Connect with us

ព័ត៌មានជាតិ

ភ្ញៀវទេសចរ​មក​កម្សាន្ត​នៅ​តាម​តំបន់ឆ្នេរ​ខេត្ត​ព្រះសីហនុ ​សូម​ចូលរួម​សម្អាត​និង​ទុកដាក់​សំរាម​ឲ្យ​បាន​ត្រឹមត្រូវ​

បានផុស

នៅ

ខណៈ​មាន​ភ្ញៀវទេសចរ​និង​ប្រជាពលរដ្ឋ​មួយចំនួន​ដែល​ក​កំសាន្ត​នៅក្នុង​ខេត្ត​ព្រះសីហនុ​នៅតែ​បន្ត​បោះចោល​សំរាម​មិនមាន​សណ្តាប់ធ្នាប់​នោះ​លោក​អភិបាលខេត្ត​ព្រះសីហនុ​បាន​អំពាវនាវ​ចូលរួម​សម្អាត​និង​ទុកដាក់​សំរាម​ឲ្យ​បាន​ត្រឹមត្រូវ​ដើម្បី​ថែរក្សា​បរិស្ថាន​ឲ្យ​បាន​ស្អាត​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែង​ក្នុង​ឱកាស​អញ្ជើញ​សាកសួរ​សុខទុក្ខ និង​ធ្វើការ​សំណេះសំណាល ព្រមទាំង​ផ្តល់ប្រាក់​ឧបត្ថម្ភ​លើកទឹកចិត្ត​ដល់​បុគ្គលិក​សម្អាត​ឆ្នេរ និង​ឆ្មាំ​ឆ្នេរ ចំនួន​៣៣​នាក់ ស្ថិតនៅ​ឆ្នេរ​អូរ​ឈើទាល សង្កាត់​លេខ​៤ ក្រុងព្រះសីហនុ ខេត្ត​ព្រះសីហនុ​នៅ​ថ្ងៃទី​០២​មករា​នេះ លោក គួច ចំរើន អភិបាល នៃ​គណៈ​អភិបាលខេត្ត​ព្រះសីហនុ​អំពាវនាវ​ដល់​បងប្អូន​ប្រជាពលរដ្ឋ និង​ភ្ញៀវ​ទេសចរណ៍​ដែល​បាន​មក​កំសាន្ត​នៅ​តាម​តំបន់ឆ្នេរ​ក្នុង​ខេត្ត​ព្រះសីហនុ សូម​ចូលរួម​សម្អាត និង​វេច​ខ្ចប់​កាកសំណល់​សំរាម​របស់​ខ្លួន​ឲ្យ​បាន​ត្រឹមត្រូវ ដើម្បី​ថែរក្សា​បាន​នូវ​អនាម័យ​បរិស្ថាន និង​ធ្វើ​ឱ្យ​ឆ្នេរសមុទ្រ​របស់​យើង​មាន​សោភ័ណភាព ខ្យល់អាកាស​ល្អ​បរិសុទ្ធ ដើម្បី​ទាក់ទាញ​ភ្ញៀវទេសចរ​មកលេង​កំសាន្ត​នៅ​ក្រុងព្រះសីហនុ​កាន់តែច្រើន​។

ជា​មួយ​គ្នា​នេះ​ដែរ ​លោក​អភិបាលខេត្ត ក៏បាន​ថ្លែង​ការកោតសរសើរ​ចំពោះ​ការខិតខំ​ប្រឹងប្រែង​របស់បង​ប្អូន​ដែលជា​បុគ្គលិក​សម្អាត​ឆ្នេរ និង​ឆ្មាំ​ឆ្នេរ ដែល​បាន​ខិតខំ​បំពេញការងារ​របស់ខ្លួន ក្នុង​ការ​រៀបចំ​សម្អាត​ឆ្នេរ​ទាំងយប់​ទាំង​ថ្ងៃ​ឲ្យ​បាន​ស្អាត​បន្ទាប់ពី​មាន​ភ្ញៀវទេសចរ​និង​បងប្អូន​ប្រជាពលរដ្ឋ​បាន​មក​កម្សាន្ត​នៅ​ថ្ងៃ​ឆ្លង​ឆ្នាំ​សកល​២០២០ ​ឈាន​ចូល​ឆ្នាំ​២០២១​នេះ​ មាន​ចំនួន​ច្រើន​លើសលប់​គួរ​ឲ្យ​កត់សម្គាល់​។

យោង​តាម​របាយការណ៍​របស់​មន្ទីរ​ទេសចរ​ណ៍ ខេត្ត​ព្រះសីហនុ បាន​ឲ្យ​ដឹង​ថា ភ្ញៀវទេសចរ​ដែល​បាន​ចូល​មកលេង​កម្សាន្ត​នា​ឱកាស​ឆ្លង​ឆ្នាំ​សកល​នា​ពេល​នេះ មាន​ចំនួន​ប្រមាណ​៣៦,៨៤៨​នាក់ ក្នុង​រយៈពេល តែមួយ​ថ្ងៃ​កើនឡើង​២៣,៧៣​ភាគរយ បើ​ធៀប​នឹង​ឆ្នាំ​២០១៩ ក្នុង នោះ​ភ្ញៀវ​ជាតិ​៣៥,២៧៨ កើនឡើង​៥៦,៧៩​ភាគរយ​៕
ដោយ ៖ សំអឿន

សូមចុចអាន ៖សូមប្រុងប្រយ័ត្ន! វីរុសបម្លែងខ្លួនប្រភេទថ្មីមកដល់ប្រទេសជិតខាងកម្ពុជាហើយ
សូមចុចអាន ៖រយៈពេល​១២​ឆ្នាំ​២០២០ មាន​ភ្ញៀវទេសចរ​បរទេស​ចូល​ទស្សនា​អង្គរ​ចំនួន​ជាង​៤០​ម៉ឺន​នាក់​ទទួល បាន​ចំណូល​ជាង​១៨​ដុល្លារ​អាមេរិក​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៦ នាទី មុន

អ្នកវិទ្យាសាស្រ្តរកឃើញថ្នាំ ជួយអ្នកខ្ជិលហាត់ប្រាណ ឲ្យឡើងសាច់ដុំដូចគេដូចឯង

ព័ត៌មានជាតិ៣២ នាទី មុន

រដ្ឋបាលខេត្តបាត់ដំបងត្រៀមរៀបចំព្រឹត្តិការណ៍សង្ក្រាន្តរយៈពេល ៥ ថ្ងៃ

ព័ត៌មានអន្ដរជាតិ៦ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ១០ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១០ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

Sokha Hotels

ព័ត៌មានពេញនិយម