Connect with us

ព័ត៌មានជាតិ

ឯកឧត្តម នេត្រ ភក្ត្រា៖ គណបក្សប្រជាជនកម្ពុជា ជាកម្លាំងស្នូល និងជាបង្អែកដ៏កក់ក្តៅរបស់ប្រជាជនក្នុងបុព្វហេតុកសាង និងការពារមាតុភូមិ

បានផុស

នៅ

នៅក្នុងឱកាសនៃការបើកយុទ្ធនាការឃោសនាបោះឆ្នោតជ្រើសរើសសមាជិកក្រុមប្រឹក្សាឃុំ-សង្កាត់អាណត្តិទី៥ ឆ្នាំ ២០២២ គណបក្សប្រជាជនកម្ពុជាក្រុងបូកគោ ខេត្តកំពត បានបើកយុទ្ធនាការឃោសនាដោយមានសមាជិកសមាជិកាជាងមួយពាន់នាក់បានចូលរួមដង្ហែក្បួនដោយមានក្បួនរថយន្តនិងក្បួនម៉ូតូយ៉ាងគគ្រឹកគគ្រេងក្នុងសង្កាត់ទាំង ៣ របស់ក្រុងបូកគោ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តម នេត្រ ភក្ត្រា អនុប្រធានក្រុមការងារគណបក្សចុះមូលដ្ឋានក្រុងបូកគោដែលដឹកនាំក្បួនឃោសនាបោះ ឆ្នោតនៅសង្កាត់កោះតូច ក្រុងបូកគោ បានលើកឡើងថា មានតែគណបក្សប្រជាជនកម្ពុជាតែមួយគត់ដែលបានដើរតួនាទីស្នូលក្នុងការសង្គ្រោះជាតិ សង្គ្រោះប្រជាជនពីរបបខ្មែរក្រហម និងនាំយកសុខសន្តិភាពពេញលេញ និងការអភិវឌ្ឍ លើគ្រប់វិស័យជូនជាតិនិងមាតុភូមិ។

ឯកឧត្តមបានលើកឡើងថា គណបក្សប្រជាជនកម្ពុជា នៅជាប់ជាមួយប្រជាពលរដ្ឋគ្រប់កាលៈទេសៈ និងបម្រើប្រជាពលរដ្ឋដោយភាពស្មោះត្រង់។ អ្វីៗដែលកម្ពុជាយើងមានការរីកចម្រើនគឺជាការខិតខំប្រឹងប្រែងរបស់ថ្នាក់ដឹកនាំ និងសមាជិក សមាជិកាគណបក្សប្រជាជនកម្ពុជា រួមនឹងការគាំទ្រពេញ ទំហឹងពីបងប្អូនប្រជាពលរដ្ឋកម្ពុជា។

ក្រៅពីការចាក់សារឃោសនានានា ឯកឧត្តម នេត្រ ភក្ត្រា បានជម្រាបជូនប្រជាពលរដ្ឋនិងសមាជិកសមាជិកាគណបក្សអំពីសមិទ្ធផលជាប្រវត្តិសាស្ត្រដែលគណបក្សប្រជាជនកម្ពុជា បានកសាងឡើងចាប់តាំងពីការបង្កើតគណបក្សរហូតមកដល់ពេលនេះ ដោយគូសបញ្ជាក់ថា៖«គណបកក្សប្រជាជនកម្ពុជាធ្វើអ្វីៗទាំងអស់ដើម្បីបុព្វហេតុជាតិ និងប្រជាជនកម្ពុជា»។

ឯកឧត្តមអនុប្រធានក្រុមការងារគណបក្សចុះមូលដ្ឋានក្រុងបូកគោបានគូសបញ្ជាក់ថា កម្ពុជាបានឆ្លងកាត់ដំណាក់ កាលសំខាន់ៗជាច្រើនក្នុងប្រវត្តិសាស្ត្រ ហើយគណបក្សប្រជា ជនកម្ពុជាបានដើរតួនាទីសំខាន់ជាកម្លាំងស្នូល និងជាបង្អែកដ៏កក់ក្តៅរបស់ប្រជាជនក្នុងបុព្វហេតុកសាង និងការពារមាតុភូមិ។ គណបក្សប្រជាជនកម្ពុជាបានជ្រោងខ្ពស់ទង់មហាសាមគ្គីជាតិ ដឹកនាំប្រជាជន តស៊ូពុះពារអនុវត្តនូវភារកិច្ចសំខាន់ៗ ដោយជោគជ័យធ្វើឲ្យប្រទេសជាតិមានស្ថិរភាព មានសុខសន្តិភាព ពេញលេញ និងពោរពេញដោយការអភិវឌ្ឍលើគ្រប់វិស័យ។

ឯកឧត្តម នេត្រ ភក្ត្រា បានលើកឡើងថា ក្រៅពីសមិទ្ធផលជាប្រវត្តិសាស្ត្រធំក្នុងការបញ្ចប់សង្គ្រាម និងកសាងសន្តិភាព រាជរដ្ឋាភិបាលរបស់គណបក្សប្រជាជនកម្ពុជាបានគិតគូរនិងបម្រើផលប្រយោជន៍ពលរដ្ឋគ្រប់កាលៈទេសៈនៅជាប់នឹងប្រជាពលរដ្ឋ ហើយក្នុងពេលប្រឈមនឹងជំងឺឆ្លងកូវីដ១៩ រាជរដ្ឋាភិបាលបានកសាងខឿនសុខុមាលភាពយ៉ាងរឹងមាំជូនពលរដ្ឋប្រឆាំងនឹងជំងឺកូវីដ១៩ ដោយដាក់ចុះនូវនយោបាយ វ៉ាក់សាំងធ្វើឱ្យកម្ពុជាមានភាពស៊ាំក្នុងសង្គម ទប់ស្កាត់បានការឆ្លង រីករាលដាលនៃជំងឺកូវីដ១៩ និងបានបើកដំណើរការប្រទេសឡើងវិញ ព្រមទាំងផ្តល់នូវការគាំពារសង្គមដល់ប្រជាពលរដ្ឋ។ ឯកឧត្តម នេត្រ ភក្ត្រា បានគូសបញ្ជាក់ថា៖ «នេះគឺជាបម្រើប្រជាពលរដ្ឋរបស់គណបក្សប្រជាជនកម្ពុជា ហ៊ានថា ហ៊ានធ្វើ និងហ៊ានទទួលខុសត្រូវ»។

ជាមួយគ្នានេះដែរ ឯកឧត្តមអនុប្រធានក្រុមការងារគណបក្សចុះមូលដ្ឋានក្រុងបូកគោបានថ្លែងអំណរគុណប្រជាពលរដ្ឋដែលបានគាំទ្រនិងបោះឆ្នោតជូនគណបក្សប្រជាជនកម្ពុជានាពេលកន្លងមក និងបន្តបោះឆ្នោតជូនគណបក្សប្រជាជនកម្ពុជានាថ្ងៃបោះឆ្នោតជ្រើសរើសក្រុមប្រឹកកសាឃុំសង្កាត់ នាថ្ងៃទី៥ ខែមិថុនា ឆ្នាំ២០២២ និងការបោះឆ្នោតជាបន្តបន្ទាប់ទៀតដើម្បីធានានិរន្តរភាពនៃជ័យជម្នះគណបក្សប្រជាជនកម្ពុជា និងអនុញ្ញាតឱ្យគណបក្សប្រជាជនកម្ពុជាបម្រើជាតិ និងប្រជាជន បន្តការអភិវឌ្ឍប្រទេសឱ្យរីកចម្រើនបន្ថែមទៀត៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៥ វិនាទី មុន

សហគ្រិនស្ត្រី​ផលិតមីខ្មែរមានការ​គាំទ្រ​គ្រោង​បើកសិប្បកម្ម​វិវត្ត​ទៅលក់ហ្វេនឆាយ

ព័ត៌មានជាតិ៥ នាទី មុន

គណបក្សប្រជាជនកម្ពុជា នឹង​រៀបចំពិធីអបអរសាទរខួបអនុស្សាវរីយ៍​លើកទី៧១ នៅថ្ងៃទី២៨ ខែមិថុនា នេះ

សន្តិសុខសង្គម២៦ នាទី មុន

​ភ្លៀងធ្លាក់​​ប៉ុន្មាន​ថ្ងៃជាប់គ្នា ស្រុកមួយចំនួន​ក្នុង​ខេត្ត​បាត់ដំបង​ ប៉ះពាល់​ខូចខាតផ្ទះជាច្រើនខ្នង

ជីវិតកម្សាន្ដ៣៥ នាទី មុន

ផ្ទុះការចាប់អារម្មណ៍ខ្លាំង រូបភាពតារាចាស់វស្សា Ann ស្លៀកឈុតអាពាហ៍ពិពាហ៍

ជីវិតកម្សាន្ដ៤២ នាទី មុន

ហេង សុទ្ធនិស្ស័យ លំដាប់រងទី ១ Miss Universe Cambodia មានប្រវត្តិជោគជ័យមិនធម្មតា

Sokha Hotels

ព័ត៌មានពេញនិយម