.06611440 ដល់លេខ No. 06611453 , លេខ No. 06611459 ដល់លេខ No.06611500។

ក្រសួង បានប្រកាសបដិសេធវិញ្ញាបនបត្រសម្គាល់ម្ចាស់អចលនវត្ថុទាំង ៣៩៩ ដែលបាត់ជាអសារឥតការនិងសូមសាធារណជនមានការប្រុងប្រយ័ត្នខ្ពស់ក្នុងការធ្វើ កិច្ចសន្យាផ្សេងៗដែលពាក់ព័ន្ធនឹងអចលនវត្ថុដូចជា ការទិញ-លក់ ការបង្កើតសិទ្ធិលើការបញ្ចាំការបង្កើតហ៊ីប៉ូតែក ជាអាទីដើម្បីចៀសវាងការចាញ់បោកជនទុច្ចរិត ដែលប្រើប្រាស់បណ្ណកម្មសិទ្ធិក្លែងបន្លំដើម្បីទទួលបានប្រាក់កក់ឬប្រាក់កម្ចីជាដើម។ ដូចនេះប្រការដែលល្អមុននឹងសម្រេចចិត្តធ្វើកិច្ចសន្យាគប្បីស្នើសុំការបញ្ជាក់អំពី ភាពត្រឹមត្រូវនៃវិញ្ញាបនបត្រសម្គាល់ម្ចាស់អចលនវត្ថុនៅរដ្ឋបាលសុរិយោដីជាសមត្ថកិច្ច។ អាស្រ័យដូចបានជម្រាបជូនខាងលើសូមសាធារណជនមេត្តាជ្រាបជាព័ត៌ មាន ៕

អត្ថបទ ៖ ណារី