ព័ត៌មានជាតិ
កំណាត់ផ្លូវជាតិលេខ៦ ក្នុងទឹកដីខេត្តកំពង់ធំ កំពុងទទួលការជួយទប់ទឹកហូរច្រោះផ្លូវ
មន្ទីរសាធារណការ និងដឹកជញ្ជូនខេត្តកំពង់ធំ និងអាជ្ញាធរពាក់ព័ន្ធ កំពុងច្រកបេខ្សាច់ទប់ស្កាត់ការហូរច្រោះកំណត់ផ្លូវជាតិលេខ៦ ប្រវែងជាង ២ គីឡូម៉ែត្រ នៅស្រុកស្ទោង ខេត្តកំពង់ធំ។
លោក ជូ កុល្លា មន្ទីរសាធារណការនិងដឹកជញ្ជូនខេត្តកំពង់ធំ នៅថ្ងៃទី២៧ ខែកញ្ញា ឆ្នាំ២០២២នេះ បញ្ជាក់ថា ការច្រកបេខ្សាច់ដើម្បីទប់ដីនេះ ដោយសារបរិមាណធាទឹកភ្លៀងនៅតែបន្តហូរខ្លាំង ដែលអាចធ្វើឱ្យផ្លូវនេះរងនូវសភាពខូចខាត ដែលពិបាកនឹងជួសជុសឡើងវិញ ចំណាយថវិកាជាតិច្រើន និងអាចធ្វើដំណើរនៅពេលទឹកស្រកទៅវិញ។
កំណាត់ផ្លូវជាតិលេខ៦ ក្នុងខេត្តកំពង់ធំ បានចាប់ផ្តើមលិចដោយសារធារទឹកភ្លៀង រួមជាមួយប្រភពទឹក ស្ទឹងស្ទោង និងទឹកដែលហូរចេញពីទំនប់អាងស្ទាក់ទឹក ៣០ កញ្ញាផងដែរ។ ក្នុងករណីទឹកនៅផ្នែកខាងលើ ទំនប់អាងស្ទាក់ទឹក៣០ កញ្ញា នៅតែបន្តជន់ឡើង, ទឹកស្ទឹងស្ទោងបន្តជន់ខ្លាំង នោះទឹកនឹងអាចនៅតែបន្តលិចផ្លូវផងដែរ។
លោក ជូ កុល្លា បន្តថា កំណាត់ផ្លូវជាតិលិចទាំងស្រុងនៅចន្លោះគីឡូម៉ែត្រលេខ២២០ ដល់លេខ២២៤ ជម្រៅ ០,២០ ម៉ែត្រ ដល់់ ០,៤០ ម៉ែត្រ បច្ចុប្បន្នមន្រ្តីជំនាញនៃមន្ទីរសាធារណការ និងដឹកជញ្ជូនខេត្ត វាយតម្លៃថា នៅចន្លោះគីឡូម៉ែត្រលេខ ២២២ ដល់លេខ២២៤ អាចរងផលប៉ះពាល់ខ្លាំង ដែលតម្រូវមន្ទីរ និងអាជ្ញាធរពាក់ព័ន្ធជួយគ្នាទប់បេខ្សាច់ ទប់ស្កាត់ការហូរច្រុះនៅផ្នែកខាងក្រោម។
ក្រៅពីផ្លូវជាតិលេខ ៦ មន្ទីរសាធារណការក៏បានផ្អាកផ្លូវពីរខ្សែផ្សេងទៀត គឺ៖ ផ្លូវខេត្តលេខ២៦៤D ស្ថិតនៅក្នុងឃុំបន្ទាយស្ទោង ស្រុកស្ទោង និងផ្លូវខេត្តលេខ២៦៤G ស្ថិតនៅក្នុងភូមិតាទ្រាល ឃុំប្រឡាយ ស្រុកស្ទោង។
យោងតាមរបាយការណ៍របស់មន្ទីរធនធានទឹក និងឧត្តុនិយមខេត្តកំពង់ធំ ស្ថានីយ៍វាស់កំពស់ទឹក នៅខេត្តកំពង់ធំ មានប្រាំស្ថានីយ៍ គឺ នៅស្ថានីយ៍ កំពង់ធំ នៅថ្ងៃទី២៧ ខែកញ្ញា មានកម្ពស់ទឹកជន់ឡើង ០,០២ម៉ែត្រ, កម្ពស់ទឹកថ្ងៃនេះ ១៣,៦៤ ម៉ែត្រ លើសកំពស់ប្រុងប្រយ័ត្ន០,១៤ ម៉ែត្រ, នៅស្ថានីយ៍ សណ្តាន់ ទឹកឡើង ០,០៦ ម៉ែត្រ កម្ពស់ទឹក ១៩,៤៤ ម៉ែត្រ លើសកំពស់ប្រុងប្រយ័ត្ន ០,៩៤ ម៉ែត្រ, ស្ថានីយ៍ អាងទឹកស្ទឹងជីនិត (១មករា) ទឹកនឹង មានកម្ពស់ទឹក ២,៩២ ម៉ែត្រ ទឹកនៅលើក្បាលបង្ហៀរ 0,៤៦ ម៉ែត្រ, ស្ថានីយ៍កំពង់ចិន (ទីរួមស្រុកស្ទោង) ទឹកនឹង មានកម្ពស់ ៥,៨០ម៉ែត្រ, ស្ថានីយ៍អាងទឹក ៣០ កញ្ញា ទឹកស្រកចុះ ០,១០ម៉ែត្រ កម្ពស់ទឹក ១៨,៧០ ម៉ែត្រ កម្ពស់ទឹកហូរតាមសំណង់ទ្វារទឹកធំមាន ៤,១៥ ម៉ែត្រ ទឹកហូរលើក្បាលបង្ហៀរ 0,៤០ ម៉ែត្រ៕
អត្ថបទ៖ ឈាង មករា
-
ព័ត៌មានជាតិ៤ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៥ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៧ ថ្ងៃ ago
មន្ត្រីជំនាញប្រើថវិកាជាតិលើការជួសជុលច្រាំងស្ពានវត្តគរ រហូតដល់ ៥ លើក
-
ព័ត៌មានជាតិ៤ ថ្ងៃ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ព័ត៌មានអន្ដរជាតិ៤ ថ្ងៃ ago
ផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់
-
ជីវិតកម្សាន្ដ៦ ថ្ងៃ ago
តារាថៃ Bella បញ្ចាក់ទំនាក់ទំនងជាមួយកូនថៅកែ CP Group
-
ព័ត៌មានជាតិ៣ ថ្ងៃ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?
-
ជីវិតកម្សាន្ដ១៣ ម៉ោង ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន