ព័ត៌មានជាតិ
មុខរបរត្បាញក្រមា ក៏អាចរកចំណូលជួយដល់ជីវភាព គ្រួសារឲ្យបានប្រសើរដែរ
ការតម្បាញក្រមា ជាមុខរបរមានតាំងពីដូនតាមកម្លេះ បច្ចុប្បន្ននៅបន្តមានតិចតួច ពិសេសប្រជាពលរដ្ឋនៅតាមតំបន់ដងទន្លេតូចមានជាអាថ៌ ពិសេសនៅក្នុងស្រុកកោះសូទិន ខេត្តកំពង់ចាម។
ការត្បាញក្រមាដោយដៃ ក៏ជាការងារដ៏សំខាន់មួយដែរ ព្រោះអាចរកចំណូលបានមួយចំណែកដែរ សម្រាប់ផ្គត់ផ្គង់ជីវភាពគ្រួសារ បន្ទាប់ពីការងារធ្វើស្រែចម្ការនោះ ។ ជាងនេះទៀត បងប្អូនប្រជាកសិករយើងក៏បានថែរក្សាអភិរក្សនូវមុខរបរ តម្បាញក្រមា ដែលជារបរដូនតាបានបន្សល់ទុកឲ្យតាំងតែពីដើមរៀងមក នៅពេលសម្រាកពីការងារ ចាស់ៗតែងលើកយកប្រស្នាមកចោទសួរ ដោះស្រាយលេងយ៉ាងសប្បាយអឺងកង ប្រកបដោយអត្ថន័យយ៉ាងរណ្តំចិត្ត គឺ”ធាក់មួយជើងចំហរ ដាក់មួយក្តខ្ជិប” គឺត្បាញក្រមានេះតែម្តង ។
លោកស្រី អ៊ុ ស៉ីមួយ អាយុ៦០ឆ្នាំ រស់នៅភូមិព្រែក ឃុំមហាលាភ ស្រុកកោះសូទិន ខេត្តកំពង់ចាម បានបញ្ជាក់ឲ្យដឹងថា ក្នុងមួយកី មានជាង២០០ក្រមា គិតជាទម្ងន់ជាង២០គីឡូក្រាម យើងត្បាញពីរ ទៅបីខែ ទើបកាត់មួយកី ឬចប់មួយកី ទៅតាមអ្នកត្បាញលឿន យឺត ហើយក្នុងមួយឆ្នាំយើងអាចធ្វើបានចំនួន៤កី ដែរ ។ ចំពោះប្រាក់ចំណូលវិញយើងអាចយកមកផ្គត់ផ្គង់គ្រួសារបាន ដោយក្រមាមួយលក់បានតម្លៃពី៨ពាន់ ទៅ១ម៉ឺនរៀល ដោយក្នុង១ឆ្នាំ ផាត់សោហ៊ុយ អាចសល់៤លានរៀលដែរ ។ ពីដើមច្រើនកូនអ្នកស្រុកក្រមុំៗ គេត្បាញតាមក្រោមផ្ទះ លើផ្ទះ ចំណែកបច្ចុប្បន្ននេះ មានតែចាស់ៗ ទេត្បាញនោះ ព្រោះទីផ្សាររោងចក្រស្រូបយកកម្លាំងពលកម្មក្មេងស្រីៗ អស់ហើយ ដោយពួកគេមានប្រាក់ខែខ្ពស់ ។ ហើយចាស់ៗ មានត្បាញក្រមាសល់តិចតួចទេនៅតាមបណ្តាភូមិមួយចំនួននោះ ពិសេសភូមិតាមដងទន្លេតូចយើងនេះ ។
ដូចគ្នានេះដែរ លោកស្រី អ៊ាត ថាត អាយុ៦៣ឆ្នាំ រស់នៅភូមិព្រែក ឃុំមហាលាភ ស្រុកកោះសូទិន ខេត្តកំពង់ចាម បានបញ្ជាក់ឲ្យដឹងដែរថា គាត់ជាឈ្មួញកណ្តាល បានទិញក្រមាលក់រយៈពេលជាង៣០ឆ្នាំហើយ ដូចជាទិញតាមភូមិរួមមាន. ភូមិតានួង ភូមិព្រែកគល់ ភូមិល្វេ ព្រែកសណ្តែក ព្រែកចង្ក្រាន ភូមិព្រែក ភូមិមហាលាភ ភូមិដំណាក់ព្រីង ភូមិដំណាក់ស្វាយ ភូមិប៉ាក់ណាម ភូមិថ្មី ។ល។ តម្លៃតាមប្រភេទក្រមា មានតាមលេខ លេខមួយ៩ពាន់រៀល លេខពីរ ៧ពាន់រៀល និងលេខបី ៥ពាន់រៀល ។ បោះដុំ លក់រាយ អាចចំណេញក្រមាមួយបាន១ពាន់រៀលដែរ សព្វថ្ងៃពិបាកលក់ជាងមុន ដោយសារទីផ្សាររងផលប៉ះពាល់ដោយសារជំងឺឆ្លងកូវីដ.១៩ គួបផ្សំនឹងពលរដ្ឋរកចំណូលមិនសូវបានដែរ ម៉្យាងទៀត លូវគេច្រើនប្រើកន្សែងពោះគោ និងកន្សែងផ្សេងៗទៀត ដែលផលិតចេញពីរោងចក្រ ។ ក្រមាមានពីរប្រភេទ គឺ ក្រមាអំបោះសុទ្ធ និងក្រមាអំបោះនីឡុង ក្រមាអំបោះជូតខ្លួនស្អាតជាង ក្រមានីឡុង ។ ទីផ្សារច្រើនយកទៅលក់នៅទីក្រុងភ្នំពេញ និងតាមបណ្តាខេត្ត ក្នុងប្រទេសកម្ពុជាយើង ។ កាលមុនស្រួលលក់ចំណេញគ្រាន់បើ លូវចំណេញតិចណាស់ តែមុខរបរហើយចេះតែរកទៅ ចំណូលអាចចិញ្ចឹមគ្រួសារបានដែរ ៕
អត្ថបទ៖ សាន វិឡែម
-
ជីវិតកម្សាន្ដ៤ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៧ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ៧ ថ្ងៃ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ