ព័ត៌មានជាតិ
អាជ្ញាធរបន្ទាយមានជ័យបើកយុទ្ធនាការស្តារប្រព័ន្ធលូតាមបណ្តោយផ្លូវជាតិលេខ៥៩
ប្រពន្ធ័លូទឹកចាប់ពីផ្លូវជាតិលេខ ៥៩ ចន្លោះពី គម៤១+០០០ ដល់គម ៤៣+៥០០ នឹងបើកយុទ្ធនាការឲ្យការងារជំនាញស្តារឡើងវិញ និងកាយដីចាក់ខ្ពស់ជាងចិញ្ចើមផ្លូវចេញ ធ្វើឲ្យទឹកដក់ខូចផ្លូវ មុនរដូវវស្សាចូលដល់ ស្ថិតក្នុងទីរួមស្រុកម៉ាឡៃ ខេត្តបន្ទាយមានជ័យ។ នេះបើតាមការអះអាងរបស់លោក សុក ចាន់ថា ប្រធានមន្ទីសាធារណការ និងដឹកជញ្ជូនខេត្តបន្ទាយមានជ័យបានប្រាប់អ្នកយកព័ត៌មានឲ្យដឹងនៅល្ងាច ថ្ងៃទី ១៧ ខែឧសភា ឆ្នាំ២០២២ នេះ។
លោក សុក ចាន់ថា បានប្រាប់អ្នយកព័ត៍មានឲ្យដឹងបន្តទៀតថា កន្លងមកប្រព័ន្ធលូនៅតាមបណ្តោយផ្លូវជាតិលេខ ៥៩ ចាប់ពីចន្លោះគម៤១+០០០ ដល់គម ៤៣+៥០០ ស្ថិតក្នុងទីរួមស្រុកម៉ាឡៃ រងគ្រោះដោយទឹកជំននទឹកភ្លៀង និងទឹកហូរធ្លាក់ដីចូលពេញលូជាដុំៗច្រើនកន្លែងបណ្តាលឲ្យស្ទះដូច្នេះលោកបានឲ្យកំលាំងជំនាញមន្ទីរសាធារណៈការដឹកជញ្ជូនដឹកនាំដោយលោកផ្ទាល់ យកគ្រឿងចក្រមកស្តារចាប់ពី ផ្លូវជាតិលេខ៥៩ ចន្លោះពី គម៤១+០០០ ដល់គម ៤៣+៥០០ឡើងវិញ ដើម្បីឲ្យទឹកហូរចេញចូលស្រួលឡើងវិញមុនរដូវវស្សាចូលដល់ ពិសេសនិងកាយដីដែលចាក់ខ្ពស់ជាងចិញ្ចើមផ្លូវចេញវា ធ្វើឲ្យទឹកដក់ខូចផ្លូវ ដើម្បីឲ្យប្រជាពលរដ្ឋធ្វើចរាចរណ៍ទៅមកបានស្រួល។
លោកបានបញ្ជាក់ឲ្យដឹងបន្តទៀតថា ការងារស្តារប្រពន្ធ័លូបណ្តោយផ្លូវជាតិលេខ៥៩ ចាប់ពីចន្លោះ គម៤១+០០០ ដល់គម ៤៣+៥០០ និងកាយដីចាក់ខ្ពស់ជាងចិញ្ចើមផ្លូវ នេះអនុវត្តតាមបទបញ្ជារបស់ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន លោកបានឲ្យប្រធានមន្ទីរសាធារណការខេត្តត្រូវស្ថារឡើងវិញផ្លូវដែលរងគ្រោះដោយទឹកជំនននិងស្តារប្រពន្ធ័លូស្ទះ ទាំង៩ ស្រុក ក្រុង។
លោក សុក ចាន់ថា បានបញ្ជាក់ឲ្យដឹងបន្តទៀតថា ប្រពន្ធ័លូស្ទះ ទាំង៩ ស្រុក ក្រុង កកស្ទះដោយដីបាក់ចូលដោយទឹកជំនន់នោះក្រុមការងាររបស់លោកបានចាប់ផ្តើមស្តារឡើងវិញជាបណ្តើរៗហើយក្នុងស្រុកម៉ាឡៃចាប់ផ្តើមស្តារមុនគេ។
លោក សុក ចាន់ថាបានបញ្ជាក់ទៀតថា ប្រពន្ធ័លូនៅតាមបណ្តោយផ្លូវជាតិលេខ៥៩ ចាប់ពីចន្លោះ គម៤១+០០០ ដល់គម ៤៣+៥០០ក្នុងស្រុកម៉ាឡៃ នេះក្រោយពីស្តាររួចរាល់ហើយ លោកសង្ឃឹមថាវាមានសារៈសំខាន់ណាស់សំរាប់ប្រជាពលរដ្ឋរស់ក្នុងស្រុកម៉ាឡៃនេះធ្វើដំណើរចេញចូលប្រកបមុខរបររកស៊ីប្រចាំថ្ងៃបានយ៉ាងស្រួលព្រោះមិនព្រួយពីទឹកលិចនៅខែវស្សាចូលមកដល់។
ក្នុងនោះលោកសុកចាន់ថាបានធ្វើការ បានសំណូមពរដល់ប្រជាពលរដ្ឋរស់នៅក្នុងស្រុកម៉ាឡៃទាំងអស់ ក្រោយពីបញ្ចប់ការងារស្តារលូនិងកាយដីចាក់ខ្ពស់ជាងចិញ្ចើមផ្លូវរួចរាល់ហើយត្រូវរួមគ្នាជួយថែរក្សាឲ្យបានល្អនិងយូរអង្វែងផងការស្តាតលូនេះចំណាយថវិកាអស់ច្រើនណាស់។
លោកសុកចាន់ថាក្នុងការចុះត្រួតពិនិត្យការងារស្តារប្រព័ន្ធលូនិងកាយដីចាក់ខ្ពស់ជាងចិញ្ចើមផ្លូវលោកបានណែនាំដល់ក្រុម ការងារបច្ចេកទេសឲ្យខិតខំជំរុញការងារឲ្យសម្រេចរួចរាល់តាមផែនការដែលបានកំណត់។
ក្នុងនោះប្រជាពលរដ្ឋរស់ក្នុងស្រុកម៉ាឡៃបានថ្លែងអំគុណយ៉ាងជ្រាលជ្រៅដល់លោក សុក ចាន់ថា ដែលបានយកចិត្តទុកដាក់ស្តារប្រព័ន្ធលូ និងកាយដីចាក់ខ្ពស់ជាងចិញ្ចើមផ្លូវដើម្បីបញ្ជាសពីការទឹកលិចក្នុងទីរួមស្រុកម៉ាឡៃនេះ៕
អត្ថបទ៖ វ៉ាន់ ណាង
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ