ព័ត៌មានជាតិ
ក្រុមហ៊ុនចែកចាយផលិតផលបច្ចេកវិទ្យាដ៏ធំមួយ បាននាំយកដំណោះស្រាយចុងក្រោយបង្អស់របស់ក្រុមហ៊ុន Barracuda មកបង្ហាញជូនអតិថិជនរបស់ខ្លួននៅកម្ពុជា
ក្រោយមានការរីករាលដាលនៃជំងឺកូវីដ១៩ នៅប៉ុន្មានឆ្នាំចុងក្រោយនេះធ្វើឲ្យមានការខកខានក្នុងការធ្វើពិធីជួបជុំជាច្រើន។ ដោយឡែកកាលពីពេលថ្មីៗនេះនៅថ្ងៃទី ០៦ ខែកក្កដា ឆ្នាំ ២០២២ ក្រុមហ៊ុន អេនដ្រូមេដា ឌីស្ទ្រីប្យ៊ូសិន ខបភើរេសិន (Andromeda Distribution Corporation) បានធ្វើសិក្ខាសាលាថ្មីមួយដោយនាំយកនូវដំណោះស្រាយចុងក្រោយបង្អស់របស់ក្រុមហ៊ុន Barracuda Network មកបង្ហាញជូនអតិថិជនរបស់ខ្លួនហើយក៏បានដាក់បង្ហាញនូវផលិតផល Barracuda ជាច្រើនទៀតនៅសណ្ឋាគារ សុខា រាជធានីភ្នំពេញ។
ក្នុងកិច្ចចាប់ផ្តើមបើកកម្មវិធីលោកស្រី ហន ឆយី ដែលជាប្រធានផ្នែកលក់ (Sales Manager) នៃក្រុមហ៊ុន Andromeda ដែលជាតំណាងចែកចាយតែមួយគត់របស់ក្រុមហ៊ុន Barracuda បានមានប្រសាសន៍ថាលោកស្រីពិតជាមានសេចក្តីសោមនស្សរីករាយយ៉ាងខ្លាំង ដែលក្រុមហ៊ុនរបស់ខ្លួនបានទទួលទំនុកចិត្តពីក្រុមហ៊ុន Barracuda ដែលជាក្រុមហ៊ុនលំដាប់កំពូលនិងឈានមុខគេផ្នែក Security ដូចជាការការពារទៅលើ Email, Web Application, Loan Balance និង Data Backup តាមរយៈ Cloud ជាដើមដែរសុទ្ធសឹងតែជាផលិតផងដែរមានគុណភាពនិងទទួលស្គាល់ពីគ្រប់មជ្ឈដ្ឋានអ្នកប្រើប្រាស់។

លើសពីនោះទៅទៀតលោក ទាវ យិនធូ ប្រធានផ្នែកបច្ចេកទេស (Pre-Sales Manager) នៃក្រុមហ៊ុន Andromeda ក៏បានលើកឡើងថា Andromeda គឺជាក្រុមហ៊ុនដែលមានគោលការណ៍ និងយុតិ្តសាស្ត្រយ៉ាងរឹងមាំនិងច្បាស់លាស់ដោយផ្តោតទៅលើសុក្រឹត្យភាព ក៏ដូចជាផ្តល់នូវទំនុកចិត្តជូនដល់គ្រប់ដៃគូចែកចាយទាំងអស់ ដែលជាកត្តាធ្វើអោយក្រុមហ៊ុនលោកទទួលបាននូវភាពជោគជ័យមកដល់សព្វថ្ងៃ។ ជាចុងក្រោយលោកក៏បានថ្លែងអំណរគុណយ៉ាងជ្រាលជ្រៅជូនចំពោះអតិថិជនទាំងអស់ដែលតែងតែគាំទ្រផលិតផលរបស់ក្រុមហ៊ុន Andromeda កន្លងមក។

ឆ្លៀតក្នុងឱកាសនេះដែរលោក Philippe Cazaubon (ហ្វីលីប កាសៅបុន) ដែលជា Regional Sales Director, Southeast Asia និងជាអ្នកតំណាងឲ្យក្រុមហ៊ុន Barracuda Networks ក៏បានថ្លែងអំណរគុណចំពោះអតិថិជនដែលជាដៃគូលក់បន្ត និង អតិថិជនអ្នកប្រើប្រាស់ទាំងអស់ដែលបានអញ្ជើញចូលរួមយ៉ាងច្រើនកុះករនៅក្នុងថ្ងៃនេះ។ លោកបានធ្វើបទបង្ហាញអំពីកម្មវិធីដៃគូ និងផលិតផលរបស់ខ្លួនដូចជា Cybersecurity Technology ដែលជាដំណោះស្រាយល្អៗជូនដល់អតិថិជនដែលបានចូលរួមក្នុងកម្មវិធីផងដែរ។ បន្ថែមពីនោះទៅទៀតលោក Victor Ong (វិចទ័រ អឹង) ដែលជា Senior Sales Engineer Southeast Asia នៃក្រុមហ៊ុន Barracuda Networks ក៏បានធ្វើការបង្ហាញជូនលំអិតអំពីសមត្ថភាព និងអត្ថប្រយោជន៍នៃដំណោះស្រាយបច្ចេកវិទ្យារបស់ Barracuda solutions ដើម្បីឲ្យអតិថិជនទាំងអស់កាន់តែជ្រាបច្បាស់។

នៅចុងបញ្ចប់នៃកម្មវិធីក្រុមហ៊ុន Andromeda ក៏បានផ្តល់រង្វាន់វត្ថុអនុស្សាវរីយ៍ផ្សេងៗយ៉ាងច្រើនសន្ធឹកសន្ធាប់ តាមរយៈការចាប់ឆ្នោតផ្សងសំណាងជូនដល់អតិថិជន ដែលបានចូលរួមនៅក្នុងកម្មវិធីនិងពិសាអាហារជាមួយគ្នាផងដែរ។

គួររំលឹកថាក្រុមហ៊ុន Andromeda គឺជាក្រុមហ៊ុនចែកចាយផលិតផលបច្ចេកវិទ្យាឈានមុខគេនៅកម្ពុជាដែលផលិតផលទាំងនោះរួមមាន Barracuda WatchGuard Peplink Extreme Network Panduit EATON QNAP Poly Softing ACTAtek Toshiba Bizerba Nikomax AKSA ហើយនិង Honeywell ជាដើម ដែលសុទ្ធសឹងតែជាផលិតផលកំពុងទទួលបានការទទួលស្គាល់និងគាំទ្រពីគ្រប់មជ្ឈដ្ឋាននៃអ្នកប្រើប្រាស់៕



-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ