ដឹងអត់ ថានៅក្នុងឆ្នាំ២០២២នេះ កម្លាំងយោធារបស់កម្ពុជាជាប់ចំណាត់ថ្នាក់លេខប៉ុន្មានលើពិភពលោក?

គេហទំព័រផ្នែកសព្វាវុធដ៏ល្បីឈ្មោះGlobal fire power បានចាត់ចំណាត់ថ្នាក់កម្លាំងយោធារបស់កម្ពុជាជាប់ចំណាត់ថ្នាក់លេខ ១០១ ក្នុងចំណោមប្រទេស១៤២លើពិភពលោក។ ចំណាត់ថ្នាក់នេះ គឺកម្ពុជាមានកម្លាំងយោធាខ្លាំងជាងប្រទេសឡាវ ប្រទេសអ៊ីស្លង់ ប្រទេសសូម៉ាលី នេប៉ាល់ អាហ្វហ្គានីស្ថាន ម៉ុងហ្គាលី អ៊ុយរ៉ាហ្គាយ និងប្រទេសចំនួន៣៤ទៀតនៅទូទាំងពិភពលោក។

ចំណែក ប្រទេសដែលមានកម្លាំងយោធាខ្លាំងបំផុតនៅលើពិភពលោកនៅក្នុងឆ្នាំ២០២២នេះវិញ គឺសហរដ្ឋមេរិក សហព័ន្ធរុស្ស៊ី មហាយក្សចិន ប្រទេសឥណ្ឌា ជប៉ុន កូរ៉េខាងត្បូង បារាំង និងអង់គ្លេសជាដើម។ ដោយឡែក ចំពោះប្រទេសដែលមានកម្លាំងយោធាអន់ជាងគេបំផុតវិញ គឺប្រទេសសូម៉ាលី កូសូវ៉ូ ប៊ូតាន និងប្រទេសអ៊ីស្លង់។

សូមបញ្ជាក់ជូនថា នេះ គឺគ្រាន់តែជាការវាយតម្លៃ និងការចាត់ចំណាត់ថ្នាក់ដោយគេហទំព័រផ្នែកសពា្វវុធ Global fire power ប៉ុណ្ណោះ ដោយមិនទាន់មានតួលេខច្បាស់លាស់ពីប្រទេសនីមួយៗ និងមិនមានរដ្ឋាភិបាលនៃប្រទេសណាមួយចេញមកបញ្ជាក់ពីត្រឹមត្រូវកម្រិតណានៃការវាយតម្លៃនេះនោះទេ៕

ដោយ ៖ វណ្ណ សុគន្ធា