ព័ត៌មានជាតិ
ពលរដ្ឋរងគ្រោះដោយទឹកជំនន់២០០គ្រួសារ ទទួលអំណោយពីគណៈកម្មាធិការគ្រប់គ្រងគ្រោះមហន្តរាយខេត្តកំពង់ធំ
នៅថ្ងៃទី២៩ ខែកញ្ញា ឆ្នាំ២០២២ ឯកឧត្តម ងួន រតនៈ ប្រធានគណៈកម្មាធិការគ្រប់គ្រងគ្រោះមហន្តរាយខេត្តកំពង់ធំ ចុះចែកគ្រឿងឧបភោគបរិភោគជួយសង្រ្គោះបន្ទាន់ដល់ប្រជាពលរដ្ឋខ្វះខាតស្បៀងអាហារ ក្នុងអំឡុងពេលទឹកជំនន់ នៅឃុំសាគ្រាម ស្រុកប្រាសាទបល្ល័ង្ក។
ក្នុងឱកាសនោះដែរ ឯកឧត្តមលើកឡើងថា ការផ្ដល់អំណោយនៅពេលនេះដោយសារបងប្អូនប្រជាពលរដ្ឋទាំងអស់បានជួបការលំបាកក្នុងធ្វើដំណើរមកទិញទំនិញផ្សេងៗ ចាប់តាំងពីភូមិឋានរបស់ពួកគាត់ទទួលរងផលប៉ះពាល់គ្រោះទឹកជំនន់។ ការផ្តល់ស្បៀងអាហារសង្រ្គោះបន្ទាន់នេះ មិនបានចែកជូនគ្រប់ក្រុមគ្រួសារនោះទេ គឺយើងចែកជូនអ្នកមានជីវភាពលំបាកជាងគេ ខ្វះខាតជាងគេ ក្នុងមូលដ្ឋាន។
ទន្ទឹមជាមួយការទទួលបានគ្រឿងឧបភោគបរិភោគនេះ បងប្អូនប្រជាពលរដ្ឋទាំងអស់ត្រូវរស់នៅដោយការប្រុងប្រយ័ត្នខ្ពស់អំពីសុវត្ថិភាពចំណីអាហារ និងហាមឃាត់ក្មេងតូចៗកុំឲ្យទៅលេងទឹក ដើម្បីការពារគ្រោះថ្នាក់ផ្សេងៗជាយថាហេតុ។ នៅពេលរដូវទឹកសម្រកទៅវិញ សូមបងប្អូនប្រជាពលរដ្ឋទាំងអស់សូមទៅមើល ស្រូវស្រែរៀងៗខ្លួន ដើម្បីទប់ទឹក កុំឲ្យក្រោយពីរដូវទឹកជំនន់បែរជាមានដំណឹងថាស្រូវគ្មានទឹកគ្រប់គ្រាន់ទៅវិញ។ ទាំងអស់នេះ គឺជាការផ្តាំផ្ញើរ សាកសួរសុខទុក្ខពីចម្ងាយរបស់សម្តេចតេជោ ហ៊ុន សែន ដែលសម្តេចតែងតែគិតគូពីសុខទុក្ខ ប្រជាពលរដ្ឋគ្រប់ពេលវេលា។
លោក វណ្ណៈ សោភានិត អភិបាលស្រុកប្រាសាទបល្ល័ង្ក បញ្ជាក់ផងដែរថា ស្ថានភាពទឹកជំនន់ក្នុងស្រុកប្រាសាទបល្ល័ង្ក កម្ពស់ទឹកចាប់ផ្ដើមហក់ឡើងចាប់ថ្ងៃទី២២ ខែកញ្ញា ឆ្នាំ២០២២ បានធ្វើឱ្យប៉ះពាល់ដល់ឃុំចំនួន៤រួមមាន ឃុំសាគ្រាម ឃុំដូង ឃុំផាន់ញើម និងឃុំក្រយា បង្កផលប៉ះពាល់ដល់ហេដ្ឋារចនាសម្ព័ន្ធជាច្រើន។ ដោយឡែក ឃុំសាគ្រាម បានទទួលរងផលប៉ះពាល់ដល់ហេដ្ឋារចនាសម្ព័ន្ធ សាលារៀនចំនួន០៦កន្លែង វត្តអារាមចំនួន០៣ មណ្ឌលសុខភាពចំនួន០១កន្លែង ទឹកលិចក្រោមផ្ទះប្រជាពលរដ្ឋចំនួន២៧៥ខ្នង លើភូមិចំនួន០៩ ទឹកលិចផ្លូវកៅស៊ូចំនួន៨,៤០០ ម៉ែត្រ ទឹកលិចផ្លូវលំចំនួន៩,០០០ម៉ែត្រ ទឹកលិចស្ពានចំនួន០៥ និងហូរដាច់ស្ពានចំនួន០១ ស្រូវដែលរងផលប៉ះពាល់ ចំនួន៨១៤ហិចតា ប៉ះពាល់ដល់ដំណាំស្រូវកណ្តាល៤៧២ហិចតា ដំណាំផ្សេងៗសរុបចំនួន៥៣៣ហិចតា និងដំឡូងមីចំនួន៥៣៣ហិចតាផងដែរ៕
អត្ថបទ៖ ឈាង មករា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង