ព័ត៌មានជាតិ

រថយន្តមួយគ្រឿងបុករះ បង្កការភ្ញាក់ផ្អើលពេញក្រុងកំពង់ចាម

បានផុស

៤ years មុន

នៅ

ថ្ងៃព្រហស្បតិ៍ ១០ ធ្នូ ២០២០

ដោយ

រថយន្តដឹកទំនិញមួយគ្រឿង បានបើកចុះពីស្ពានគីហ្សូណាមិនប្រយ័ត្នបុករះម៉ូតូ រថយន្តច្រើនគ្រឿង និងបណ្តាលឲ្យមនុស្សស្រីម្នាក់រងរបួសធ្ងន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះ បានកើតឡើងនៅវេលាម៉ោង១០ និង៤០នាទី ថ្ងៃទី១០ ខែធ្នូ ឆ្នាំ២០២០ ដោយរថយន្តមួយគ្រឿងពាក់ស្លាកលេខ ព្រៃវែង 3A1656 ចុះពីលើស្ពានគីហ្សូណា មិនប្រយ័ត្នរួចបុកម៉ូតូមួយគ្រឿងស្លាកលេខ កំពង់ចាម 1T8658 បណ្តាលឲ្យស្ត្រីម្នាក់រងរបួសធ្ងន់ ហើយរថយន្តនេះ បន្តទៅបុករថយន្តធំពាក់ស្លាកលេខ3A6922 ឲ្យបែកក្បាលឡើងខឿន រួចបន្តទៅបុករថយន្តម៉ាកព្រួស ស្លាកលេខភ្នំពេញ 2Z 1853 ហើយរថយន្តនេះ មិនទាន់ថមថយលឿនទេទៅបុកខឿនចិញ្ចឹមផ្លូវ រួចរេចង្កូតទៅបុក រថយន្តម៉ាកបាឡែនពណ៌ទឹកប្រាក់ស្លាកលេខ ភ្នំពេញ 2AC 7047 ហើយបន្តបុករះម៉ូតូបីគ្រឿង បុកខ្ទប់ផ្ទះ និងតូបមុខផ្ទះមួយទៀតទើបវាឈប់។ គូសបញ្ជាក់ផងដែរថា ក្នុងករណីគ្រោះថ្នាក់ចរាចរណ៍នេះ មិនបណ្តាលឲ្យអ្នកណាម្នាក់បាត់បង់ជីវិតឡើយ។

ក្រោយកើតហេតុភ្លាមៗ សមត្ថកិច្ចបានហៅរថយន្តសង្គ្រោះបន្ទាន់ដឹកយកស្ត្រីរងគ្រោះទៅសម្រាកព្យាបាល នៅមន្ទីរខេត្តកំពង់ចាម និងចាប់ឃាត់ខ្លួន អ្នកបើករថយន្តបង្កខាងលើបញ្ជូនទៅអធិការក្រុងកំពង់ចាម ហើយសម្រួលចរាចរណ៍និងកសាងសំណុំរឿងចាត់ការបន្តតាមនីតិវិធីច្បាប់៕