ព័ត៌មានជាតិ
អ្វីទៅជាវិទ្យាស្ថានជាតិការទូត និងទំនាក់ទំនងអន្តរជាតិ ?
ក្រោយការចូលកាន់តំណែងជារដ្ឋមន្ត្រីក្រសួងការបរទេស និងសហប្រតិបត្តិអន្តរជាតិនៃកម្ពុជា កាលពីអំឡុងឆ្នាំ២០១៦ លោក ប្រាក់ សុខុន បានចាប់ផ្ដើមធ្វើកំណែទម្រង់របស់ក្រសួងការបរទេសជាបន្តបន្ទាប់គួរឲ្យកត់សម្គាល់។ នៅក្នុងនោះ លោក បានធ្វើកំណែទម្រង់លើការរៀបចំរចនាសម្ព័ន្ធ និងការអភិវឌ្ឍធនធានមនុស្សរបស់ក្រសួងការបរទេស ដើម្បីឆ្លើយតបនឹងគោលនយោបាយការបរទេសរបស់រាជរដ្ឋាភិបាលកម្ពុជា និងការប្រែប្រួលឥតឈប់ឈររបស់ពិភពលោក។
តាមរយៈការកំណែទម្រង់នេះ លោកឧបនាយករដ្ឋមន្ត្រី ក៏បានផ្ដួចផ្ដើមឲ្យមានការបង្កើតវិទ្យាស្ថានជាតិការទូត និងទំនាក់ទំនងអន្តរជាតិ ដែលជាគ្រឹះស្ថានបណ្ដុះបណ្ដាលថ្មីមួយរបស់ក្រសួងការបរទេស។ មុនការបង្កើតវិទ្យាស្ថានជាតិការទូត និងទំនាក់ទំនងអន្តរជាតិនេះ គឺមានសាលាភូមិន្ទរដ្ឋបាលតែមួយគត់ដែលជាគ្រឹះស្ថានបានបណ្តុះបណ្តាអ្នកការទូត។
ដោយឡែក គោលបំណងនៃការបង្កើតវិទ្យាស្ថានជាតិការទូត និងទំនាក់ទំនងអន្តរជាតិ គឺដើម្បីជំរុញការបណ្តុះបណ្តាលអាជីពអ្នកការទូតកម្ពុជាប្រកបដោយវិជ្ជាជីវៈ ដើម្បីប្រែក្លាយអ្នកការទូតកម្ពុជា មានសមត្ថភាពគ្រប់គ្រាន់អាចដោះស្រាយរាល់បញ្ហាប្រឈមនានាដែលកំពុងកើតមានឡើងនៅក្នុងការងារការទូត ជាពិសេស គឺដើម្បីលើកកម្ពស់ភាពជាម្ចាស់ការ និងតួនាទីរបស់កម្ពុជានៅក្នុងកិច្ចការតំបន់ ស្របតាមការអនុវត្តការងារការទូតនាសតវត្សទី២១។
ភារកិច្ចរបស់វិទ្យាស្ថានជាតិការទូត និងទំនាក់ទំនងអន្តរជាតិ គឺធ្វើការរៀបចំកម្មវិធីបណ្តុះបណ្តាល និងការស្រាវជ្រាវពាក់ពន្ធ័នឹងកិច្ចការការបរទេស និងសហប្រតិបត្តិការអន្តរជាតិ , ធ្វើការរៀបចំវគ្គបណ្តុះបណ្តាលភាសារបរទេស , ធ្វើការស្រាវជ្រាវផ្សព្វផ្សាយគោលនយោបាយការបរទេស និងសហប្រតិបត្តិការអន្តរជាតិ និងការកសាងភាពជាដៃគូជាមួយស្ថាប័ននៃវិទ្យាស្ថានការទូតជាតិ និងអន្តរជាតិនានា។ ជាមួយគ្នានេះ វិទ្យាស្ថានជាតិការទូត គឺមានចក្ខុវិស័យប្រែក្លាយទៅជាមជ្ឈមណ្ឌលឧត្តមភាពសម្រាប់ផ្នែកបណ្តុះបណ្តាលអ្នកការទូត និងក្រុមស្រាវជ្រាវឈានមុខគេនៅកម្ពុជាក្នុងវិស័យកិច្ចការអន្តរជាតិ ផងដែរ៕
ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ