ព័ត៌មានជាតិ
សាធារណរដ្ឋកូរ៉េ ចាប់ផ្តើមបង្រៀនភាសាកូរ៉េដល់សិស្សវិទ្យាល័យនៅកម្ពុជា
នៅខែកក្កដា ឆ្នាំ២០២២ខាងមុខនេះ សាធារណរដ្ឋកូរ៉េនឹងចាប់ផ្តើមបង្រៀនភាសាកូរ៉េដល់សិស្សានុសិស្សកំពុងសិក្សានៅតាមវិទ្យាល័យដោយជំហានដំបូងជ្រើសរើសសាលាចំនួន៦។
គម្រោងនេះត្រូវបានលើកឡើងនៅក្នុងជំនួបពិភាក្សាការងាររវាងលោក ផាក ហ៊ីង ឃ្យុង (Park Heung Kyeong)
ឯកអគ្គរដ្ឋទូតនៃសាធារណរដ្ឋកូរ៉េ ប្រចាំនៅកម្ពុជា ជាមួយលោកបណ្ឌិតសភាចារ្យ ហង់ជួន ណារ៉ុន រដ្ឋមន្រ្ដីក្រសួងអប់រំ យុវជន និងកីឡា កាលពីថ្ងៃទី៣១ ខែឧសភា ឆ្នាំ២០២២ នៅទីស្ដីការក្រសួង ។
ក្នុងកិច្ចជំនួបពិភាក្សាការងារនេះ លោកឯកអគ្គរដ្ឋទូតនៃសាធារណរដ្ឋកូរ៉េប្រចាំនៅកម្ពុជា បានលើកឡើងពីការពិនិត្យឡើងវិញនូវសៀវភៅសិក្សាក៏ដូចជាការធ្វើបច្ចុប្បន្នភាពលើសៀវភៅប្រវត្តិវិទ្យាដែលបន្ថែមនូវប្រវត្តិនៃប្រទេសកូរ៉េក្នុងកម្មវិធីសិក្សាជាដើម។
លោកឯកអគ្គរដ្ឋទូតក៏បានស្នើសុំលោករដ្ឋមន្ត្រីក្នុងការបង្កើតមជ្ឈមណ្ឌលភាសាកូរ៉េបន្ថែមផងដែរ ដោយក្នុងនោះ មានគម្រោងតូចមួយ ក្នុងវិទ្យាល័យចំនួន ៦ ដែលនឹងមានការរៀនភាសាកូរ៉េ ក្នុងខែកក្កដាខាងមុខ។ ជាមួយគ្នានេះ លោក ឯកអគ្គរដ្ឋទូតបានចូលរួមអបអរសាទរដល់លទ្ធផលដែលប្រទេសកម្ពុជា ទទួលបានពីកីឡាស៊ីហ្គេម នៅប្រទេសវៀតណាម និងជូនពរដល់កម្ពុជាក្នុងការត្រៀមខ្លួនធ្វើជាម្ចាស់ផ្ទះកីឡាស៊ីហ្គេម ២០២៣។
លោកបណ្ឌិតសភាចារ្យ បានថ្លែងអំណរគុណយ៉ាងជ្រាលជ្រៅដល់ប្រទេសកូរ៉េ និងដៃគូអភិវឌ្ឍកូរ៉េនានា ដែលតែងតែជួយអភិវឌ្ឍវិស័យអប់រំ យុវជន និងកីឡា ដល់ប្រទេសកម្ពុជាពិសេសប្រទេសកូរ៉េ បានគាំទ្រក្នុងរូបភាពដូចជាការផ្ដល់អាហារូបករណ៍ដល់និស្សិតកម្ពុជា ការផ្ដល់ឧបករណ៍បច្ចេកវិទ្យាដល់គ្រឹះស្ថានសិក្សា និងការបណ្ដុះបណ្ដាលបច្ចេកវិទ្យាដល់លោកគ្រូ អ្នកគ្រូដើម្បីឆ្លើយតបទៅនឹងការសិក្សាពីចម្ងាយ៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ