ព័ត៌មានជាតិ
ស្ពានឆ្លងទន្លេមេគង្គពីភ្នំពេញ ទៅស្វាយជ្រុំ សិក្សាជិតបញ្ចប់គម្រោង គ្រោងសាងសង់ឆ្នាំ ២០២៣
លោក ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានបង្ហើបពីដំណឹងអំពីការសាង់សង់ស្ពានឆ្លងកាត់ទន្លេមេគង្គ ពីភ្នំពេញទៅតំបន់ស្វាយជ្រុំ នាពេលឆាប់ៗខាងមុខនេះ។ លោករដ្ឋមន្រ្តីបង្ហើបបែបនេះ នៅក្នុងដំណើរចុះពិនិត្យវឌ្ឍនភាពការងារស្ថាបនាហេដ្ឋារចនាសម្ព័ន្ធផ្លូវចំនួន ៣៨ខ្សែ នៅក្រុងសៀមរាប កាលពីថ្ងៃទី០៩ ខែមករា ឆ្នាំ២០២២។
ថ្លែងទៅកាន់អ្នកសារព័ត៌មាន លោក ស៊ុន ចាន់ថុល បានឲ្យដឹងថាស្ពានមិត្តភាពកម្ពុជា-កូរ៉េខាងត្បូង ឬស្ពានស្វាយជ្រុំ គ្រោងនឹងចាប់ផ្តើមសាង់សង់ នៅឆ្នាំ២០២៣ ខាងមុខ ខណៈដែលការសិក្សាគម្រោងជិតចប់សព្វគ្រប់អស់ហើយ។
ចំពោះទីតាំងដែលត្រូវតភ្ជាប់ កំពុងស្ថិតក្នុងការពិចារណា ដោយលោករដ្ឋមន្រ្តី ស៊ុន ចាន់ថុល បានគូសបញ្ជាក់ថា មានជម្រើសពីរ គឺទី១ ភ្ជាប់ពីទីតាំងរដ្ឋាករទឹក ផ្លូវកែវចិន្តា ខណ្ឌជ្រោយចង្វារ បុកត្រង់ទៅកាន់ស្វាយជ្រុំតែម្តង, និងទី២ ចេញពីម្តុំផ្សារចាស់ ទៅសណ្ឋាគារសុខា រួចភ្ជាប់ទៅកាន់តំបន់អរិយក្សត្រ ដោយត្រូវសង់ស្ពានចំនួន២។
ស្ថិតនៅក្នុងការសិក្សារវាយតម្លៃនេះ រដ្ឋមន្រ្តីក្រសួងសាធារណការ បានសង្កត់ធ្ងន់ថា ទីតាំងណា ដែលមានផលប៉ះពាល់តូច ចំណាយថវិកាតិច គឺជាជម្រើសល្អ។
លោក ស៊ុន ចាន់ថុល បន្ថែមដូច្នេះ «ខ្ញុំគិតថា ទាល់តែឆ្នាំ២០២៣ ទើបយើងអាចបើកការដ្ឋានសាងសង់ស្ពាន ស្វាយជ្រុំនេះបាន»។
ឯកអគ្គរដ្ឋទូតកូរ៉េខាងត្បូងប្រចាំកម្ពុជា បានប្រកាសកាលពីថ្ងៃទី ០៣ ខែមករា ឆ្នាំ ២០២២ សម្រេចជួយសាងសង់ស្ពាន ឆ្លងកាត់ទន្លេមេគង្គ ពីរាជធានីភ្នំពេញ ទៅអរិយក្សត្រ បន្ទាប់ពីការសិក្សាគម្រោងបានចប់សព្វគ្រប់ ខណៈការបើកការដ្ឋានសាងសង់នឹងចាប់ផ្ដើមនៅឆ្នាំ ២០២២នេះ។
សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានថ្លែងអបអរសាទរ និងអរគុណ ដល់រដ្ឋាភិបាលកូរ៉េខាងត្បូង ចំពោះសមិទ្ធផលស្ពានថ្មី សម្រាប់ប្រជាពលរដ្ឋរាជធានីភ្នំពេញ៕ ដោយ៖ ទួន សុផល
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)