Connect with us

ព័ត៌មានជាតិ

តោះ!​ មក​ជួប​អ្នក​ចូល​ហាង​កាហ្វេ​ប្រេនៗ ​តម្លៃ ២ ទៅ ៣ ដុល្លារ​

បានផុស

នៅ

ក្រៅពី​កន្លែង​ទទួល​ទាន​កាហ្វេ ហាងកាហ្វេប្រេនៗ​​បានក្លាយជាកន្លែង​ជួបជុំ​ដ៏​ពេញនិយម​​សម្រាប់​មនុស្ស​សម័យ​ថ្មី។ មានមនុស្សមួយចំនួនគិតថា ហាង​កាហ្វេយីហោ​ធំៗ​មានតម្លៃថ្លៃ ប៉ុន្តែសម្រាប់សិស្សនិស្សិត បុគ្គលិក​ការិយាល័យ​​គិតថា វាជាកន្លែងដែលល្អលើស​ពីហាង​កាហ្វេ​តាម​ផ្លូវ​មួយ​ចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

និស្សិតស្រីឈ្មោះ ឡន សុថាន្នី និយាយថា កាលដែលកញ្ញា​ទចូលចិត្តទៅ​ហាង​កាហ្វេ​ប្រេនៗ​ញឹកញាប់ ព្រោះកន្លែងធំទូលាយ បានញាំអីផង បានទាំងធ្វើកិច្ចការសាលាផង ហើយមានទាំងម៉ាស៊ីនត្រជាក់។ លើសពីនេះទៅទៀត ហាង​កាហ្វេ​ខ្លះមាន២ ទៅ៣ ជាន់ដែលអាចមានភាពងាយស្រួលមិនបង្កឲ្យមានភាពរញ៉ែរញ៉ៃ។

ចំពោះតម្លៃអាចទទួលយកបាន មិនថ្លៃពេក ក៏មិនថោកពេកដែរ តម្លៃមួយកែវ ២ ដុល្លារ នោះគឺសមរម្យហើយ។ សុថាន្នី លើកឡើងថា «យើងអាចញាំកាហ្វេនៅកន្លែងធម្មតាក៏បាន រសជាតិមិនមានភាពខុសគ្នានោះទេ គ្រាន់ថានៅទីនោះមានកន្លែងអង្គុយស្រួល មានម៉ាស៊ីនត្រជាក់ ស្ងប់ស្ងាត់ និងប្រេនតែប៉ុណ្ណោះ»។

បើ​តាម​ការ​កត់សម្គាល់​របស់​យុវតី​រូបនេះ នៅកន្លែងកាហ្វេ​ទាំងនោះ​មានទាំងអ្នករៀន អ្នក​ទៅលេងហ្គ្រេម អ្នក​ពិភាក្សាការងារ មានគ្រប់ទម្រង់។ ប៉ុន្តែបើនិយាយឲ្យចំសម្រាប់សិស្សងាយស្រួលការប្រើប្រាស់អ៊ិនធឺណេត កន្លែងធំទូលាយ។

និស្សិតឈ្មោះ ម៉ឹង ចាន់លាង បានឲ្យដឹងដែរថា កញ្ញាចូលហាង​កាហ្វេ​អាចមួយសប្តាហ៍ ៤ដង ទៅ ៦ដង ដោយហេតុថាទីនោះស្ងប់ស្ងាត់ល្អ ត្រជាក់ មិនរញ៉ែរញ៉ៃ គឺល្អដាច់ដោយឡែករៀងៗខ្លួន មិនរំខាន មិនមានការតម្លង់ពីខាងក្រៅជាពិសេស​​ពេលត្រូវធ្វើកិច្ចការសាលាម្តងៗ។ ជាមួយគ្នានេះដែរ ភាគច្រើនអ្នកចូលចិត្ត​ហាងកាហ្វេ​ប្រេនៗ​អាចជាអ្នកធ្វើការច្រើនជាងនិស្សិត ព្រោះគេចាត់ទុកជាកន្លែងងាយស្រួលក្នុងការនិយាយគ្នា ប៉ុន្តែក៏មានមួយមនុស្សមួយចំនួនតូចគ្រាន់តែចូលទៅញាំអីធម្មតា។ អ្នកខ្លះនិយាយថាទីនោះមានតម្លៃថ្លៃលក់លើសពីតម្លៃនៃកន្លែងផ្សេង កញ្ញា ចាន់លាង បានបញ្ជាក់ថា «ប្រសិនបើយើងមើលទៅលើស្ថានភាពជាក់ស្តែង ការឌីគ័រហាង របស់របបផ្សេងៗ ម៉ាស៊ីនត្រជាក់ wifi គឺអស់ច្រើន ដូច្នេះគេលក់ក្នុងតម្លៃ ១ ដុល្លារ ទៅ ៣ដុល្លារ តាមប្រភេទនោះមិនខុសនោះទេ»។

និស្សិតប្រុសឈ្មោះ ចាប​ បូណា បានរៀបរាប់ថា ហាងកាហ្វេប្រេនមានច្រើនណាស់នៅក្នុងរាជធានីភ្នំពេញ ហើយដែលនាំឲ្យសិស្សនិស្សិតនិយមចូលទីនោះ ព្រោះនៅក្នុងហាងកាហ្វេប្រេន ជាកន្លែងមានផាសុខភាព មានអនាម័យ ទីកន្លែងស្អាត និងត្រជាក់ជួយឲ្យមានអារម្មណ៍ស្រស់ស្រាយ មានwifi  អាចធ្វើកិច្ចការសាលា ការងារផ្សេងៗ បរិយាកាសស្ងប់ស្ងាត់ ធ្វើកិច្ចការបានល្អ និងអាចជាកន្លែងក្នុងការណាត់ជួបមិត្តភក្តិជជែកគ្នាលេងផងដែរ។

បូណា បានបន្តថា «សម្រាប់សិស្សមួយចំនួនដែលគ្រាន់ចូលទៅញាំអីធម្មតាអាចថាទីនេះមានតម្លៃថ្លៃបន្តិច តែសម្រាប់អ្នកចូលទៅពិភាក្សាការងារវាសមរម្យ និងអាចបានផលប្រយ៉ោជន៍ពីកន្លែងនេះច្រើន មានកន្លែងធំទូលាយ ហើយញាំកាហ្វេ​អស់ត្រឹម ២ដុល្លារ ទៅ៣ដុល្លារ តែអ្វីទទួលបាន កន្លែងល្អ បរិយាកាសស្តាត់ មិនខាតការប្រើអ៉ិនធឺណេតផ្ទាល់ខ្លួន »។

បូណា បានគូសបញ្ជាក់​ថា ហាងកាហ្វេប្រេនអាចជាកន្លែងល្អ តែវាក៏អាចមានផលប៉ះពាល់ ដោយសារសិស្សសាលាមួយចំនួន ឬនិស្សិតខ្លះបានយកកន្លែងនោះទៅជាកន្លែងណាត់ជួបគ្នាសម្រាប់លេងហ្គេមទៅវិញ៕

អត្ថបទ៖ ឌឿនចាន់ ថារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៧ នាទី មុន

ការថតវីដេអូ Pre-Wedding នៅតាមប្រាង្គប្រាសាទ​កើន​ជិត ៤ ពាន់វីដេអូ

ព័ត៌មានជាតិ៣៤ នាទី មុន

មន្រ្តីក្រសួង​សាធារណការ​ចុះ​ប្រមូលព័ត៌មាន​​​​ទីតាំង​​​​សាងសង់​ផ្លូវល្បឿនលឿនភ្នំពេញ-សៀមរាប

ព័ត៌មានជាតិ១ ម៉ោង មុន

នាយទាហានកម្ពុជា៨រូប បានការពារសារណាបញ្ចប់ការសិក្សាដោយជោគជ័យ នៅប្រទេសចិន

ព័ត៌មានជាតិ២ ម៉ោង មុន

ជប៉ុន ប្រគល់គ្រឿងឥស្សរិយយសជូនលោក ពិត ចំណាន ដែលបានលើកកម្ពស់ទំនាក់ទំនងកម្ពុជា-ជប៉ុន លើវិស័យអប់រំ

ព័ត៌មានជាតិ៣ ម៉ោង មុន

រដ្ឋមន្ត្រីការងារ ជំរុញសមាគមពាណិជ្ជកម្មកម្ពុជា-ជប៉ុន ចូលរួមប្រកួតកម្មវិធីសហគ្រាសមួយជា សហគមន៍សុខសាន្តមួយ

ជីវិតកម្សាន្ដ៥ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៧ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៥ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ចរាចរណ៍២ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានជាតិ៤ ថ្ងៃ មុន

មន្រ្តី​ក្រសួង​បកស្រាយវីដេអូរថភ្លើង​បើក​​​លើ​​ផ្លូវជាតិ ពលរដ្ឋ​សង្ស័យបើក​ខុស​បច្ចេកទេស

Sokha Hotels

ព័ត៌មានពេញនិយម