Connect with us

ព័ត៌មានជាតិ

អភិបាលខេត្តមណ្ឌលគិរី ណែនាំដល់មន្ទីរជំនាញត្រូវចាត់វិធានការតឹងរ៉ឹងចំពោះការប្រើប្រាស់ឧបករណ៍នេសាទខុសច្បាប់

បានផុស

នៅ

លោក ថង សាវុន អភិបាលនៃគណៈអភិបាលខេត្តមណ្ឌលគិរី បានណែនាំដល់មន្ទីរជំនាញ និងអាជ្ញាធរមូលដ្ឋាន
ត្រូវចាត់វិធានការឱ្យបានតឹងរ៉ឹងចំពោះការប្រើប្រាស់ឧបករណ៍នេសាទខុសច្បាប់ ដើម្បីអភិរក្សជលផលសម្រាប់បម្រើ
ការប្រើប្រាស់ក្នុងពេលបច្ចុប្បន្ន និងកូនចៅជំនាន់ក្រោយ ជាពិសេសតម្រូវការធនធានមច្ឆជាតិជាអាហារប្រចាំថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងពិធីលែងកូនត្រី នៅបរិវេណអាងទឹកទំនប់លើ ស្ថិតនៅភូមិដោះក្រមុំ សង្កាត់សុខដុម ក្រុងសែនមនោរម្យ ខេត្តមណ្ឌលគិរី កាលពីថ្ងៃទី១៧ តុលានេះ លោកអភិបាលខេត្តបានមានប្រសាសន៍ថា ការរៀបចំពិធីលែងកូនត្រីនៅបរិវេណ
អាងទឹកទំនប់លើនេះ គឺដើម្បីបំផុសចលនាលែងកូនត្រីនៅគ្រប់កន្លែងតាមមូលដ្ឋាន និងឱ្យក្លាយជាប្រពៃណី ក្នុងការបញ្ញាក់ស្មារតីអភិរក្សជលផលដល់ប្រជាពលរដ្ឋ ក៏ដូចជាបង្កើនផលត្រី សម្រាប់ផ្គត់ផ្គង់ក្នុងស្រុក ។

លោកអភិបាលខេត្តបានបន្តថា ដើម្បីគ្រប់គ្រងធនធានធម្មជាតិប្រកបដោយប្រសិទ្ធភាព និងនិរន្តរភាពត្រូវផ្សារភ្ជាប់ទៅនឹងការធ្វើអាជីវកម្មសមស្របយើងត្រូវគិតគូរពីការអភិរក្សជលផលការដាំដុះព្រៃលិចទឹកឡើងវិញ និងការការពារបរិស្ថានជលផលដែលនេះគឺជាកិច្ចការដ៏សំខាន់ និងមានតម្លៃសម្រាប់ ទ្រទ្រង់ជីវិតមនុស្សសត្វ រុក្ខជាតិ និងជីវចម្រុះផ្សេងៗទៀតជាច្រើន សម្រាប់បម្រើការប្រើប្រាស់ក្នុងពេលបច្ចុប្បន្ន និងកូនចៅជំនាន់ក្រោយ ជាពិសេសតម្រូវការធនធានមច្ឆជាតិជាអាហារប្រចាំថ្ងៃ។

ជាមួយគ្នានេះដែរ លោកអភិបាលខេត្ត បានណែនាំដល់មន្ទីរជំនាញ និងអាជ្ញាធរមូលដ្ឋាន ត្រូវចាត់វិធានការឱ្យបានតឹងរ៉ឹង
ចំពោះការប្រើប្រាស់ឧបករណ៍នេសាទខុសច្បាប់ ត្រូវពង្រឹង និងជំរុញដល់សហគមន៍ស្រះជម្រកត្រីដែលបានបង្កើតហើយ
នឹងបន្តបង្កើតបន្ថែមទៀត ឱ្យបានច្រើនក្នុងមូលដ្ឋានជាពិសេសជំរុញឱ្យមានកន្លែងអភិរក្សពូជត្រីក្នុងសហគមន៍នីមួយៗ ។
លើសពីនេះទៀតត្រូវបន្តកិច្ចសហការជាមួយអាជ្ញាធរពាក់ព័ន្ធក្នុងការគ្រប់គ្រងកន្លែងអភិរក្សជលផលឱ្យបានល្អប្រសើរ
ត្រូវបំផុសលើកទឹកចិត្តដល់វិស័យឯកជន ឱ្យវិនិយោគលើការងារចិញ្ចឹមត្រី និងចែករំលែកការងារបច្ចេកទេសទៅវិញទៅមកការចិញ្ចឹម និងបង្កាត់ភ្ញាស់ប្រភេទត្រីក្នុងស្រុក ដើម្បីបម្រើឱ្យទីផ្សារ និងបង្កើនប្រាក់ចំណូលជួយកាត់បន្ថយការធ្វើនេសាទត្រីក្នុងដែនធម្មជាតិផង និងអនុវត្តយុទ្ធសាស្ត្រភូមិមួយផលិតផលមួយផងដែរ។

គួរបញ្ជាក់ថា ការប្រារព្ធពិធីប្រលែងត្រីមន្រ្តីជំនាញ បានប្រលែងពូជកូនត្រីចំនួន១០.៧០០ក្បាល ក្នុងនោះ មានត្រីឆ្ពិនចំនួន៦.០០០កូន និងកូនត្រីប្រា ៤.៧០០កូនចូលក្នុងអាងទំនប់លើ ក្នុងក្រុងសែនមនោរម្យផងដែរ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១៦ នាទី មុន

ផ្ទះបាយភូមិខ្មែរ ម៉ាកយីហោខ្មែរថ្មី តែមានឆន្ទៈយ៉ាងមោះមុត ក្នុងការចូលរួមអភិរក្ស និងអភិវឌ្ឍន៍ម្ហូបខ្មែរ កេរដំណែលជាតិ

សុខភាព២៥ នាទី មុន

កម្ពុជា លើកទឹកចិត្ត KOFIH កូរ៉េ ពង្រីកវិសាលភាពកាត់បន្ថយអត្រាមរណៈភាពទារក កុមារ

ព័ត៌មានអន្ដរជាតិ៣០ នាទី មុន

ចិន សម្រេចដកពន្ធស្រាពី អូស្ត្រាលី ដែលធ្លាប់រកាំរកូសកាល ៣ ឆ្នាំមុន

ព័ត៌មានជាតិ៤៧ នាទី មុន

មន្ត្រីជំនាញបារម្ភ កសិករប្រើប្រាស់ថង់ប្លាស្ទិក បង្កទៅជាសំរាមប៉ះពាល់ដល់ដីកសិកម្ម

សន្តិសុខសង្គម១ ម៉ោង មុន

អាជ្ញាធរស្រុកអូររាំងឪថា ចុះរៀបចំសណ្តាប់ធ្នាប់រហូត តែផ្លូវខាងក្រោយផ្សារ នៅតែចង្អៀតដដែល

Sokha Hotels

ព័ត៌មានពេញនិយម