ព័ត៌មានជាតិ

ពលករខ្មែរ ១២១ នាក់ ត្រូវអាជ្ញាធរថៃ បញ្ជូនមកកម្ពុជាវិញ

បានផុស

២ years មុន

នៅ

ថ្ងៃអង្គារ ២២ កុម្ភៈ ២០២២

ដោយ

ពលករខ្មែរដែលឆ្លងដែនខុសច្បាប់ ត្រូវអាជ្ញាធរថៃចាត់បញ្ជូនឲ្យត្រឡប់មកកម្ពុជាវិញ ដែលសរុបមាន ១២១ នាក់ ក្នុងនោះគេក៏បានរកឃើញអ្នកផ្ទុកមេរោគកូវីដ-១៩ ម្នាក់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅព្រឹកថ្ងៃទី ២២ ខែកុម្ភៈ ឆ្នាំ ២០២២ នេះ ដោយអនុវត្តន៍តាមបទបញ្ជារបស់ លោកឧត្តមសេនីយ៍ទោ សាត គឹមសាន ស្នងការនគរបាលខេត្ត ដែលបានបញ្ជាអោយត្រួតពិនិត្យ ជាប់ជាប្រចាំស្ដីពីការការពារសន្តិសុខតាមខ្សែបន្ទាត់ព្រំដែន កម្ពុជា-ថៃ និង ត្រួតពិនិត្យពលរដ្ឋឆ្លងដែន ព្រមទាំងស្រាវជ្រាវរកមុខសញ្ញា មេខ្យល់នាំពលករចេញដោយមិនស្របច្បាប់ក្នុងភូមិសាស្ត្រ។

ដោយគោរពតាមបទបញ្ជា និងក្រោមការបញ្ជាផ្ទាល់របស់លោកវរសេនីយ៍ឯក ម៉ង់ ស៊ី មេបញ្ជាការវរសេនាតូចនគរបាលការពារព្រំដែនគោក លេខ ៨១៩ បានចាត់កម្លាំងប៉ុស្តិ៍អូរអន្លក់ សហការជាមួយកម្លាំងកងយោធពលខេរភូមិន្ទ និងក្រុមគ្រូពេទ្យ ទៅទទួលពលករវិលត្រឡប់មកស្រុកវិញ ដែលភាគីថៃ បានបញ្ជូនមកតាមច្រកតំបន់អូរអន្លក់ ស្ថិតក្នុងភូមិអូរអន្លក់ ឃុំតាសែន ស្រុកកំរៀង ខេត្តបាត់ដំបង។ បន្ទាប់ពីបានសាកសួរ កត់ឈ្មោះ ចុះកំណត់ហេតុ និងអប់រំណែនាំអំពីវិធានការការពារការឆ្លងជំងឺកូវី-១៩ ទៅលើពលករចំនួន ១២១ នាក់ក្នុងនោះស្រី ៤១ នាក់ ក្មេង ១២ នាក់ រួចមក ក្រុមគ្រូពេទ្យបានធ្វើតេស្តរហ័ស ជាលទ្ធផល គឺមានវិជ្ជមានកូវីដ-១៩ ចំនួន ១ នាក់ ប្រុស។

នៅក្នុងពេលនោះដែរពលករចំនួន ៤៤ នាក់ ក្នុងនោះស្រី ១៤ នាក់ បានបញ្ជូនទៅធ្វើចត្តាឡីស័កនៅមណ្ឌលគីឡូ ៩ ស្រុកសំពៅលូន ចំណែកពលករដែលមានកាតចាក់វ៉ាក់សាំងរួច ចំនួន ៧៦ នាក់ ក្នុងនោះ ស្រី ២៧ នាក់ ត្រូវក្រុមគ្រូពេទ្យអនុញ្ញាតឲ្យត្រឡប់ទៅស្រុកកំណើតរៀងៗខ្លួនវិញ៕

អត្ថបទ៖ សោ និយមរ័ត្ន