ព័ត៌មានជាតិ

ក្រសួងប្រៃសណីយ៍ ប្រើប្រាស់បច្ចេកវិទ្យាឌីជីថល បង្កើនប្រសិទ្ធភាពការងារ

បានផុស

២ years មុន

នៅ

ថ្ងៃព្រហស្បតិ៍ ៤ សីហា ២០២២

ដោយ

លោក ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍នៅក្នុងសន្និសីទពីវឌ្ឍនភាពរយៈពេល ៥ ឆ្នាំ បានលើកឡើងពីការប្រើប្រាស់ប្រព័ន្ធបច្ចេកវិទ្យាឌីជីថល ដើម្បីជំរុញប្រសិទ្ធភាពការងារ។

លោករដ្ឋមន្រ្តីបានបន្តថា ក្រសួងបានដាក់ឲ្យប្រើប្រាស់ប្រព័ន្ធបច្ចេកវិទ្យាមានដូចជា ប្រព័ន្ធគ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋ កែលម្អប្រព័ន្ធគ្រប់គ្រងបុគ្គលិក ប្រព័ន្ធគ្រប់គ្រងព័ត៌មានផ្ទៃក្នុងក្រសួង ប្រព័ន្ធចុះបញ្ជីសេវាសាធារណៈឌីជីថល សម្រាប់វិស័យប្រៃសណីយ៍ ទូរគមនាគមន៍ និងបច្ចេកវិទ្យាគមនាគមន៍ និងព័ត៌មាន ប្រព័ន្ធគ្រប់គ្រងឯកសារនិងការសម្រេចផ្ទៃក្នុងតាមប្រព័ន្ធអេឡិចត្រូនិកកែលម្អប្រព័ន្ធគ្រប់គ្រងអ៊ីម៉ែល កែលម្អថ្នាលគ្រប់គ្រងមាតិកា គេហទំព័រសម្រាប់ស្ថាប័នរដ្ឋ និង ប្រព័ន្ធគ្រប់គ្រងព័ត៌មានជំនាញនិងវគ្គបណ្តុះបណ្តាលរបស់មន្ត្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោករដ្ឋមន្រ្តីបានលើកឡើងថា ការធ្វើកំណែទម្រង់នេះ ដើម្បីផ្លាស់ប្ដូររបៀបការងារថ្មី បង្កើនការទទួលខុសត្រូវ និងតម្លាភាពតាមរយៈការអនុវត្តប្រព័ន្ធបច្ចេកវិទ្យាឌីជីថល។

ជាមួយគ្នានេះ ក្រសួងក៏បានរៀបចំប្រព័ន្ធមួយចំនួនទៀត តែមិនទាន់ដាក់ឲ្យប្រើប្រាស់មានដូចជាប្រព័ន្ធចុះឈ្មោះដែនជាតិ.kh និងប្រព័ន្ធគ្រប់គ្រងព័ត៌មានអ្នកប្រើប្រាស់ទូរសព្ទដៃ។

បន្ថែមពីនោះ ក្រសួងក៏បានរៀបចំប្រព័ន្ធបច្ចេកវិទ្យាមួយចំនួនទៀត ធ្វើយ៉ាងណាដើម្បីប្រែក្លាយកម្ពុជាសម្រេចគោលដៅជារដ្ឋាភិបាលឌីជីថលត្រឹមឆ្នាំ ២០៣៥៕