ព័ត៌មានជាតិ
លើភ្នំបូកគោមានកន្លែងកម្សាន្តច្រើនដែលមនុស្សភាគច្រើនមិនដឹង?
ភ្ញៀវទេសចរ ភាគច្រើនមិនបានដឹងពីតំបន់ទេសចរណ៍នៅលើភ្នំបូកគោអស់នោះទេ។ អ្នកខ្លះបានស្គាល់ ឬទៅដល់តែត្រឹមរូបសំណាកលោកយាយម៉ៅ វត្តសំពៅប្រាំ និងសណ្ឋាគារសុខា អូតែលបូកគោប៉ុណ្ណោះ ប៉ុន្តែតាមពិតទៅលើភ្នំបូកគោ នៅមានកន្លែងកម្សាន្តផ្សេងៗជាច្រើនទៀត។
លោក សាយ សុភក្ត្រា នាយកផ្នែកលក់ និងទីផ្សារក្រុមហ៊ុនសុខាអូតែល បានលើកឡើងថា ឧទ្យានជាតិព្រះមុនីវង្សភ្នំបូកគោ ឬឧទ្យានជាតិបូកគោ មានកន្លែងកម្សាន្តច្រើន ប៉ុន្តែភ្ញៀវទេសចរភាគច្រើន មិនបានទៅដល់ និងស្គាល់កន្លែងទាំងអស់នោះទេ។
លោកបញ្ជាក់ថា នៅលើភ្នំបូកគោ មានកន្លែងកម្សាន្តស្អាតៗដូចជា វប្បធម៌ប្រវត្តិសាស្ត្រ ១០០ឆ្នាំ តំបន់ជំនឿសាសនា ចូលព្រៃមើលទេសភាព មើលបឹងលើកំពូលភ្នំ ដំណាក់ស្លាខ្មៅ កាស៊ីណូចាស់ ឡឺបូកគោ ផាឡេស រូបសំណាក់លោកយាយម៉ៅ វត្តសំពៅប្រាំ វាលស្រែ ៥០០ វាលស្រែ ១០០ ជាដើម។
លោក សុភក្ត្រា បញ្ជាក់ថា ដើម្បីដឹងប្រវត្តិទីតាំងនីមួយៗ ត្រូវចំណាយពេលប្រហែល ៤០នាទី ក្នុងការស្វែងយល់។
លោកបន្ថែមថា ភ្ញៀវទេសចរជាតិ ភាគច្រើនមិនសូវបានដើរកម្សាន្តសព្វកន្លែងនោះទេ។ ចំណែកភ្ញៀវទេសចរបរទេសដើរបានច្រើនជាង ដោយសារពួកគេសម្រាកនៅលើភ្នំ២យប់ ក្នុងការស្វែងយល់កន្លែងកម្សាន្តនានា។
បន្ថែមលើនេះ លោក សាយ សុភក្រ្តា បានសង្កត់ធ្ងន់ថា នៅសណ្ឋាគារសុខា អូតែល មានអ្នកបច្ចេកទេសណែនាំពីតំបន់ទេសចរណ៍នានា នៅលើភ្នំបូកគោ ប៉ុន្តែភ្ញៀវទេសចរជាតិយើង មិនសូវបានចូលសួរព័ត៌មាននោះទេ ដែលជាទម្លាប់ពួកគេជិះឆ្វែលមួយជុំហើយ ក៏ត្រឡប់ទៅវិញ។ អ្នកជំនាញរូបនេះ ជំរុញឲ្យភ្ញៀវទេសចរទាំងអស់ ចូលសួរព័ត៌មាននៅក្នុងសណ្ឋាគារ ដើម្បីទទួលបានការណែនាំបន្ថែម អំពីតំបន់ទេសចរណ៍ ដ៏សម្បូរបែបនេះលើភ្នំនេះ។
សូមបញ្ជាក់ថា ឧទ្យានជាតិព្រះមុនីវង្សភ្នំបូកគោ ឬឧទ្យានជាតិបូកគោ មានចម្ងាយប្រមាណ ១១ គីឡូម៉ែត្រពីក្រុងកំពតទៅកាន់ជើងភ្នំ និងចម្ងាយ ៣២ គីឡូម៉ែត្រ ពីជើងភ្នំដល់កំពូលភ្នំ។
បើតាមអ្នកឧកញ៉ា សុខ គង់ បានឱ្យដឹងថា ឧទ្យានជាតិព្រះមុនីវង្សភ្នំបូកគោនេះ មានផ្ទៃដីប្រមាណ ១៤០ ០០០ ហិកតា ប៉ុន្តែមានតែផ្ទៃដី ៣ម៉ឺនហិកតាប៉ុណ្ណោះ សម្រាប់យកមកអភិវឌ្ឍ៕
អត្ថបទ៖ ទួន សុផល
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ៧ ថ្ងៃ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ