ព័ត៌មានជាតិ
ខេត្តព្រះសីហនុ មានគ្រឹះស្ថានសិក្សាតូចធំចំនួន១០០ មានសិស្សជាង៤ម៉ឺននាក់
លោកស្រី អ៊ុច សោភា ប្រធានមន្ទីរអប់រំ យុវជននិងកីឡា ខេត្តព្រះសីហនុ បានមានប្រសាសន៍ថា បច្ចុប្បន្ននេះខេត្តព្រះសីហនុ មានគ្រឹះស្ថានសិក្សាតូចធំចំនួន១០០ ដោយមានសិស្សសរុបចំនួន ៤២. ៩៨១នាក់ ស្រី២១.៤១១នាក់។
ថ្លែងនៅក្នុងពិធីបើកសន្និបាតបូកសរុបលទ្ធផលការងារមន្ទីរអប់រំយុវជន និងកីឡាឆ្នាំសិក្សា២០២០-២០២១ និងលើកទិសដៅការងារឆ្នាំសិក្សា២០២១-២០២២ នៅថ្ងៃទី១៦ ខែមិថុនា នេះ លោកស្រីបានបន្តថា ក្នុងចំណោមគ្រឹះស្ថានសិក្សា១០០ ក្នុងនោះសាលាមត្តេយសិក្សា១ បឋមសិក្សា៧២ និងមធ្យមសិក្សា២៧ ក្នុងនោះអនុវិទ្យាល័យ១៨
និងវិទ្យាល័យ៩។
លោកស្រីបានបន្តទៀតថា ចំពោះលទ្ធផលប្រឡងសញ្ញាបត្រមធ្យមសិក្សាទុតិយភូមិសម័យប្រឡងថ្ងៃ ទី២៧ ខែធ្នូ ឆ្នាំ២០២១ មានបេក្ខជនចុះឈ្មោះប្រឡង១.៣៥២នាក់ ស្រី៧១០នាក់ ជាប់ជាស្ថាពរ១.០២៣នាក់ ស្រី៥៦២នាក់ ស្មើនឹង ៧៥,៦៧ ភាគរយ ស្រី៧៩,១៥ភាគរយ កើនលើសថ្នាក់ជាតិ១០ភាគរយ ក្នុងនោះសិស្សទទួលបាននិទ្ទេស A ២០នាក់
ស្រី៩នាក់ និទ្ទេស B ៦៧នាក់ និទ្ទេស C ១៧០នាក់។
ឯកឧត្តម គួច ចំរើន អភិបាលខេត្តព្រះសីហនុ បានវាយតម្លៃខ្ពស់ចំពោះថ្នាក់ដឹកនាំមន្ត្រីរាជការ និងបុគ្គលិកសិក្សា នៃមន្ទីរអប់រំ យុវជន និងកីឡាខេត្តដែលបានខិតខំលះបង់យកអស់ កម្លាំងកាយចិត្ត ប្រាជ្ញាស្មារតី បំពេញតួនាទី ភារកិច្ចស្របតាមគោលការណ៍ច្បាប់ និងលិខិតបទដ្ឋាន គតិយុត្តក្នុងបេសកម្មដឹកនាំគ្រប់គ្រង និងបណ្តុះបណ្តាលអភិវឌ្ឍធនធានមនុស្ស ពិសេសក្មួយៗ សិស្សានុសិស្ស ជាទំពាំងស្នងឬស្សី ជាសរសរទ្រូងប្រទេសជាតិ ជាកម្លាំងចលករជំរុញកំណើនសេដ្ឋកិច្ចជាតិ។ កើតចេញពីគុណភាព សមត្ថភាពជំនាញ ក្រមសីលធម៌ និងការទទួលខុត្រូវ ដើម្បីឆ្លើយតបទៅនឹងតម្រូវការទីផ្សារការងារប្រកួតប្រជែងនាពេលបច្ចុប្បន្ន។
លោកអភិបាលខេត្តបានបញ្ជាក់ថា សន្និបាតបូកសរុបលទ្ធផលការងាររបស់មន្ទីរអប់រំយុវជន និងកីឡាខេត្ត បានឆ្លុះបញ្ចាំងឱ្យឃើញនូវការរីកចម្រើន និងស្វែងរកចំណុចខ្វះខាត បញ្ហាប្រឈម ក្នុងវិស័យអប់រំចំពោះចំណុចអសកម្មត្រូវកែលម្អឡើងវិញ និងធ្វើការផ្សព្វផ្សាយចែករំលែក និងទទួលទុកជាបទពិសោធន៍ ស្របតាមកំណែទម្រង់វិស័យអប់រំ
ឈានឆ្ពោះទៅមុខប្រកបដោយ ជោគជ័យឆ្នាំ សិក្សា២០២១-២០២២។ ព្រមទាំងបានសំណូមពរដល់លោកគ្រូ អ្នកគ្រូខិតខំបំពេញការងារឱ្យបានខ្ជាប់ខ្ជួនប្រកបដោយភាពថ្លៃថ្នូរ ប្រកាន់ភ្ជាប់នូវមនសិកាវិជ្ជាជីវៈ មានឧត្តមគតិខ្ពស់ជាកម្លាំងចលករ ថ្មីជួយជំរុញដុសខាត់កែច្នៃវិស័យអប់រំឱ្យមានសន្ទុះទាំងបរិមាណ និងគុណភាព។
លោកអភិបាលខេត្ត បានថ្លែងអំណរគុណដល់មន្ត្រី និងបុគ្គលិកអប់រំបានចូលរួមចំណែកជាមួយ គណៈបញ្ជាការឯកភាពខេត្ត ក្នុងការប្រយុទ្ធប្រឆាំងទប់ស្កាត់ជំងឺកូវីដ-១៩ ការចុះចែកស្បៀងអាហារជូនប្រជាពលរដ្ឋក្នុងតំបន់បិទខ្ទប់ និងជួយសម្របសម្រួលក្នុងយុទ្ធនាការចាក់វ៉ាក់សាំងជូនប្រជាពលរដ្ឋដែលធ្វើឱ្យកម្ពុជាបើកប្រទេសឡើងវិញ។ លោកអភិបាលខេត្តបានបន្ថែមថា ទន្ទឹមនោះយើងត្រូវបន្តជំរុញការចាក់វ៉ាក់សាំងដូសជំរុញ (ទី៥) ដើម្បីពង្រឹងខឿនសុខមាលភាពសាធារណៈរបស់យើងទាំងអស់គ្នា។
ក្នុងឱកាសនោះលោក អភិបាលខេត្ត ក៏បានផ្តល់រង្វាន់ជូនសាលាដែលទទួលបានជ័យលាភីលេខ១ ថវិកា១០លានរៀល
លេខ២ ទទួលបាន៧លានរៀល និងលេខ៣ ទទួលបាន៥លានរៀលផងដែរ៕
អត្ថបទ៖ សំអឿន
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៧ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៧ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៦ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៧ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ២៤ ម៉ោង ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)