ព័ត៌មានជាតិ
ការបន្ថែមមន្ត្រីរាជការនៅថ្នាក់រាជធានីខណ្ឌជារឿងធម្មតា បើថ្នាក់ក្រោមជាតិមានការងារកាន់តែច្រើន
អភិបាលរងរាជធានីភ្នំពេញ លោក កើត ឆែ មានប្រសាសន៍ថា ការបន្ថែមមន្ត្រីរាជការនៅរាជធានីភ្នំពេញ និងថ្នាក់ខណ្ឌវាជារឿងធម្មតាបើការប្រតិភូកម្មការងារពីថ្នាក់កណ្តាលមកថ្នាក់ក្រោមជាតិកាន់តែច្រើន យើងក៏ត្រូវបន្ថែមមនុស្សមកបំពេញការងារឱ្យកាន់តែច្រើនដែរ សំដៅធ្វើយ៉ាងណាឱ្យការផ្តល់សេវាជូនប្រជាពលរដ្ឋនេះបានលឿន ទាន់ពេលនិងមានតម្លាភាព។
លោក កើត ឆែ លើកឡើងក្នុងពិធីប្រកាសចូលកាន់តំណែងអភិបាលរងខណ្ឌច្បារអំពៅ លោក កាទើ អះម៉ាតសទើរ នៅព្រឹកថ្ងៃទី០៩ កញ្ញា ២០២២ នៅសាលាខណ្ឌច្បារអំពៅ។
លោក កើត ឆែ ក៏បានសម្តែងនូវការកោតសរសើរផងដែរចំពោះអាជ្ញាធរខណ្ឌមន្ត្រីរាជការទាំងអស់ដែលបានយកអស់កម្លាំងកាយចិត្ត ក្នុងការបំរើសេវាកម្មផ្សេងៗជូនប្រជាពលរដ្ឋបានយ៉ាងល្អនិងមានសម្លាភាព រហូតធ្វើឱ្យប្រជាពលរដ្ឋគោរពស្រលាញ់នាំគ្នាបោះឆ្នោតជូនចៅសង្កាត់មកពីគណបក្សប្រជាជនកម្ពុជាជាប់ឆ្នោតយ៉ាងផ្លូកទឹកផ្លូកដីកាលពីថ្ងៃទី០៥មិថុនាកន្លងមកថ្មីៗនេះ។
លោកកើត ឆែ ក៏បានផ្តាំផ្ញើរទៅលោកអភិបាលរងថ្មី ត្រូវខិតខំបំពេញការងារជូនប្រជាពលរដ្ឋអោយបានល្អ ពិសេសអោយយល់ពីតម្លៃសន្តិភាព ព្រោះអ្វីៗវាកើតចេញពីសន្តិភាពនេះហើយ បើគ្មានសន្តិភាព អ្វីៗក៏មិនអាចទៅមុខដែរ។ បន្ថែមពីនេះត្រូវរក្សាសាមគ្គីភាពផ្ទៃក្នុងអោយបានល្អ។
លោកកើត ឆែ បានបន្ថែមទៀតថា៖ ដោយពិនិត្យឃើញពីកំណើនប្រជាជន កំណើនតម្រូវការរបស់ប្រជាពលរដ្ឋ វិទ្យាសាស្ត្រកាន់តែរីកចំរើនថ្មីៗនេះរាជរដ្ឋាភិបាលកម្ពុជាបានស្នើកែប្រែច្បាប់ដោយបន្ថែម មន្ត្រីរាជការនៅក្នុងជួរ រាជធានី ខេត្ត ស្រុក ខណ្ឌ ដោយក្នុងនោះសម្រាប់រាជធានីភ្នំពេញ ត្រូវបន្ថែមអភិបាលរងចំនួន៤រូប និងបន្ថែមអភិបាលរងខណ្ឌចំនួន២រូបទៀត។
លោក ចេង មុនីរ៉ា មានប្រសាសន៍លើកឡើងពីការងារមួយចំនួនរបស់អាជ្ញាធរខណ្ឌច្បារអំពៅ ពិសេសការងារផ្តល់សេវាជូនប្រជាពលរដ្ឋ អាជ្ញាធរបានអនុវត្តបានយ៉ាងល្អមានតម្លាភាពតាមរយៈច្រកចេញចូលតែមួយ។
អាជ្ញាធរសង្កាត់ បានផ្តល់សំបុត្រមរណៈភាពដល់លំនៅដ្ឋានប្រជាពលរដ្ឋ។ បានកសាងហេដ្ឋារចនាសម្ព័ន្ធយ៉ាងច្រើននៅក្នុងមូលដ្ឋាន បានចាក់វ៉ាក់សាំងការពារជំងឺកូវីដ-១៩ ពីដូសទី១ដល់ដុសទី៥ជូនប្រជាពលរដ្ឋបានល្អ ជាមួយនឹងការដោះស្រាយវិវាទ ក្រៅប្រព័ន្ធតុលាការបានច្រើនករណីផងដែរ៕
អត្ថបទ៖ ស្រីរ័ត្ន
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ