ព័ត៌មានជាតិ
ធ្វើកឋិនទានជាមួយប៊ូសស្ត្រងចូលបច្ច័យម្ដងបានបុណ្យ៧វត្ត
ភ្នំពេញ ៖ ក្រុមហ៊ុនភេសជ្ជៈប៊ូសស្ត្រង នឹងដង្ហែបុណ្យកឋិនសាមគ្គីទៅកាន់វត្តចំនួន ៧ នៅរាជធានីភ្នំពេញ និងខេត្តចំនួន ៣ នាថ្ងៃសុក្រ ទី ១១-១២ កើត ខែកត្តិក ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ៤-៥ ខែវិច្ឆិកា ឆ្នាំ ២០២២ ខាងមុខនេះ។ ដូច្នេះក្រុមហ៊ុនបានប្រកាសជូនដំណឹងដល់សាធារណជន អាចអញ្ជើញចូលបច្ច័យចាប់មគ្គផលបុណ្យកឋិនសាមគ្គីនេះទាំងអស់គ្នាបានតាមរយៈគណនី ABA 000171787 ឬ KHQR: KATHEN7WAT។
តាមសេចក្ដីជូនដំណឹងដែលបណ្ដាញព័ត៌មាន Fresh News ទទួលបាននៅថ្ងៃទី ២៥ ខែតុលា ឆ្នាំ ២០២២ នេះ ក្រុមហ៊ុនភេសជ្ជៈប៊ូសស្ដ្រងបានបញ្ជាក់ថា «សូមគោរពអញ្ជើញពុកម៉ែបងប្អូនចាប់មគ្គផលបុណ្យកឋិនទានមហាសាមគ្គី ៧ វត្ត ដែលផ្ដួចផ្ដើមដោយ «ប៊ូសស្ត្រងចូលបច្ច័យម្ដងបានបុណ្យ ៧ វត្ត» និងអនុមោទនាទទួលផលានិសង្សទៅតាមកម្លាំងសទ្ធាជ្រះថ្លារៀងៗខ្លួន»។
ធ្វើបុណ្យកឋិនទាន គឺបានមគ្គផលកុសលបុណ្យអានិសង្សច្រើនណាស់ ទាំងចំពោះភិក្ខុ និងចំពោះម្ចាស់ដើមទាន ព្រោះក្នុង ១ ព្រះវស្សា វត្តមួយអាចធ្វើកឋិនបានតែមួយដងតែប៉ុណ្ណោះ ដើម្បីទទួលបានអានិសង្ស ៥ អាស្រ័យហេតុនេះហើយ ទើបបានជាម្ចាស់ក្រុមហ៊ុន ប៊ូសស្ត្រង ក្រុមគ្រួសារ បុគ្គលិកក្រុមហ៊ុន អ្នកចែកចាយទូទាំងប្រទេស សាច់ញាតិ អ្នកជិតខាង និងអតិថិជន ប៊ូសស្ត្រង ព្រមទាំងគណៈកម្មការអាចារ្យវត្តទាំង ៧ បានមូលមតិគ្នាជាឯកច្ឆន្ទ ផ្ដួចផ្ដើមធ្វើអង្គកឋិនទានមហាសាមគ្គី ៧ វត្ត ដែលផ្ដួចផ្ដើមដោយប៊ូសស្ត្រង ដើម្បីដង្ហែទៅប្រគេនព្រះសង្ឃគង់ចាំព្រះវស្សាអស់កាលត្រីមាសក្នុងពុទ្ធសីមាចំនួន ៧ វត្ត។
វត្តទាំង ៧ ដែលនឹងត្រូវដង្ហែចូលរួមមាន ៖
* ១៖ វត្ត អង្គតាផល (ស្ថិតនៅឃុំកក់ ស្រុកបសេដ្ឋ ខេត្តកំពង់ស្ពឺ)
* ២៖ វត្ត ជ្រោយអំពិល (ស្ថិតនៅសង្កាត់ក្បាលកោះ ខណ្ឌច្បារអំពៅ រាជធានីភ្នំពេញ)
* ៣៖ វត្ត ជ័យឧត្តមទួលរការ (ស្ថិតនៅភូមិទួលរការ ឃុំ / ស្រុកកំពង់ត្របែក ខេត្តព្រៃវែង)
* ៤៖ វត្ត សុវណ្ណរតនារាម (ស្ថិតនៅភូមិអន្លង់ចក ឃុំ / ស្រុកកំពង់ត្របែក ខេត្តព្រៃវែង)
* ៥៖ វត្ត ជ្រៃឧត្តម (ស្ថិតនៅ ឃុំជើងភ្នំ ស្រុកបាភ្នំ ខេត្តព្រៃវែង)
* ៦៖ វត្ត ព្រះពុទ្ធសក្យារាម (ស្ថិតនៅឃុំផ្សារដែក ស្រុកពញាឮ ខេត្តកណ្តាល)
* ៧៖ វត្ត សែន្យទាវ (ស្ថិតនៅ ឃុំស្រង់ ស្រុកគងពិសី ខេត្ត កំពង់ស្ពឺ)។
វត្តអារាមខាងលើ សុទ្ធតែជាវត្តដែលកំពុងត្រូវការបច្ច័យយកទៅសាងសង់កុដិ សាលាឆាន់ របងវត្ត។ ដូចនេះបងប្អូន ក៏អាចធ្វើបុណ្យរួមគ្នាជាមួយកឋិន «ប៊ូសស្ត្រង ចូលបច្ច័យម្ដងបានបុណ្យ ៧ វត្ត» ព្រោះបច្ច័យដែលបានមកទាំងអស់ នឹងត្រូវបានបែងចែកជា ៧ ចំណែក ទៅកាន់វត្តទាំង ៧ ស្មើៗគ្នា៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ