ព័ត៌មានជាតិ
ពលរដ្ឋសំណូមពរឱ្យអាជ្ញាធរខេត្តកំពង់ឆ្នាំង ជួសជុលផ្លូវកៅស៊ូ១ខ្សែដែលរងការខូចខាត
ផ្លូវកៅស៊ូមួយខ្សែប្រវែងជាង ៥០០ម៉ែត្រ តភ្ជាប់ពីមុខសាលាខេត្ត និងជាប់របងមន្ទីរសាធារណការខេត្តកំពង់ឆ្នាំង ស្ថិតនៅក្នុងសង្កាត់ប្អេរ ក្រុងកំពង់ឆ្នាំង បានរងការខូចខាតយ៉ាងខ្លាំង អាចបង្កគ្រោះថ្នាក់ដល់អ្នកបើកម៉ូតូ។ ហេតុនេះប្រជាពលរដ្ឋសំណូមពរដល់អាជ្ញាធរខេត្តកំពង់ឆ្នាំង ជួយជួសជុលកំណាត់ផ្លូវខាងលើនេះ។
ប្រជាពលរដ្ឋនៅក្នុងសង្កាត់ដែលបាននិយាយឲ្យដឹងថា ផ្លូវខាងលើនេះមួយកំណាត់ផ្នែកខាងលិចប្រវែងប្រមាណ២គីឡូម៉ែត្រក្នុងភូមិប្អេរភូមិក្តីត្នោតរហូតដល់ភូមិទ្រាជើងត្រូវ បានមន្ទីរសាធារណការខេត្តជួយជួសជុលរួចរាល់ហើយកាលពីអំឡុងឆ្នាំ ២០២១។
ដោយឡែកកំណាត់ ផ្លូវផ្នែកខាងកើតតភ្ជាប់ពីផ្លូវមុខសាលាខេត្តជាប់របងសាធារណការខេត្តដែលមានប្រវែងប្រមាណជាង ៥០០ ម៉ែត្រ បានរងការខូចខាតមានទ្រលុគធំៗ និងជ្រៅៗដែលអាចបង្កគ្រោះថ្នាក់ដល់អ្នកបើកបរម៉ូតូនៅពេលយ ប់ ឬនៅពេលមានទឹកភ្លៀងទឹកដក់។
ប្រជាពលរដ្ឋនៅក្នុងសង្កាត់ប្អេរ សំណូមពរដល់អាជ្ញាធរក្រុងកំពង់ឆ្នាំង និងរដ្ឋបាលខេត្តកំពង់ឆ្នាំងមេត្តាជួយជួសជុលកំណាត់ផ្លូវកៅ ស៊ូដែលរងការខូចខាតខាងលើនេះដោយអនុគ្រោះផងចុះ។ ជាមួយគ្នានេះដែរនៅពេលភ្លៀងធំម្ដងៗផ្លូវនៅចំណុចខាងលើនេះត្រូវទឹកលិចដូចទន្លេ ព្រោះតែអូរប្រឡាយមួយចំនួនបានរួមតូចដោយសារតែការធ្វើសំ ណង់របស់ប្រជាពលរដ្ឋ ខ្វះការត្រួត ពិនិត្យពីអាជ្ញាធរ និងជំនាញទើបប្រ ជាពលរដ្ឋក្នុងមូលដ្ឋានទទួលផល លំបាកពេលមានជំនន់ទឹកភ្លៀង។
ទាក់ទងនឹងករណីនេះលោក ហ៊ីង ភ័ព្វមិនា អភិបាលរងក្រុងកំពង់ឆ្នាំងបានបញ្ជាក់ឲ្យដឹងតាមទូរស័ព្ទនៅព្រឹកថ្ងៃទី០៩ ខែមីនានេះថា កំណាត់ផ្លូវដែលរងការខូចខាតនៅក្នុងស ង្កាត់ប្អេរនេះអាជ្ញាធរសង្កាត់ និងក្រុងក៏បានរាយការណ៍ជូនរដ្ឋបាលខេត្តរួចហើយ។
ដោយកន្លងមករដ្ឋបាលខេ ត្តក៏បានជួយជួសជុលកំណាត់ ផ្លូវកៅស៊ូនេះផ្នែកខាងលិច និងជួយជួសជុលផ្លូវកៅស៊ូនៅចំណុចខាង ក្រោយសួនច្បារដំរីសក្នុងភូមិទួលក្រឡាញ់រួចហើយ និងកំពុងបន្តជួ សជុលផ្លូវកៅស៊ូខូចខាតមួយខ្សែទៀ តនៅខាងក្រោយមន្ទីរពេទ្យខេត្ត និងក្រោយសាលាបំពេញវិជ្ជារៀបរយខេត្ត។ ដូចនេះកំណាត់ផ្លូវដែលរងការខូចខាតនៅសង្កាត់ប្អេរខាងលើនេះអាចនឹងបន្តជួសជុលក្នុងពេលខាងមុខនេះផងដែរ ហេតុនេះសូមបងប្អូនប្រជាពលរដ្ឋមានការយោគ យល់អធ្យាស្រ័យផងចុះ៕
អត្ថបទ៖ ឈៀងថារិទ្ធ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»