តើរដ្ឋមន្ត្រីប្រតិភូអមនាយករដ្ឋមន្ត្រីទាំង ២៩ រូប ជានរណា?

រដ្ឋមន្ត្រីប្រតិភូអមនាយករដ្ឋមន្ត្រីត្រូវបានតែងតាំង ផ្លាស់ប្ដូរ និងបញ្ចប់មុខតំណែងដោយព្រះរាជក្រឹត្យហើយត្រូវបំពេញភារកិច្ចតាមការប្រគល់ឲ្យដោយនាយករដ្ឋមន្ត្រី។ រដ្ឋមន្ត្រីប្រតិភូអមនាយករដ្ឋមន្ត្រីមិនមែនជាសមាជិករាជរដ្ឋាភិបាលទេ ហើយក៏មិនមែនជាភ្នាក់ងាររដ្ឋបាលអចិន្ត្រៃយ៍ដែរ។ រដ្ឋមន្ត្រីប្រតិភូ នឹងអស់តំណែងនៅពេលរាជរដ្ឋាភិបាលចប់អាណត្តិ។ បើគិតមកដល់ពេលនេះកម្ពុជាមានរដ្ឋមន្ត្រីប្រតិភូអមនាយករដ្ឋមន្ត្រីចំនួន ២៩រូប រួមមាន៖ 

១.លោក សុខ ចិន្តា សោភា អគ្គលេខាធិការក្រុមប្រឹក្សាអភិវឌ្ឍន៍កម្ពុជា CDC។ ២.លោក កៅ គឹមហ៊ួន ទទួលបន្ទុកមន្ត្រីនាំពាក្យ។ ៣.លោក ផៃ ស៊ីផាន ប្រធានអង្គភាពអ្នកនាំពាក្យរាជរដ្ឋាភិបាល។

៤.លោក ឈឹម ផលវរុណ ប្រធានលេខាធិការដ្ឋានឧត្តមក្រុមប្រឹក្សាពិគ្រោះ និងផ្ដល់យោបល់។ ៥.លោក ស្វាយ ស៊ីថា ប្រធានអង្គភាពព័ត៌មាន និងប្រតិកម្មរហ័ស។ ៦.លោក កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា។

៧.លោក ពេជ សោភ័ណ្ឌ រដ្ឋលេខាធិការប្រចាំក្រសួងការងារ និងបណ្ដុះបណ្ដាលវិជ្ជាជីវៈ។ ៨.លោក ហ៊ីង ថូរ៉ាក់ស៊ី រដ្ឋលេខាធិការប្រចាំទីស្ដីការគណៈរដ្ឋមន្ត្រី។ ៩.លោក អ៊ុក ប្រាថ្នា រដ្ឋលេខាធិការប្រចាំក្រសួងព័ត៌មាន។

១០.លោក វង្សី វិស្សុត រដ្ឋលេខាធិការប្រចាំក្រសួងសេដ្ឋកិច្ច និងហិរញ្ញវត្ថុ។ ១១.លោក ជូ វិជិត្ត រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ។ ១២.លោក អ៊ុច បូរិទ្ធ រដ្ឋលេខាធិការប្រចាំក្រសួងការបរទេស និងសហប្រតិបត្តិអន្តរជាតិ។

១៣.លោក សំហេង បុរស រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា។ ១៤.លោក ហ៊ុន ស៊ីថា នាយករងខុទ្ទកាល័យសម្ដេចតេជោ។ ១៥.លោក កែវ បាភ្នំ នាយករងខុទ្ទកាល័យសម្ដេចតេជោ។

១៦.លោក ម៉ម សារិន នាយកខុទ្ទកាល័យសម្ដេចវិបុលភក្តី សាយ ឈុំ។ ១៧.លោក ឡាំ ហេងហួត អនុប្រធានគណៈ កម្មាធិការជាតិគ្រប់គ្រងគ្រោះមហន្តរាយ។ ១៨.លោក ង៉ោ សុវណ្ណ អនុប្រធានគណៈកម្មាធិការជាតិគ្រប់គ្រងគ្រោះមហន្តរាយ។

១៩.លោក ឈាង យ៉ាណារ៉ា អគ្គលេខាធិការគណៈកម្មាធិការនីតិសម្បទា និងអភិវឌ្ឍន៍កម្ពុជា។ ២០.លោក កែវ រតនៈ អគ្គនាយកអគ្គិសនីកម្ពុជា។ ២១.លោក គង់ វិបុល អគ្គនាយកនៃអគ្គនាយកដ្ឋានពន្ធដារ។

២២.លោក គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា។ ២៣.លោក នរ៉ាណាឫទ្ធិ អានន្ទដាយ៉ាត អនុប្រធានប្រឹក្សាសេដ្ឋកិច្ច សង្គមកិច្ច និងវប្បធម៌។ ២៤.លោក សោម សឿន , ២៥.លោក ស៊្រី ថាមរុង្គ , ២៦.លោក វេង សាខុន , ២៧.លោក សុន សន្ធរ, ២៨.លោក យូ ស៊ុនឡុង និង២៩.លោក ឡុង វិសាឡូ៕

ដោយ៖ ធឿន វ៉ាន់សុង