ព័ត៌មានជាតិ
អាជីវករកំពង់ឆ្នាំង ប្រមូលទិញសណ្ដែកបាយស្ដុកទុកលក់យកចំណេញ ខណៈតម្លៃចុះថោកជាងឆ្នាំមុន
ក្រុមអាជីវករក្រុងកំពង់ឆ្នាំង នៅថ្ងៃទី ១៣ ខែមីនា បានដើរប្រមូលទិញផលសណ្ដែកបាយពីប្រជាកសិករដាំដុះតាមខ្នងចម្ការ តាមដងទន្លេក្នុងក្រុងកំពង់ឆ្នាំងដើម្បីស្តុកទុកលក់យកចំណេញ ខណៈដែលសណ្ដែកបាយក្នុងពេលនេះក្នុងមួយគីឡូមានតម្លៃតែ ៣ ០០០ រៀលថោកជាងឆ្នាំមុន។
លោក សម្បត្តិ ជាអាជីវករទិញសណ្ដែកបានឱ្យដឹងថា លោកបានទិញសណ្ដែកបាយក្នុងថ្ងៃនេះក្នុង១គីឡូថ្លៃ ៣ ពាន់រៀលប៉ុណ្ណោះ ដែរក្នុងពេលដូចគ្នានេះ ពីឆ្នាំមុនសណ្ដែកបាយក្នុងមួយគីឡូថ្លៃ ៤ ពាន់រៀល។
អាជីវករខាងលើនេះបានបញ្ជាក់ទៀតថា ថ្វីត្បិតតែសណ្ដែកបាយក្នុងឆ្នាំនេះមានតម្លៃថោកជាងឆ្នាំមុន ប៉ុន្តែប្រជាកសិករនៅតាមចម្ការបានប្រាប់ថា ការដាំដុះសណ្ដែកបាយក្នុងឆ្នាំនេះមិនសូវទទួលបានផលច្រើននោះឡើយ ដូច្នេះអ្នកចម្ការភា គច្រើនមិនបានចំណេញទេបើគិតលើការចំណាយទិញប្រេងបូមទឹក និងការទិញថ្នាំបាញ់សត្វល្អិតមាន តម្លៃថ្លៃ បូករួមនឹងការជួលកម្មករ ឬម៉ាស៊ីនច្រូតសណ្ដែកផងនោះគឺសុទ្ធតែត្រូវចំណាយប្រាក់ទាំងអស់។
ចំណែកឈ្មួញកណ្ដាលម្នាក់ទៀតដែលជាអ្នកដើរប្រមូលទិញតាមចំការបានឲ្យដឹងថា គាត់បានចុះទិញសណ្ដែករយៈពេលកន្លះខែហើយ គឺក្នុង១ថ្ងៃៗគាត់អាចដើរប្រមូលទិញតាមចម្ការបានពី ១៥ ទៅ ២០ តោនយកទៅលក់បន្តឲ្យឈ្មួញដែលមានប្រាក់ច្រើន នៅផ្សារក្រោមក្រុងកំពង់ឆ្នាំង ដែលក្នុង១គីឡូលក់បានចំណេញតែ១០០រៀលប៉ុណ្ណោះ។
ដោយឡែកសម្រាប់អាជីវករជាឈ្មួញកណ្ដាលដែលមានប្រាក់ច្រើនវិញនោះក្នុងពេលសណ្តែកមានតម្លៃថោកបែបនេះ គឺគាត់បាននាំគ្នាប្រមូលទិញសណ្តែកស្តុកទុកលក់ក្នុងម្នាក់ៗរាប់រយតោនដើម្បីយកចំណេញ។
តែទំនិញក្នុងទីផ្សារសេរីមិនស្ថិតថេរនោះឡើយ គឺបើសម្បូរច្រើនក្នុងទីផ្សារគឺថោក និងបើមានតិចវិញនោះគឺមានតម្លែខ្ពស់ គឺជារឿងធម្មតា៕
អត្ថបទ៖ ឈៀងថារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង