ព័ត៌មានជាតិ
ជំនាញ IT រៀនចេះហើយ ឱកាសការងារខ្ពស់ លក្ខខណ្ឌសិស្សបាននិន្ទេសល្អ ទើបចូលរៀនបាន
ជំនាញ IT (បច្ចេកវិទ្យាព័ត៌មាន) និស្សិតដែលរៀនចេះហើយ មានឱកាសការងារច្រើន ខណៈដែលប្រទេសកំពុងអភិវឌ្ឍ មានក្រុមហ៊ុន ធនាគារ និងស្ថាប័នផ្សេងៗត្រូវការ។
លោក ខៀវ វិទូ អតីតនិស្សិតជំនាន់ទី ១៥ មុខវិជ្ជា វិទ្យាសាស្រ្តកុំព្យូទ័រ និងព័ត៌មានវិទ្យា នៅសាកលវិទ្យាល័យន័រតុន បានឱ្យដឹងថា មូលដ្ឋានគ្រឹះនៃអ្នកដែលចង់រៀនជំនាញ IT គឺសិស្សត្រូវមាននិទ្ទេសល្អពីថ្នាក់មធ្យមសិក្សា លើមុខវិជ្ជាគណិតវិទ្យា និងរូបវិទ្យា ខណៈដែលការចូលរៀនជាក់ស្ដែងគឺត្រូវមានភាសាអង់គ្លេសមួយមុខវិជ្ជាទៀត។
លោកបញ្ជាក់ថា អ្នកដែលពូកែមុខវិជ្ជាគណិតវិទ្យា រូបវិទ្យា ហើយទៅរៀន IT គឺត្រូវការត្រិះរិះ ពិចារណាច្រើន ដូច្នេះប្រសិនបើគាត់ពូកែមុខវិជ្ជាទាំងពីរនេះ គឺគាត់អាចរកដំណោះស្រាយ បានលឿន។
លោក ខៀវ វិទូ បានពន្យល់ថា ជាទូទៅនៅពេល ចូលរៀននៅឆ្នាំទី១ គេមិនទាន់តម្រង់ទិសនោះទេ គឺតម្រូវឱ្យស្វែងយល់ពីមូលដ្ឋានកុំព្យូទ័រ (Hardware &Software ) ជាមុនសិន លុះដល់ឆ្នាំទី២ឡើងទៅ សាលាចាប់ផ្ដើមឱ្យនិស្សិតរៀនមុខវិជ្ជាតម្រង់ទិស គឺនិស្សិខ្លួនយើងអាចជ្រើសរើសបានទៅលើមុខវិជ្ជា៣ធំៗ ដូចជា Programming (ផ្នែកសរសេរកូដ) Network Administrator (អ្នកគ្រប់គ្រងបណ្ដាញ Sever) និង Web Programming ទាក់ទងនិងការរចនាវេបសាយ សរសេរកូដ និងបង្កើតកម្មវិធីនៅលើវេបសាយ។
លោកបញ្ជាក់ថា បច្ចុប្បន្នសម័យជឿនលឿន គេបានបំបែកមុខវិជ្ជានេះទៅ Multi Media សិក្សាទៅលើ Sound និង Graphic Design បន្ថែមទៀត។
វិទូបានចាប់ផ្ដើមរៀនជំនាញនេះ នៅឆ្នាំ ២០១៤ និងបញ្ចប់នៅឆ្នាំ ២០១៨។ លោកថា មូហេតុដែលលោកចង់រៀន IT ដោយសារមុខវិជ្ជានេះ គឺលោកឆាប់ចាប់បានងាយយល់។
បើតាមអតីតនិស្សិត IT រូបនេះ អ្នកដែលរៀនជំនាញនេះ ពួកគេអាចធ្វើការនៅតាមក្រុមហ៊ុន ធនាគារ ខណៈដែលទីផ្សារបច្ចុប្បន្នមានតម្រូវការកាងារខ្ពស់ដោយសារតែ ឥឡូវ មិនថាតែក្រុមហ៊ុននោះទេ ធនាគារ ផ្សេងៗគឺរត់រកអ្នក IT ហើយបើចេះច្បាស់ទៀតប្រាក់ខែក៏ទទួលបានខ្ពស់ដែរ។
លោក វិទូប្រាប់ថា ពេលលោកកំពុងរៀននៅសាកលវិទ្យាល័យ មានការលំបាកច្រើន គឺទាមទារឱ្យខ្លួនយើងមានស្វ័យសិក្សាស្រាវជ្រាវដោយខ្លួនឯងឱ្យបានច្រើនទើបអាចជម្នះឧបសគ្គ និងដោះស្រាយបានងាយ៕
អត្ថបទ៖ ឡេង ដេត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ