Connect with us

ព័ត៌មានជាតិ

ខេត្តបន្ទាយមានជ័យ ថ្ងៃនេះ​មានការ​បន្ធូរបន្ថយទោស ពី​៣​ខែ ដល់​៦​ខែ និង​៩​ខែ ដល់​ទណ្ឌិត​ចំនួន ២៧​នាក់​ក្នុងនោះ​មាន​ស្រី​ម្នាក់

បានផុស

នៅ

បន្ទាយមានជ័យ ៖ ក្នុង​កិច្ចប្រជុំ​មួយ​ក្នុង​សាលប្រជុំ​សាលាខេត្ត មន្ត្រី​ពន្ធនាគារ បាន​លើក​ក្នុង​កិច្ចប្រជុំ​នោះ​ថា នៅ​ថ្ងៃទី​១៩ ខែសីហា ឆ្នាំ ២០២២​នេះ ក្នុង​ពន្ធនាគារ​ខេត្ត​បន្ទាយ​មានជ័យ ព្រះមហាក្សត្រ​បានធ្វើការ​បន្ធូរ​បន្ថយទោស ពី​៣​ខែ ដល់​៦​ខែ និង​៩​ខែ ដល់​ទណ្ឌិត​ចំនួន ២៧​នាក់​ក្នុងនោះ​មាន​ស្រី​១​នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុង​ឱកាស​ពិធី​បុណ្យជាតិ​ធំៗ​ក្នុង​ឆ្នាំ ២០២២ នេះ​។ ក្នុង​កិច្ចប្រជុំ​ដោយមាន​ការចូលរួម លោក គឹ​ង​វណ្ណ អភិបាលរង​ខេត្តបន្ទាយមានជ័យ​លោក​លឹម​ប៊ុន​សុភ័ក្ត្រ ព្រះរាជអាជ្ញារង​ខេត្តបន្ទាយមានជ័យ និង​មន្ត្រី ពន្ធនាគារ​ជាច្រើន​នាក់​។​

មន្ត្រី​ពន្ធនាគារ​បាន​បញ្ជាក់​ឲ្យ​ដឹង​បន្ត​ទៀត​ថា មានការ​រប​ន្ធូរ​បន្ថយ ទោស ពី​៣/​ខែ មាន​ចំនួន ១៧​នាក់ ដល់​៦/​ខែ​មាន​ចំនួន​៦​នាក់ និង​៩/​ខែ​មាន​ចំនួន​៤​នាក់ ដល់​ទណ្ឌិត​ចំនួន ២៧​នាក់ ក្នុងនោះ​មាន​ស្រី​១​នាក់​។

មន្ត្រី​ពន្ធនាគារ​បានបញ្ជាក់​ឲ្យ​ដឹង​បន្តទៀត​ថា ពន្ធនាគារ​ខេត្តបន្ទាយមានជ័យ ស្ថិតក្នុង​ភូមិ​ទំនប់​ជ្រៃ សង្កាត់​ទឹកថ្លា ក្រុង​សិរីសោភ័ណ ខេត្តបន្ទាយមានជ័យ ហើយ​ការលើកលែងទោស​ដល់ ទណ្ឌិត​ចំនួន​២៧​នាក់​នេះ​ក្នុង​ពិធី​បុណ្យជាតិ​ធំៗ បន្ធូ​បន្ថយទោស​ដល់​ទណ្ឌិត​នេះ​ដោយ​ព្រះមហាក្សត្រ​។

មន្ត្រី​ពន្ធនាគារ​បានបញ្ជាក់​ឲ្យ​ដឹង​បន្តទៀតថា​ ពន្ធនាគារ​ខេត្តបន្ទាយមានជ័យ​បាន​អនុវត្ត​នៅ​តួនាទី​ភារកិច្ច​របស់ខ្លួន​ដូចជា​ការអប់រំ​កែប្រែ​ស្ដា​និតិ​សម្បទា ការបណ្ដុះបណ្ដាល​វិជ្ជាជីវៈ ការរក្សាសន្តិសុខ​សណ្ដាប់ធ្នាប់​នៅក្នុង​ពន្ធនាគារ ការងារ​កសិកម្ម​សិប្ប​កម្ម ការអភិវឌ្ឍន៍​ធនធានមនុស្ស និង​ការអភិវឌ្ឍន៍​ហេដ្ឋារចនាសម្ព័ន្ធ​នានា ប្រកបដោយ​ភាព​ទទួលខុសត្រូវ​ខ្ពស់។

ក្រៅពីនេះ​អង្គភាព​មាន​ប៉ុស្តិ៍​សុខភាព​មួយ​ខ្នង​ដែល​គ្រប់គ្រង​ដោយ​អង្គភាព​ផ្ទាល់​នឹងមាន​ផ្នែក​សុខាភិបាល​ជា​អ្នកទទួលខុសត្រូវ​ផងដែរ​។

មន្ត្រី​ពន្ធនាគារ​បានបញ្ជាក់​ឲ្យ​ដឹង​ទៀតថា អង្គភាព​បាន​យកចិត្តទុកដាក់​លើ​គោលនយោបាយ​កំណែទម្រង់​ពន្ធនាគារ​គឺ​ការអប់រំ​កែប្រែ​និង​ស្ដា​នីតិសម្បទា​ដល់​ជន​ជាប់ឃុំ​ដែលមាន​អប់រំ​ផ្លូវចិត្ត​រៀនអក្សរ​ខ្មែរ គ្រប់​ចំណេះដឹង ចំណុច​នេះ​អង្គភាព​បាន​យកចិត្តទុកដាក់​ធ្វើការ​បែងចែក​ចំណាត់ថ្នាក់​សន្តិសុខ​ដែលជា​មូលដ្ឋាន​សម្រាប់​ស្មើ​សុំ​បន្ធូរបន្ថយ​និង​លើក​លេង​ទោស​ដល់​ទណ្ឌិត​ស្របតាម​នីតិវិធី​ច្បាប់​។

មន្ត្រី​ពន្ធនាគារ​បានបញ្ជាក់​ឲ្យ​ដឹង​ទៀតថា​ជន​ជាប់ឃុំ​ទាំងអស់​ត្រូវបាន​ប្រធាន​ពន្ធនាគារ​យកចិត្តទុកដាក់​បណ្តុះបណ្តាល​វិជ្ជា​ជី​វះ​ជូន​ដល់​គាត់​មានដូចជា រៀន​កាត់ដេរ រៀន​ជួសជុល​គ្រឿង​អេ​ឡិ​ត​ត្រួ​និ​ច រៀន​ជួសជុល​ម៉ួ​តូ រៀន​ភ្លេងសម័យ រៀន​កាត់សក់ រៀនអក្សរ​ខ្មែរ​ជាដើម​ក្នុងនោះ​ជន​ជាប់ឃុំ​ត្រូវបាន​បន្ធូ​បន្ថយទោស​លើកលែងទោស​ក្នុង​១​ឆ្នាំមាន​ចំនួន​៣​លើក​។

ក្នុងនោះ​លោក​គឹ​ង វ​ណ្ណះ​បាន​មាន​ប្រសាសន៍​ថា​ ការ​បន្ធូរ​បន្ថយ​ដល់​ទណ្ឌិត​ចំនួន​២៧​នាក់ ក្នុង​បន្ធូរ​បន្ថយទោស​រយៈពេល​៣​ខែ បន្ធូរ​បន្ថយទោស​រយៈពេល​៦​ខែ និង​បន្ធូរ​បន្ថយទោស​មាន​រយៈពេល​៩​ខែ​។

លោក​គឹ​ង វ​ណ្ណះ បានធ្វើការ​ផ្តាំផ្ញើ​ដល់​អ្នក​ជាប់ឃុំ​ទាំងអស់​ក្រោយពី​ស្គាល់​រសជាតិ​ជាប់គុក​ហើយ​ចេញ​មកវិញ​ត្រូវ​ចេះ​កែខ្លួន​ឲ្យ​ក្លាយជា​មនុស្ស​ល្អ ពលរដ្ឋ​ល្អ​ទើប​អាច​រស់នៅ​ក្នុងសង្គម​បាន​ស្រួល​ផងដែរ​៕

ដោយ ៖ វ៉ាន់ ណា​ង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម