ព័ត៌មានជាតិ
ខេត្តព្រះសីហនុ បង្កើតគណៈកម្មការគ្រប់គ្រងតាមដាន និងត្រួតពិនិត្យការសាងសង់អគាររដ្ឋបាលថ្មី
រដ្ឋបាលខេត្តព្រះសីហនុ បានសម្រេចគណៈកម្មការ ដើម្បីគ្រប់គ្រងតាមដាន និងត្រួតពិនិត្យការសាងសង់អគាររដ្ឋបាលថ្មីសំដៅធ្វើយ៉ាងណាឱ្យដំណើរការសាងសង់ប្រកបដោយតម្លាភាព និងបញ្ចប់ការតាមការគ្រោងទុក។
ថ្លែងក្នុងកិច្ចប្រជុំគណៈកម្មការសាងសង់អគាររដ្ឋបាលថ្មីសាលាខេត្តព្រះសីហនុ កាលពីរសៀលថ្ងៃទី៩ មីនា លោក គួច ចំរើន អភិបាល នៃគណៈអភិបាលខេត្តព្រះសីហនុបានមានប្រសាសន៍ថា ដើម្បីឱ្យដំណើរការសាងសង់អគារសាលាខេត្តថ្មី ប្រកបដោយតម្លាភាព និងបញ្ចប់តាមការគ្រោងទុក យើងបានបង្កើតគណៈកម្មការដើម្បីគ្រប់គ្រង តាមដាន និងត្រួតពិនិត្យការសាងសង់។
លោកអភិបាលខេត្តបានបន្តថា មកដល់ពេលនេះយើងបានជួលក្រុមហ៊ុនចំនួន ៤ មានដូចជា៖ ក្រុមហ៊ុនខួងគ្រឹះ ក្រុមហ៊ុនគ្រឿងបង្គំ ក្រុមហ៊ុនផ្គត់ផ្គង់សម្ភារៈ និងក្រុមហ៊ុនបេតុង ជាមួយគ្នានេះយើងក៏ត្រូវការក្រុមហ៊ុនជាច្រើនទៀត ក្នុងការគ្រប់គ្រងសម្ភារៈក្នុងដំណើរការសាងសង់អគាររដ្ឋបាលសាលាខេត្តថ្មីផងដែរ។
លោកអភិបាលខេត្តបានបន្តថា កាសាងសង់សំណង់អគាររដ្ឋបាលសាលាខេត្តថ្មីនេះ ក៏ជាការរៀនសូត្រនូវបទពិសោធន៍ថ្មីៗបន្ថែមទៀត សម្រាប់បង្កើនសមត្ថភាពមន្ត្រីរបស់យើង ក្នុងការគ្រប់គ្រងសំណង់នានា ក្នុងខេត្តព្រះសីហនុ ឱ្យកាន់តែមានគុណភាពសម្រាប់ការគ្រប់គ្រង។ ដូច្នេះក្រុមការងារនីមួយៗត្រូវចូលរួមទទួលខុសត្រូវគ្រប់គ្រងឱ្យមានតម្លាភាព ដើម្បីឱ្យដំណើរការសាងសង់អគាររដ្ឋបាលសាលាខេត្តថ្មីរបស់យើងប្រព្រឹត្តទៅរលូន និងបញ្ចប់រួចរាល់តាមការគ្រោងទុក។
អគាររដ្ឋបាលសាលាខេត្តព្រះសីហនុថ្មីពិធីក្រុងពាលី បញ្ចុះបឋមសិលា សាងសង់កាលពីថ្ងៃទី ០៧ ខែមីនា ឆ្នាំ ២០២២។ អគារដ្ឋបាលថ្មីនេះមានផ្ទៃក្រឡាសរុប ៤៤,០៩៣ ម៉ែត្រការ៉េ កម្ពស់ ៤ ជាន់ គ្រោងសាងសង់ដោយប្រើរយៈពេល ១៨ ខែ តាមរចនាបថសំបូរព្រៃគុក ដែលជាអគារមានលក្ខណៈខ្មែរទំនើបស៊ីវិល័យ៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ