ព័ត៌មានជាតិ
គម្រោងដេញថ្លៃសាងសង់ផ្លូវបេតុងអាមេ១ខ្សែនៅឃុំក្រូចឆ្មារ រដ្ឋត្រូវចំណេញលុយច្រើន
ត្បូងឃ្មុំ ៖ គម្រោងដេញថ្លៃសាងសង់ផ្លូវបេតុងមេចំនួន១ខ្សែនៅឃុំក្រូចឆ្មារ ដែលមាន មានប្រវែង២៥០ម៉ែត្រ ទទឹង៤ម៉ែត្រស្ថិតនៅក្នុងឃុំក្រូចឆ្មារ ស្រុកក្រូចឆ្មារ ខេត្តត្បូងឃ្មុំ ។
គណៈកម្មាការលទ្ធកម្មឃុំក្រូចឆ្មារសម្រេចឲ្យ ក្រុមហ៊ុនដេញថ្លៃទម្លាក់ទាបជាងគេហើយទទួលយកបានគឺ ជាង៨០លានរៀល បានទៅក្រុមហ៊ុន ហង្ស គួយហេង ដែលក្នុងតម្លៃប៉ាន់ស្មាន ជិត១៣៨លានរៀលឯណោះ ខណៈការប្រកួតប្រជែងមាន៥ក្រុមហ៊ុន។
ក្នុងនោះដែរ គេឃើញមានព្រឹត្តិការណ៍ខាងក្រោយឆាកវិញ មានសកម្មភាពជជែក ចែកតែស្ករ សុំទឹកតែ សុំសាំងឡាន យ៉ាងអានាធិបតេយ្យ ដែលជាទង្វើគ្មានសីលធម៌ ធ្វើឲ្យបាត់បង់ថវិការដ្ឋ និងអាចប៉ះពាល់បាត់បង់គុណភាព ផ្លូវយ៉ាងពិតប្រាកដ។
លោក ស៊ីង គិរីវណ្ណឌី នាយកទីចាត់ការផែនការ និងវិនិយោគខេត្តក៏បានជំរុញ ឲ្យក្រុមហ៊ុនដែលបានមកដេញថ្លៃគម្រោងសាងសង់ផ្លូវបេតុងជិត២០ក្រុមហ៊ុន ត្រូវគិតឲ្យបានគ្រប់ជ្រុងជ្រោយ ត្រូវពិនិត្យឯកសារឲ្យបានច្បាស់លាស់ ដេញមាន ការប្រកួតប្រជែង មានតម្លាភាព ព្រោះសុទ្ធតែក្រុមហ៊ុនមានអាជីពយូរហើយ និងពោរពេញដោយបទពិសោធន៍។ ដោយធ្វើយ៉ាងណាបន្ទាប់ពីដេញបានក្រុម ត្រូវសាងសង់ផ្លូវឲ្យមានគុណភាពព្រោះវាជាប្រយោជន៍ដល់សង្គមជាតិយើង មិនត្រូវដេញយកឈ្នះចាញ់ ដាក់តម្លៃទាប ហើយមកលួចបច្ចេកទេសធ្វើខូចគុណភាពផ្លូវទេ លៃយ៉ាងណាអាជីពរបស់យើងប្រសើរ និងប្រកបដោយគុណភាព។
លោក ឆេង ថារិទ្ធ មេឃុំក្រូចឆ្មារ បានបញ្ជាក់ឲ្យដឹងថា ការដេញថ្លៃគម្រោងផ្លូវបេតុងអាមេ១ខ្សែមានប្រវែង២៥០ម៉ែត្រ ទទឹង៤ម៉ែត្រ ត្រូវបានទៅក្រុមហ៊ុន ហង្ស គួយហេង ដែលដេញក្នុងតម្លៃជាង៨០លានរៀលនោះ ជាការត្រឹមត្រូវ អាចទទួលយកបាន ដោយការដេញមានក្រុមហ៊ុនប្រកួតប្រជែងមាន៥ក្រុមហ៊ុន ដូច្នេះគណៈកម្មាការលទ្ធកម្មអាចយកជាផ្លូវការបាន។
ដោយឡែក ខាងមហាជនគេរិះគន់ថា ត្រូវបានទៅ ក្រុមហ៊ុន ទួន សុផល តម្លៃដេញ ៨២លានរៀល។ ហើយស្រាប់តែបានទៅ ក្រុមហ៊ុន ហង្ស គួយហេង ដេញជាង៤៥លានរៀល ហើយ ថាខុសបច្ចេកទេស ដោយគណៈកម្មាការចូលក្នុងបន្ទប់មួយដង្ហើមចង្រិតចេញមកវិញ ក្រុមហ៊ុន ហង្ស គួយហេង ដេញតម្លៃជាង៨០លានរៀល ដោយយោងថា ក្រុមហ៊ុន ហង្ស គួយហេង គណនា គុណតម្លៃឯកតោខុសទៅវិញ។ តែមហាជនថា ទៅយ៉ាងណាក៏រដ្ឋចំណេញថវិកាច្រើនដែរ ហើយសំណូមពរដល់គណៈកម្មាការលទ្ធកម្មឃុំក្រូចឆ្មារ បើក្រុមហ៊ុន ហង្ស គួយហេង ខ្វះសមត្ថភាព គួរបង្រៀនផង កុំឲ្យគេថា “ត្រីមួយកន្ត្រកស្អុយមួយគឺស្អុយទាំងអស់ហើយទាន!”៕
ដោយ ៖ សាន វិឡែម
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល