ព័ត៌មានជាតិ

មន្ត្រីការទូតកម្ពុជាម្នាក់ ប្រចាំនៅប្រទេសបារាំង លាប់កូវីដ-១៩ឡើងវិញ

បានផុស

៥ years មុន

នៅ

ថ្ងៃពុធ ១៦ ធ្នូ ២០២០

ដោយ

លោក កុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរ ជាតិកម្ពុជា បានប្រាប់កម្ពុជាថ្មីឲ្យដឹងថា មន្ត្រីទូតកម្ពុជាប្រចាំនៅប្រទេសបារាំង បានជាសះស្បើយអស់ហើយ តែមានមន្ត្រីម្នាក់បានលាប់ឡើងវិញ កាលពី ២-៣ថ្ងៃ មុននេះ ហើយពេលនេះគាត់កំពុងសម្រាកព្យាបាលនៅផ្ទះ ប៉ុន្តែស្ថានភាពមិនមានអ្វីធ្ងន់ធ្ងរទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក កុយ គួង មន្ត្រីការទូតរបស់យើង នៅតាមបណ្តាប្រទេសផ្សេងៗទៀតមិនមានផលប៉ះពាល់ ដោយជំងឺកូវីដ-១៩ទេ ក្រៅតែពីនៅប្រទេសបារាំងនេះ។ សូមបញ្ជាក់ថា កាលពីថ្ងៃទី០៩ ខែធ្នូ ក្រសួងការបរទេស និងសហប្រតិបត្តិការអន្តរជាតិបានឲ្យដឹងថា អ្នកការទូតកម្ពុជាចំនួនពីរនាក់ និងបុគ្គលិកក្នុងស្រុកចំនួនពីរនាក់ នៃស្ថានឯកអគ្គរាជទូតកម្ពុជា ប្រចាំសាធារណរដ្ឋបារាំង បានធ្វើតេស្តសំណាកទទួលបានលទ្ធផលវិជ្ជមានកូវីដ-១៩។

ក្រសួងបានបញ្ជាក់ថា ក្រោយពួកគាត់ទាំងបួននាក់ បានជួបពិគ្រោះយោបល់ជាមួយគ្រូពេទ្យបារាំងរួចមក ពេលនេះពួកគាត់កំពុងសម្រាកព្យាបាលនៅផ្ទះរៀងៗខ្លួន និងទទួលទានថ្នាំតាមវេជ្ជបញ្ជា។ ក្រៅពីនេះ ស្ថានឯកអគ្គរាជទូតកម្ពុជា នៅទីក្រុងប៉ារីស ក៏កំពុងរង់ចាំលទ្ធផលតេស្ត របស់បុគ្គលិកក្នុងស្រុកម្នាក់ទៀត នៅថ្ងៃនេះផងដែរ (ថ្ងៃទី០៩ ខែធ្នូ)។ ចំណែក ស្ថានឯកអគ្គរាជទូតកម្ពុជា នៅទីក្រុងប៉ារីស បានបន្តដំណើរការងារជាប្រក្រតីតាមប្រព័ន្ធព័ត៌មានវិទ្យា។បើតាមក្រសួងការបរទេសកម្ពុជា ស្ថានទូត នឹងបន្តធ្វើការយ៉ាងជិតស្និទ្ធជាមួយអាជ្ញាធរសុខាភិបាលបារាំង ដើម្បីតាមដានការវិវត្តនៃជំងឺរបស់អ្នកការទូតកម្ពុជា និងបុគ្គលិកក្នុងស្រុក ទាំងបួននាក់ខាងលើ ដោយយកចិត្តទុកដាក់បំផុត៕

អត្ថបទ៖ កោះកែវ

សូមចុចអាន៖ បន្ទាន់!អ្នកទៅហាង Hidden Coffee នៅសង្កាត់ទឹកថ្លា នារសៀលថ្ងៃទី៤ ខែធ្នូ ប្រញ៉ាប់ទៅតេស្តរកកូវីដ-១៩

Related Topics:កូវីដ-១៩ ចតា្តឡីស័ក លោក កុយ គួង

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា