ព័ត៌មានជាតិ
មន្រ្តីបង្រ្កាបទីតាំងលក់សាច់សត្វព្រៃផ្សារសាមគ្គីស្ទឹងត្រែង ខណៈពលរដ្ឋទម្លាយថានៅមានច្រើនកន្លែងទៀត
ស្ទឹងត្រែង៖ កម្លាំងឧទ្យានុរៈនៃការិយាល័យដែនជំរកសត្វព្រៃបានចុះបង្ក្រាបទីតាំងលក់សត្វសាច់ព្រៃនៅក្នុងផ្សារសាមគ្គីស្ទឹងត្រែង ដកហូតបានសាច់សត្វព្រៃមួយចំនួន និងវត្ថុតាងបម្រើឲ្យបទល្មើសមួយចំនួន។ ការចុះបង្ក្រាបសាច់សត្វព្រៃខាងលើបានធ្វើឡើង នៅព្រឹកថ្ងៃទី ០៨ ខែតុលាឆ្នាំ ២០២២ នៅចំណុចខាងជើងផ្សារសាមគ្គីខេត្តស្ទឹងត្រែង។
លោក សាំង អែនឌី មន្ត្រីឧទ្យានុរៈការិយាល័យដែនជំរកសត្វព្រៃបានបញ្ជាក់ថា ពេលដែលកម្លាំងសមត្ថកិច្ចចុះបង្ក្រាបនោះ ជនសង្ស័យដែលជាអ្នកលក់សាច់សត្វព្រៃបានរត់គេចបាត់អស់បន្សល់ទុកតែសាច់សាច់ជ្រូកព្រៃចំនួន ៧ គីឡូសាច់ឈ្លូសមួយគីឡូកន្លះ សាច់ងៀតព្រើសចំនួន ២គីឡូជ្រុញចំនួន ១ កាំបិតតាំងតោចំនួន ១ កូនកាំបិតមួយជញ្ជីងមួយ។
លោកឧទ្យានុរៈបានបន្តឲ្យដឹងទៀតថា ក្រោយការបង្ក្រាបសាច់សត្វព្រៃ ដែលដកហូតបានពីក្រុមឈ្មួញ កម្លាំងជំនាញបានធ្វើការដុតបំផ្លាញចោល។
មន្រ្តីបានបញ្ជាក់ថា កម្លាំងជំនាញបានធ្វើសកម្មភាពចុះបង្រ្កាបជាញឹកញាប់ នៅផ្សារសាមគ្គីស្ទឹងត្រែងនេះ។ ពលរដ្ឋ ខ្សឹបប្រាប់ថា ចំពោះសត្វព្រៃរស់ដែលត្រូវបានឈ្មួញជួញដូរនៅក្នុងខេត្តស្ទឹងត្រែងមានជាច្រើនកន្លែង ត្រូវបានក្រុមឈ្មួញដឹកជញ្ជូនតាមរថយន្តស៊េរីទំនើបយកទៅកាន់ផ្សារគោលដៅប្រទេសជិតខាង។
ប្រជាពលរដ្ឋបាននិយាយទៀតថា ទីតាំងជួញដូរសត្វព្រៃរស់នោះមានចំនួន ៤ កន្លែងទី១ នៅចំណុចគីឡូ៣ ក្រោយកន្លែងរកស័ង្កសី និងដែកហាក់សេង ក្នុងភូមិរាជានុកូលសង្កាត់ក្រុងស្ទឹងត្រែង។ ទី២ ចំណុចជិតស្ពានតាឆាយ ក្នុងក្រុងស្ទឹងត្រែង។ ទី៣ ជិតបន្ទាយសឹករងខេត្តក្រោយផ្ទះយាយបូងស្ថិតក្នុងភូមិព្រែកសង្កាត់ក្រុងស្ទឹងត្រែង និងទី៤ ផ្ទះតាឡូជិតសាលាវាលប្រាយក្រុងស្ទឹងត្រែង។
ពលរដ្ឋបានលើកឡើងថា ទីតាំងជួញដូរសត្វព្រៃខាងលើនេះ មានសកម្មភាពទិញចូលលក់ចេញរាប់ឆ្នាំមកហើយ មិនដែលឃើញសមត្ថកិច្ចជំនាញធ្វើការចុះបង្ក្រាបនោះទេ៕ អត្ថបទ៖ ងិនលីម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ