ព័ត៌មានជាតិ
កសិករខេត្តត្បូងឃ្មុំត្អូញត្អែរតម្លៃស្រូវចុះថោកសំណូមពរដល់អាជ្ញាធរជួយរកទីផ្សារ
កសិករប្រមាណ ១០ភូមិ ក្នុងឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ និយមដាំស្រូវពីរមុខ គឺប្រភេទពូជស្រូវ៥១ និងពូជ៥៤ ព្រោះវាឲ្យផលល្អ បាយទន់ឆ្ងាញ់ ប្រជាពលរដ្ឋនិយមទទួលទានជាអាហារនាពេលបច្ចុប្បន្ននេះ។
ការប្រមូលផលស្រូវនៅលើផ្ទៃដីជាង២០០ហិកតា ក្នុង១ឆ្នាំពីរដង ប្រកបដោយភាពរីករាយ ទោះបីតម្លៃស្រូវចុះថោកបន្តិចក៏ដោយនោះ ឆ្នាំនេះស្រូវឲ្យផលល្អដូចឆ្នាំទៅដែរ តែតម្លៃជី ប្រេង និងថ្លៃច្រូត ឡើងជាងឆ្នាំទៅខ្លាំងណាស់ ហើយកសិករយើងស្នើដល់ក្រសួងពាក់ព័ន្ធមេត្តាជួយដោះស្រាយបញ្ហានេះផង។
លោក ភិន ឈុន មេឃុំទន្លេបិទ បានបញ្ជាក់ឲ្យដឹងថា បងប្អូនកសិករនៅក្នុងឃុំទន្លេបិទ មានចំនួន១០ភូមិរួមមានៈ ភូមិទួលគរ ភូមិទួលខ្សាច់ ភូមិព្រែកជីក ភូមិដូនម៉ៅក្រោម ភូមិដូនម៉ៅលើ ភូមិទន្លេបិទ ភូមិយាយស ភូមិអន្លង់ពោង ភូមិជ្រោយស្រឡៅ និងភូមិអំពិលជ្រុំ។
នៅលើផ្ទៃដីទំហំជាង២០០ហិកតា ដោយកសិករយើងដាំ១ឆ្នាំ២ដង ព្រោះឃុំទន្លេបិទយើង បានកសាងទំនប់បង្ហៀរទឹកទប់ទឹកសម្រាប់ស្រោចស្រពទឹកដល់កសិករយើងក្នុងដាំដុះស្រូវប្រាំងនេះ។
លោកស្រី ហម មួយ រស់នៅភូមិព្រែកជីក ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ បានរៀបរាប់ឲ្យដឹងថា គាត់បានដាំស្រូវជាង១០ឆ្នាំមកហើយ ពីដើមកសិករដាំស្រូវមានស្រូវធ្ងន់រយៈពេល៦ខែទើបប្រមូលផល ហើយស្រូវស្រាលតែ៣ខែរទេ បច្ចុប្បន្ននេះ កសិករបោះបង់ការដាំស្រូវធ្ងន់ហើយដោយប្រើពេលយូរមិនចំណេញ គេនិយមដាំស្រូវស្រាល ឬស្រូវ៣ខែ ពូជស្រូវ៥១ និងពូជ៥៤ បាយឆ្ងាញ់ទន់ ផលបានច្រើន ក្នុង១ហិកតា ពី៥ទៅ៦តោន មានទីផ្សារស្រួលលក់។
គាត់មានដីស្រែ១០ហិកតាដែរ តែធ្វើបាន៦ហិកតាទេ ក្នុង១ឆ្នាំកសិករធ្វើបាន២ដង បានស្រូវពី៥០ទៅ៦០តោនដែរ។ បងស្រីបានបន្តឲ្យដឹងទៀតថា ឆ្នាំនេះស្រូវឲ្យផលល្អដូចឆ្នាំទៅដែរ តែតម្លៃថោកជាងឆ្នាំទៅ កសិករធ្វើមិនចំណេញទេ ព្រោះជីថ្លៃ១បេតម្លៃ២១ម៉ឺនរៀល ថ្លៃម៉ាស៉ីនច្រូត១ហិកតា៣៥ម៉ឺនរៀលឯណោះ ហើយសាំងក្នុង១កានឡើងដល់១៨ម៉ឺនរៀល ហើយស្រូវចុះថោក ១គីឡូក្រាមបានតែ៩០០រៀលទេ គិតទៅចូលដើមកសិករក្ស័យធន់ ធ្វើលែងកើត។
បងប្អូនកសិករពួកគាត់បានសំណូមពរដល់ក្រសួងកសិកម្ម និងក្រសួងពាណិជ្ជកម្មជួយរកទីផ្សារឲ្យកសិករផង បើជី ប្រេង ថ្លៃស្រូវចុះថោក កសិករមុខតែបោះបង់ការដាំស្រូវហើយ។ ហើយក៏ស្នើដល់រាជរដ្ឋាភិបាលគួរបញ្ចុះតម្លៃប្រេងផង បើថ្លៃយ៉ាងនេះ កសិករផលិតរបរកសិកម្មត្រូវបរាជ័យហើយ៕
អត្ថបទ៖ សាន វិឡែម
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore