ព័ត៌មានជាតិ

ស្បែកជើងបាត់តា កាន់តែពេញនិយមក្នុងចំណោមសិស្សសាលា

បានផុស

៣ years មុន

នៅ

ថ្ងៃសុក្រ ២៧ មករា ២០២៣

ដោយ

បច្ចុប្បន្នយើងឃើញថា សិស្សសាលាជាច្រើនចូលចិត្តពាក់ស្បែកជើងបាត់តាទាំំងការទៅសាលារៀន និងការចេញក្រៅ ដើរកម្សាន្ត។ ដូច្នេះមកស្តាប់ពីអារម្មណ៍ផ្ទាល់របស់សិស្សនិសិ្សត តើពួកគេយល់យ៉ាងណាដែរ?។

និស្សិតស្រី សូ រីយា បានឱ្យដឹងថា នាងតែងចូលចិត្តពាក់ស្បែកបាត់តា ទាំងពេលទៅសាលា និងពេលចេញក្រៅ ព្រោះថានេះមកពីចំណូលចិត្តផង និងមើលទៅស្អាតប្លែកម្យ៉ាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្រីណេត ជានិស្សិតម្នាក់ទៀតដែលចូលចិត្តពាក់ស្បែកជើងបាត់តាដែរនោះក៏បានលើកឡើងថា ស្បែកជើងបាត់តាពាក់ងាយស្រួល អាចបង្ហាញពីភាពលេចធ្លោលក្ខណៈសាមញ្ញ។ យុវតីរូបនេះបន្តថា ស្បែកជើងនេះមានម៉ូដផ្សេងៗគ្នាអាស្រ័យលើចំណង់ចំណូលចិត្តមនុស្សម្នាក់ៗ អាចជ្រើសរើស Style តាមការនិយមចូលចិត្ត។

ស្រីណេត បានបន្តថា «ខ្ញុំគិតថាការរើសយកស្បែកជើងបាត់តា មិនថាទៅសាលារៀន ឬទៅកន្លែងផ្សេងៗ ជាជម្រើសល្អបំផុត ព្រោះវាសាមញ្ញ លឿន ស្រស់ស្អាត អាចពាក់បានទាំងបុរស និងនារី ពិសេសមនុស្សប្រុសមើលទៅសមស្របបំផុតសម្រាប់ខោអាវរបស់ពូកគេ»។

ស្នា ដែលជានិស្សិតម្នាក់ទៀតចូលចិត្តពាក់បាត់តា ក៏បានឱ្យដឹងទៀតថា ការពាក់បាត់តាជាចំណង់ចំណូលផង គូបផ្សំភាពស្រស់ស្អាតផង ព្រោះស្បែកជើងបាត់តា សម្រាប់មនុស្សប្រុសទោះតែងខ្លួនបែបណាក៏អាចពាក់បាត់តាបាន។

សូម្បីតែពេលទៅសាលា ដើរលេង ហាត់ប្រាណ ចូលរួមកម្មវិធីពិព័រណ៍នានា ឬទៅកន្លែងផ្សេងៗមានភាពទាក់ទាញមួយកម្រិតផងដែរ អាចនិយាយបានថា ស្បែកជើងបាត់តាបានក្លាយជាភាពពេញនិយមសម្រាប់មនុស្សទូទៅ៕

ដោយ៖ ថារី

Related Topics:ទស្សនៈ